Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Наши мокшанские сыновья и дочери

Мокшень поэтть Е.С.Тимошкинонь шачема шиста 90 кизонь топодемати


МАКСИМОНЬ СОВЕСТЕЦ
Максим сивсь кафкса
 салу калхт,
Синь мельгаст кемонь
 верок алхт.
Суронь ямда цють ли
аф сюма,
Штоба лядыкс ямсь
 афоль юма,
Эрявсь аньцек стямс
и вазенц мумс,
Топодьстоста ляксезь
куду тумс.
Но Максимонь
васькафтсак ли? Алясь
Ару медень пуреть
таньфонц марясь.
Анась кружка.
Тя кржа,—
Кандсть тага,
Кукшенть путозь
инголенза вага.
А мзярда моркшть
ваксста сон стясь,
Мярьгсь:
—Ну, тинцьке
тиедова честь—
Ширезон моледа
хуш весть.
Пуре мархтонт сявода,
И алнят,
И свежай калнят.
А то монць оду аф суван,
Совестезе ули,
Аф туван.
КАФТА ШАМАСА
Мазы!
Мольфоц,—
мярьгат,
лиезь туй,
Корхтазеви—
бта пупси
куй.
УЛИХТЬ ЛОМАТТЬ
Кабинетса
азоркс яла
вятьсы прянц,
Мезе кельк,
сянь тии,
кда мялец.
Кодак кудса няйсы
эсь рьванц,
Тумонь пенгакс
шуфтоми
сонь кялец.
ПРЯНЬ НЯИ
Соронь кядьгось
Шнай пря кинди кельк:
—Тячи эзон
Сонць оцюнясь
сельгсь.
НАКАЗАЗЬ
Столовайса винада
 симондсь завсь,
Сяс тоста панемс савсь.
Штоба тяфта
афоль тие оду,
Кучезь сонь директоркс…
спиртзаводу.

20.04.2018 №
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин