Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

В Госсобрании РМ

МР-нь ГОССОБРАНИЯТЬ ВИДЕСА ОБЩЕСТВЕННАЙ СОВЕТСЬ УШЕДОЗЕ ЭСЬ РАБОТАНЦ

Ётай недялять, 17 майста, Мордовия Республикань Государственнай Собранияса етась МР-нь Госсобраниять видеса Общественнай советть васенце заседанияц. Общественнай советть пуроптоманц колга решениясь примафоль Мордовиянь Государственнай Собраниять комсь кафтувоце сессиясонза.
Вятезе пуромксть МР-нь Госсобраниять Председателец В.В.Чибиркин.
—Общественнай советсь водендаф МР-нь Государственнай Собраниять работанц цебярьгофнеманкса, законотворческяй тефнень виияфнеманкса,—азозе Владимир Васильевич.—Советонь члеттне кармайхть ванома общественнай мяльхнень-арьсематнень мяльс сявондемаснон мельге, васендакиге тя сотф избирательхнень наказснон пяшкотькшнемаснон мархта.
Общественнай советти сувась 20 ломань. Етксост здравоохранениянь, образованиянь, велень хозяйствань, промышленностень, строительнай отраслянь, профсоюзонь представительхть. Советти председателькс кочкафоль почетнай отставкаса МР-нь Верховнай судть председателец Г.А.Курышев. Заместителькс теенза, Советонь члеттнень решенияснон коряс, арась «МордовАгроМаш»  ОАО-ть генеральнай директороц Г.А.Громов. Секретарькс путф Финно-угорскяй народонь культурань Поволжскяй центрать директороц Р.И. Акашкина.
Заседанияса Советонь члеттне примазь 2018 кизонди работань планть. Пуромксса пенсионерсь С.Ф.Сорокин и Мордовиянь строительхнень Ассоциацияснон президентоц В.Г.Гришин азсть мяль сувафтомс работань планти кой-кодама полафткст. Синь сотфт РФ-нь Президентть од «майскяй указонзон» эряфс етафнемаснон мархта. Стане жа азфоль мяль сувафтомс работань планти РФ-нь Федеральнай  Собранияти Государствань Оцюнять Посланиянц башка положениянзон, конат сотфт строительнай отраслять мархта.
О.ЕВДОКИМОВА.

24.05.2018 №20
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин