Поиск по сайту: 
 

Архив
 сентябрь 
 2020 
пн вт ср чт пт сб вс
 123456
78910111213
14151617181920
21222324252627
282930    

 
 

 

Как жили и живут мокшане

ЭСЬ ЛАЦОНЬ ОЗКСТ

Кунардонь пингть мокшетне и эрзятне ётафнесть тяфта лемневи стака озкст. Синь ётафневсть, мзярда ураткшнесь лама жуватада. Тяфтама озксс водендакшневсть аф сембе, а аньцек сире атятне и бабатне, удаватне, рьвакс апак тушентф стирьхне, шабатне. Лядыхненди мярьгондсть ащемс кудса и аф лисендемс.
Озксонь ётафтомста крьвяснесть «живой тол», тя толса пицесть озксонь ярхцамбяль, крьвяснесть куйгорхт, шужярнят. Каннезь палы куйгорнятнень озондыхнень инголи. Озкссь сяда сидеста ётафневсь веть, веле песа. Озондсть сетьмоста, тошказь, киндивок ашезь мярьгондев кайгиста корхтамс, рахамс, велеса лятфнендивок мярькфоль ащемс сетьмоста, эняльдсть панемс жувататнень эзда урмать.
Саратовскяй губерниянь Хвалынскяй уездонь Баевка велеса тяфтама озкста инголе велень ульцява ётнесть кафта бабат. Синь кядьсостольхть палаксонь тяльмонят, ня тяльмонятнень мархта эрьхнесть куд ужетненди. А веле кучкава байдек лангса ластя ардсь аля, кирдсь кядьсонза пеель, урня и салмокс. Тя койсь корхтай сянь колга, што мокшэрзятне кшнинь оржа предметтнень вельде панцезь эсь ширдест урматнень, кальдяв вийхнень. Оржа кшнитне—тя синь эряфонь ванфтомасна. Тяфта жа содафт койхть, мзярда марнек велеть перьфонц соксезь кшнинь сокаса. Кой-коса сокаса боразнанят тиендсть и велеть кувалмова.
А сокати кильнесть аф алашат, а стирнят или удават. Тянкса кочксевсь аф оцю, тёждя соканя. Котошка ава усксть соканять эса, но, мзярда велеть учендозе кодамовок оцю кальдяв, сокати кильневсь сяда лама ломань. Стирьхнень лангсольхть карксфтома акша панархт, шяярьсна нолдафтольхть панарснон ланга. Алятневок щафтольхть котфонь акша панарса и понксса, каркст ашесть сотнекшне. Ульсть койхть, мзярда якасть крхтапавок. Тяфта, улема, тиендсть сяда кунардонь пингть.
Велеть шаромда меле озксонь вяти алясь корхнесь тяфта: «Оду, урма, минь ширезонк тят сашенда. Минь путоме инголет кшнинь перяфкст, тук эздонк ичкозиня, сисем паксятнень шири, ваяк шобда ведьс. Макстама тейть ярхцамбяль и симомбяль. Лятт тозк».
Кой-кона велетнень эса велеть шаромда меле кяжи вийхнень лемс печксесть равжа ката или равжа атёкш. Лия вастса казендезь Велень шкайть, сонь лемозонза велеть песа калмосесть модати ярмакт. Тя пингть ляцендсть ружьяста вяри.
Жуватань урадомать, лама ломанень куломать сотнекшнезь сянь мархта, што велеряйхнень лангс кяжиясть покойникне. Вов мес кой-кона велетнень эса велень шаромась ушеткшнесь калмалангста. Тоса озонкшнесть сембода сире крёзти, сембода кунара калмафти, штоба аралалезе велеть. Озксонь ётафтомда меле тязк, калмалангса, озондыхне симсть, ярхцасть.

10.05.2018 №
 
 
 

 
НОВОСТИ

КАСОМАНЬ И ВИИЯМАНЬ КИГЕ

25.09.2020
 
 
 
 

ТЯЧИ—МИНЬ ШАЧЕМА ШИНЬКЕ!

24.09.2020  № 37
 
 
 
 

ТЯФТАМА ВАСЬФНЕМАТНЕ ЭЖНЕСАЗЬ ВАЙМОТЬ

Ётась «Волга–река мира» Международнай этнокультурнай XIX-це фестивальсь-экспедициясь

 

 

Арась эсь лацонь койкс эрь кизоня етафнемс Поволжьянь ошнень эзга «Волга–река мира. Диалог культур волжских народов»  этнокультурнай фестивальть-экспедициять. Тядде международнай тя форумсь пуроптфоль кевейхксыецеда. Кода фалу сонь работасонза примасть участия региональнай властень, национально-культурнай общественнай организациянь представительхть, содаф ученайхть, артистт, писательхть, журналистт, конат сашендсть Россиянь 14 регионцта. Сембоц пуромкшнесь 80 ломань. Фестивальсь арась теест васедема, инь пичефтить-таколфтыть колга седикс-ваймокс корхнема вастокс. Ваномс кепотьфоль лама оржа кизефкс, конат, васендакиге, сотфтольхть национальнай культурать, кяльхнень ванфтомаснон мархта. Якстерь сюре кикс таргавсь фестивалень программать эса военнай тематикась, вдь тядде минь васьфтеськ Великай Победать 75 кизонц.

 

18.09.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин