Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

События

Российскяй Федерациянь Президентть В.В.Путинонь присягац

7 майста Владимир Путин официальнайста арась Россиянь Президентокс. Традицияс коре, инаугурациянь торжественнай церемониясь етась  Кремлевскяй Оцю дворецть Андреевскяй залсонза. Государствань Оцюнясь макссь присяга сенаторхнень, Госдумань депутаттнень и Конституционнай судонь судьятнень инголе—марнек церемонияс Москуву сашендсь лама инжи—вете тежятть ломань.
Залса кайгсь Государственнай гимнась, а Кремляса президентскяй резиденциять куполонц вельхксса кеподевсь государствать главанц штандартоц. Россиянь народти присягань максомда меле Владимир Путин пшкядсь странань граждаттненди обращения мархта.
—Лувондса эстейне долгокс и сембе эряфозти главнайкс тиемс семботь Россияти, сонь тяниень и сай пингонцты—мирнай и панчфокс панжи эряфонцты, народть лувксонц ванфтоманцты и касфтоманцты, эрь российскяй семьять эряфонц цебярьгофтоманцты. Надияфттядязь тинь: эряфозень, работазень целец, кода и инголи, ломаттненди, минь Отечестваньконди служамась. Тейне тя самай главнайсь,—мярьгсь Владимир Путин.
Сон стане жа отмечазе, што странать сембе уликс возможностенза кармайхть водендафт внутренняй прябалатнень решандамаснонды.
—Эряфонь од качествась, благополучиясь, эряфонь аралафшись, ломанть шумбрашиц—вов мезсь тячи инь главнайсь, вов мезсь минь политиканьконь главнай целец. Минь ориентироньке—Россиясь—ломаттненди, эрь ломанть возможностензон панжемаснонды,—поладозе Владимир Путин.
Сяльде Соборнай площадьса етафтовсь президентскяй полкть представленияц Верховнай Главнокомандующайть инголе должностьс араманц лемс. Однясь тя событияса ульсь ся, што Соборнай площадьса ульсь лама ломаньда, конат арасть тя событиять пяльксонцты знаковайкс. Президентскяй полкть смотрада меле Владимир Путин корхнесь волонтерхнень и од ломанень организациянь представительхнень мархта.
Церемониять поладозе сяльде Россиянь Президентть инаугурациянц коряс благодарственнай молебенць, конань етафтозе Московскяй и сембе Русень патриархсь Кирилл.

10.05.2018 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин