Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

Славянскяй письменностень и культурань Шиста

Российскяй Федерациянь Президентть 2010 кизонь 323№ «О праздновании Дня славянской письменности и культуры» Указонц коряс, Россиянь эрь субъектса 2018 кизонь 24 майста ётафтовсть праздничнай мероприятият. Пингстост азондовсь святойхнень Кириллонь и Мефодиень, конат арьсезь и сермадозь славянскяй азбукать, ётафтозь греческяй кяльста славянскяй кяльс богослужебнай книгатнень и Библиять, духовнай подвигснон колга.
Славянскяй письменностень и культурань Шить омбоце лемоц—святойхнень Кириллонь и Мефодиень шисна. Сяс тя шиня ламоц храпнень эса ётафтовсть Божественнай литургият, крестнай хотт, святой васттнень ланга паломничестват, экскурсият монастырьга.
Мордовия Республикаса святойхнень Кириллонь и Мефодиень шиснон лемс православнай храпнень эса тяфта жа ётафтовсть Божественнай литургият. Синь поладозь Славянскяй письменностень и культурань Шити лемтьф праздничнай мероприятиятне, конат келиста ётафтовсть Мордовиять столицаса и Ковылкинскяй районца, Ф.В.Сычковонь лемса Рузонь культурань центраса.
Саранскяйса А.С.Пушкинонь лемса культурань и ваймамань паркса ётась Мордовия Республикань хоровой коллектифнень гала-концертсна. Эсонза эсь искусстваснон няфтезь Мордовиянь культурань и искусствань тонафнемань учреждениятнень хорсна, Мордовия Республикать эзда Россиянь Идень хорть региональнай группац, Святой праведнай воинть Феодор Ушаковонь Кафедральнай Соборонц видеса Воскреснай школань идень хорсь, Саранскяй и Мордовскяй епархиянь Церковнай свободнай хорсь, Всероссийскяй хоровой фестивалень лауреаттне, «Морайхть Россиянь иттне» Всероссийскяй фестивалень участникне и Всероссийскяй и омба масторонь фестивалень лауреатсь—Мордовия Республикань государственнай камернай хорсь.
Концертта инголе Славянскяй письменностень Шис сафненди республикань и Саранск ошень библиотекарьхне ётафтсть Поэтическяй форум. Пингстонза синь лувозь Александр Пушкинонь, Михаил Лермонтовонь, Сергей Есенинонь, Александр Блоконь и рузонь литературань лия классикнень Шкайти, Россияти и рузонь кяльти лемтьф стихснон.
Славянскяй письменностень и культурань Шити сафнень и республикаса сембе эряйхнень тя илать мархта поздравляндазень Мордовия Республикань культурань, национальнай политикань, туризмань и архивнай тевонь министрсь А.М.Чушкин. Кода мярьгсь Анатолий Михайлович, Славянскяй письменностень и культурань Шись аф сязеви сотксса сотф Россиять духовнай юронзон мархта. Сяс сон тячемс арась эсь илакс Российскяй нациянь сембе нароттненди!
Сяда тов эсь выступлениясонза А.М.Чушкин мярьгсь: кле, Кирилл и Мефодий апостолхнень лаца святойхнень колга мялямть ванфтсазь сембе славянскяй нароттне. Именна ся пингста сявомок, мзярда синь арьсезь и сермадозь славянскяй азбукать, миронь сембе славяттне ушедсть маряма эсь пряснон эса фкя народкс.
Тяда башка, кода мярьгсь сяда тов А.М.Чушкин, Славянскяй письменностень и культурань Шись—Россияса фкя-тяка церковно-государственнай ила. Но сон эсь духовнай сотксонзон вельде няевиста кемокстай Российскяй государствать и российскяй нациять эса!
Сяда тов А.М.Чушкин пачфтезе пуромфненди: кле, тячи Мордовия Республикаса Славянскяй письменностень и культурань Шись ётафтови эрь муниципальнай районца. Но инь келиста сон ётафтови Мордовиять столицаса и Ковылкинскяй районца, Ф.В.Сычковонь лемса Рузонь культурань центраса. Сембе мероприятиятнень цельсна фкя—духовнай соткснень вельде тиемс Россиять, республиканьконь и народоньконь нинге сяда виикс и кемокс!
Сяда тов Славянскяй письменностень и культурань Шис сафнень и республикань народть церковно-государственнай праздникть мархта лямбоста поздравляндазь Рузонь Православнай Церькавонь Саранскяй и Мордовскяй епархиянь иерейсь Максим Адамов и Российскяй хоровой обществать Мордовскяй региональнай отделениянц председателец, Российскяй Федерациянь культурань Заслуженнай работниксь В.Н.Башкиров.
В.НЕСТЕРОВ.

31.05.2018 №21
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин