Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Обратная связь (Газета - Читатель)

Лувиень мяльхть-арьсемат газетать колга

«МОКШЕНЬ ПРАВДАТЬ» МАРХТА ЯЛГАКС АРАНЬ ПЯК КУНАРА»
М.И.Бикеева, Мордовия Республикань культурань Заслуженнай работник, Старошайговскяй райононь Лемдяй велень эряй:
—«Мокшень правда» газетать мархта ялгакс арань пяк кунара. Мзярда васенцеда повсь кядезон, морафтыне педа-пес. Мялезон пяк тусь ся, мезень колга и кода тяштсть мокшень    журналисттне. Ётасть кизот, а газетать стаки лувондса. Эрь номерста мушендан мезевок одня. Велень ломанян, сяс васендакиге вешсайне велень эряфть, тяса эряй ломаттнень, лиякс азомс, семботи тянди лемтьф тематнень. Кельгома тевозе—сюреса сёрмадомась. Малат тейне тяфтама асуса казьф машты кядь ломаттнень квалма материалхне. Аф кржа эздост уленди «Шумбрат, Мордовия!» народнай творчествань республиканскяй фестивальса. Монцьке эрь кизоня примсян участия выставкатнень эса.
Ёфси аф кунара васьфтеськ оцю праздникть—Сяськомань Шить. Арьсян, сон занци башка васта эрть ваймоса. Несколька кизода инголе эряфсонк эвондасть «Дети войны» валхне. Тяфтама лем макссеви сятненди, кит шачсть качаму-толу ся кизотнень. Ёткозост сувсян монга. Кржа ляткшни Великай Отечественнай войнань участникта, тылонь ся кизонь труженикта. Но тя темать мзярдовок аф юкснема. И пара, што «Мокшень правдась» сидеста азонкшни Родинаньконь аралаензон, военнай мяляфтови дататнень колга.
Нинге морафнесайне шумбрашить ванфтоманц мархта сотф сёрматфнень. Советтне, рецепттне, рекомендациятне, койсон, эрявкснихть сембонди.
«Мокшень правда» тяштьфнень и карман тяштьфнема сяда товга. Тернесайне сембе мокшетнень тянди!
«АРАСЬ ТЕЙНЕ РОДНОЙКС»
В.В.Кирдяев, 10-це каналонь национальнай редакциянь корреспондент:
—Аф пелян лемдемс «Мокшень правдать» Мордовиянь инь цебярь газетакс. Пцтай сяда киза сон занци башка васта республикань массовай информациянь средстватнень ёткса. Эрь недяляня журналисттне ёрайхть азондомс мокшэрзянь ломаттнень эрь шинь тевснон, эряфснон колга. Газетась лезды велень эряйхненди содамс ошень кулятнень. Изданиясь ёфси кода арзяня, конань потмос кочкафт инь цебярь материалхне поэттнень, художникнень, музыканттнень, спортсметтнень квалма. Аф юксневихть велень труженикне—комбайнерхне, механизаторхне, траксонь потяйхне, конат сотозь эряфснон шачема  ширеть мархта.
Морафнеса газетать идькс пингста сявомок. Пара мяльса учендса эрь номеронц. «Мокшень правдась» лезды тейне и сембе од ломаттненди аф юкстамс тядянь-алянь кяльть. Эрь валсь, конань сермадсазь журналисттне токсесазь седиезень, тянкса газетась арась тейне роднойкс.
 
«МОРАФНЕСА ПАРА МЯЛЬСА»
М.Кабаева, Атюрьевскяй райононь Кяшалня (Духонькина) велень эряй, трудонь ветеран:
—Нильгемоньда лама киза покодень библиотекарькс Атюрьевскяй райононь Перевесье велеса. Кодама аньцек книгат, газетат и журналхт ашень лувонда, но фалу васенце вастти путнине «Мокшень правдать». Эсь кяленьконди кельгомась сась тядянь лофцть мархта. Тянемс и лядсь. Аф фкя киза ни пенсиясан, но газетать лувондса тячивок. Газетать эрь номероц салай мяль.
Мезсь тушенды мялезон? Васендакиге, тяса лама цебярь советта. Аф мярьган, што сембонь нолясайне тевс, но кой-конат тейне пяк кондяснихть. Лац няфти «Мокшаваня» полосась. Тушенды мялезон Шкаенди верондаень уженясь. Но инь кельговихть тейне пеетькшнематне-сингоряматне. Синь фалу кеподьсазь колаф мяльцень, кошарттядязь ёфси лия сельмоса ваномс эряфонь стакатнень-сталмотнень лангс.
Мезе, койсон, аф сатни газетати, тя сире пингонь мокшень моротне. Мон и ава ялгане пяк кельгсаськ мораманьконь. Тясть юксне велень эряфть. Сяда ламоня тяшнеда велеряйхнень колга. Трудонь кельги ломаньда тяса пяк лама. Синь колгаст эряви азонкшнемс лиятненди, штоба эздост сявондельхть пример.
 

24.05.2018 №20
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин