Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Национальная тематика

«ШУМБРАТ» ИЛАСЬ АСЬКОЛЯЙ РОССИЯВА!

Мордовиянь национальнай культурать сатфксонза
Кода содаф, Мордовия Республикань Оцюнять В.Д.Волковонь Указонц коряс, тяддень август ковста Мордовияса ётафтови «Шумбрат» мокшэрзянь Республиканскяй национально-фольклорнай илась. Праздникс тяфта жа сайхть инжихть Россиянь сембе региоттнень эзда, коса компактнайста эряйхть мокшэрзят, конат панчсть эсь субъектсост Мокшэрзянь народонь Межрегиональнай общественнай Организациянь отделеният.
Ламоц вастова ётафтфт ни «Шумбрат» лем ала мокшэрзянь национально-фольклорнай илат. Сембе синь арасть анокламань этапокс «Шумбрат» мокшэрзянь Республиканскяй национально-фольклорнай илати, кона тяддень август ковста ётай Мордовия Республикаса. Фкясь эздост 19 майста ётафтовсь Ульяновск ошса.
«Шумбрат» илас, кона ётафтовсь Ульяновск ошень «Владимирский сад» паркса, састь делегацият Мордовияста, Чувашияста, Пензенскяй, Саратовскяй и Нижегородскяй областьста. Эсост ульсть государственнай властень и мокшэрзянь общественнай организациянь представительхть, национальнай культурань и литературань деятельхть, национальнай музыкальнай ансамбльхть и лия коллектифт, а тяфта жа мокшэрзянь народнай промыслань и ремёслань мастерхт.
Инь оцюволь делегациясь Мордовия Республикаста, конанди руководителькс ульсть Мордовия Республикань культурань, национальнай политикань, туризмань и архивнай тевонь министрть васенце заместителец А.И.Карьгин и Мокшэрзянь народть Межрегиональнай общественнай организациянц председателец Ю.А.Мишанин. Стане жа делегациять лувксс сувсесть Россиянь и Мордовиянь Народнай артисткась, Мордовия Республикась Почётнай гражданинць А.Н.Куликова, «Торама» ансамбльсь, Рузаевскяй райононь «Тяштеня» народнай моронь ансамбльсь, Мордовиянь национальнай драматическяй театрань актёрхне, Тавлань народнай промыслань и ремёслань мастерхне, журналистт.
Илать «Родонь-плямань штатолть крьвястемац» театрализованнай представленияса панжезь Мордовиянь национальнай драматическяй театрань актёрхне. Эсонза синь няфтезь мокшэрзянь народть кунардонь пингонц и сонь валда надияманзон тяниень и сай пингонь павазу эряфть лангс фкя семьяса Россиянь лия нароттнень мархта!
Пуромфнень Мордовия Республикань Оцюнять В.Д.Волковонь лемста праздникть мархта лямбоста поздравляндазень республикань культурань, национальнай политикань, туризмань и архивнай тевонь министрть васенце заместителец А.И.Карьгин. Эсь выступлениясонза сон мярьгсь: кле, Мордовия Республикань Оцюнясь В.Д.Волков азонды Ульяновскяй областень Губернаторти С.И.Морозовонди седи ваксстонь оцю сюкпря мокшэрзянь «Шумбрат» илать лац ётафтоманкса, кона арась няевикс событиякс Российскяй Федерациять этнокультурнай эряфса! Сембе минь цебярьста шарьхкодьсаськ: ялгаксшинь койхнень коряс эряфсь, фкя-фкянди лезксонь максомась—тя минь оцюдонга оцю марстонь козяшиньке. И «Шумбрат» мокшэрзянь национально-культурнай илась, и лацонза лия праздникне касфтыхть тя минь марстонь козяшиньконь эса!
Ульяновскяй областень Губернаторсь С.И.Морозов, лямбоста поздравляндамок илас пуромфнень «Шумбрат» праздникть мархта, тяфта жа макссь оцю питне илать духовнай ширенцты. Губернаторть валонзон коряс, «Шумбрат» илась няевиста кемокстай межнациональнай и межкультурнай соткснень эса российскяй нациянь нароттнень ёткса аф аньцек Ульяновскяй областьса, но и Российскяй Федерациянь лия региоттнень эса, коса синь ётафневихть!
Сяльде С.И.Морозов «Шумбрат» илать цебярьста анокламанкса и ётафтоманкса ламотнень Ульяновскяй областень мокшэрзянь      активисттнень эзда казезень Почётнай грамотаса, Дипломса и казнеса.
«Шумбрат» илас пуромфнень тяфта жа поздравляндазь Мокшэрзянь народть Межрегиональнай общественнай организациянц председателец Ю.А.Мишанин, Саратовскяй областень внутренняй политикань министрть васенце заместителец Д.Е.Конусов, Ульяновскяй областень мокшэрзянь национально-культурнай автономиять председателец В.А.Сафонов.
«Шумбрат» илас сафнень праздникть мархта тяфта жа лямбоста Приветственнай сёрмаса поздравляндазень Финно-угорскяй нароттнень Всемирнай конгресснон мархта тевонь вятемать коряс Российскяй Федерациянь Президентть специальнай представителец Н.И.Меркушкин.
Приветственнай адрес илань участникнень лемс кучсь и Российскяй Федерациянь финно-угорскяй народонь Ассоциациять председателец П.Н.Тултаев.
Тяда меле ульсь праздничнай оцю концерт. Эсонза оцю васта занясть Мордовия Республикань артисттнень и национальнай музыкальнай коллектифнень выступлениясна. Илать пингста литературнай, живописень, ремёслань и промыслань площадкатнень эса эсь мастерстваснон тяфта жа няфтезь Мордовия Республикань, Ульяновскяй, Саратовскяй, Нижегородскяй областень мокшэрзянь поэттне, художникне, промыслань и ремёслань мастерхне.
Тейнек тячи ули кода азомс: «Ульяновскяй областьса «Шумбрат» илась ётась келиста, мазыста и сембе ширде удалафста! И сон арась анокламань няевикс этапокс Мордовиянь «Шумбрат» Республиканскяй национально-фольклорнай илати!»
В.НЕСТЕРОВ.

24.05.2018 №20
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин