Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

События

Владимир Волков примась участия

Государствань Оцюнясь мярьгсь, што анокламась пцтай аделаф, Россиясь анок турнирти.
«Минь обязанностеньке кода инжиень примай, турниронь цебярь азоронь заботендамс эрь болельщикть, кона сай первенствати, колга. Волонтерхне, услугань сферань представительхне, конат работайхть чемпионатонь объекттнень эса, улест анокт максомс инжихненди эрявикс лезкс лама кизефксонь коряс: улеза тя эряма вастонь мумась, ярхцамбяльть мархта сотф кизефксне или культурнай программась»,—мярьгсь Президентсь.
Тяфта жа государствань Оцюнясь китькстазе, што тиф инфраструктурась, сувафтомок тоза тяниень пингонь аэропорттнень, вокзалхнень, китнень, развязкатнень, цифровой технологиятнень и интеллектуальнай управлениянь системань сфератнень эса наработкатнень, кармайхть служама российскяй региоттнень, ошнень, марнек странаса деловой эрекшить виияфтомаснонды и, конешна жа, ломаттнень эряфонь качестваснон цебярьгофтомаснонды.
Видеоконференциянь режимса етасть прямой включеният Самараста, Калининградста и  Нижняй  Новгородста.
Заседанияса примась участия ФИФА-нь оцюнясь Джанни Инфантино, кона отмечазе Россиять анокшинц чемпионатти и азсь надияма, што минь странаньке сонь етафтсы инь оцю уровеньца.
Видеоконференциять шумордамста республикань Оцюнясь Владимир Волков етафтсь «Мордовия Арена» стадионца турнирть етафтоманцты анокламать, а стане жа лядыкс тестовай матчнень етафтомаснон коряс рабочай совещания.


10.05.2018 №
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин