Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Тема дня

ТЯФТАМА ВАСЬФТЕМАТНЕ ЭЖНЕСАЗЬ ВАЙМОТЬ

Тройцяста Мордовиянь Оцюнясь В.Д.Волков ульсь Краснослободскяй районца
Святой Тройцясь фалу ульсь и ляткшни инь кельгови праздникокс. Тя шиня ламотне ёрайхть повомс емла родиназост, шачема ширезост, васьфтемс ялгаснон, содафснон, радняснон мархта. Тяфта ульсь и 27 майста. Краснослободскяй райононь Русское Маскино велеть маласа, Мокша ляйть види трвасонза кужети сашендсть тя районца шачфне-касфне, штоба марса етафтомс Святой Тройцять и Краснай Подгора велень поселениянь шить.
Нинге шобдава ушедсть работама кизонь кафетне, налхксемань аттракциоттне. «Народнай кужеса» мольсть велень подворьятнень презентациясна, национальнай ярхцамбялень выставкатне-дегустациятне, сувениронь мишендемась, ремеслатнень и сюреса сёрмадомать, кодамать коряс мастер-класст. Перьфпяльге кулевсть седиень токай морот, сиде моронят.
Оцю илати састь Мордовия Республикань Оцюнясь В.Д.Волков, Мордовия Республикань Правительствать Председателец В.Ф.Сушков, Мордовскяй Митрополиянь Оцюнясь, Саранскяй и Мордовскяй Митрополитсь Зиновий, Саранск ошень мэрсь П.Н.Тултаев, Краснослободскяй муниципальнай райононь оцюнясь А.Н.Масеев.
Сценати приветствиянь валонь азома тердеви Мордовия Республикань Оцюнясь В.Д.Волков.
—Поздравляндатядязь Святой Тройцять и Краснай Подгора велень поселениять шинц мархта! Тячи тяза кочкавсть аф аньцек сят, кит тяса трудендайхть, но и земляконте, конат мяляфтыхть ёмла родинаснон колга. Сембе тясотама сянкса, штоба нинге весть азомс спасиба родной модати. Васенце вастсот, конешна, ломаттне, конатнень касфтозень тя модась и ламотне тяни седикс-ваймокс покодихть тястонь хозяйстватнень эса. Оцю спасиба теест!—мярьгсь Владимир Дмитриевич.
Сяда тов В.Д.Волков казезень инь достойнайхнень. Мордовия Республикань велень хозяйствань Заслуженнай работниконь почетнай лем максфоль «Свободный труд» велень хозяйствань артелень-племзаводонь тракторнай бригадать бригадиронцты А.И.Сидоровонди. Несколька ломанць казьфтольхть Мордовия Республикань Оцюнять Благодарностенц мархта. Ульсть казнет и Мордовиянь Государственнай Собраниять эзда.
Сценати лисихть Ворониттнень, Легачефнень, Маниттнень лама идень семьясна. Синь стане жа получасть казнет В.Д.Волковонь кядьста.
Цебярь пример тяса няфнихть од семьятне. Мекольдень 5 кизотнень Краснай Подгора велень поселенияса эвондась 17 од семья. 5 кизоста шачсь 62 стирня и цераня, тядде—8. Сценати терневсть емла идь мархта семьятне: Клокофне стирьснон Аринать, Карпиттне цераснон Алексеень, Покатофне стирьснон Софьять мархта и лиятне.
Праздникса ульсть Социалистическяй Трудонь Геройть Павел Михайлович Волковонь лемса Краснай Подгорань средняй общеобразовательнай школаса тонафнихне—асу     иттне, конат арасть сяськикс и призёркс тя или тона олимпиадатнень эса. А вов сценаса Краснай Подгора велень поселениянь «Слобода» хоккейнай командась, конань аф ёмлат сатфксонза спортса! Республикань Оцюнять эзда теенза максфоль сертификат спортивнай форманди.
Тя шиня республикань Правительствать Председателенц В.Ф.Сушковонь Шачема шицоль. Владимир Фёдоровиченди азфоль поздравляндамань лама вал, а сонць лама киза виень аф ужяльдезь трудендаманкса республикань Правительствать Почетнай грамотанзон мархта казезень инь цебярь сатфксонь сатыхнень.
Поздравляндамань валхт пуромфненди стане жа азсть Мордовскяй Митрополиянь Оцюнясь, Саранскяй и Мордовскяй Митрополитсь Зиновий, Саранск ошень мэрсь П.Н.Тултаев, Краснослободскяй муниципальнай райононь оцюнясь А.Н.Масеев.
Т.АЛЬШИНА.

31.05.2018 №21
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин