Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

Мокшэрзянь крайть и Тюрингиять ёткса сотксне кемокснихть

26 майста сявомок 29 майти молемс Мордовияса ульсть ФРГ-нь Тюрингия Модань Лондтагонь депутаттне Эгон Примас и Тило Куммер. Визитсна ётась Мордовия Республикань Государственнай Собраниять мархта межпарламентскяй сотрудничествать рамкаса. Мордовияса инжихне содафтсть республикать столицанц, Саранскяйть инфраструктуранц мархта. Тяда башка, немецкяй парламентарийхне ванозь промышленнай производстваньконь, образованиянь и наукань     объекттнень.
27 майста инжихне ульсть «Юбилейный» эрямань комплексса, коса ванозь Российскяй Армиянь проспектть и 2018 кизонь футболть коряс Миронь чемпионатонь  объекттнень. Тяда меле Тюрингия Модань депутаттне содафтсть Республиканскяй клиническяй больницять и Республиканскяй перинатальнай центрать мархта. Экскурсиять пингста Эгон Примас азозе, што республикасонк мекольцеда улемстонза Мордовиясь ламода полафтсь цебярь шири. Саранскяйсь, кле, арась европейскяй ош лаца, конанди заслуженнайста максф правась примамс мировой первенствань матчнень. «Кеман, што Мордовиять столицанцты вийс коре пяшкодемс лангозонза путф обязательстватнень, Саранскяйсь лац примасыне чемпионатонь участникнень и инжихнень, а синць пялькстоматне ётайхть оцю уровеньца»,—мярьгсь немецкяй парламентарийсь.
Тяка шиня инжихне, а стане жа МР-нь Госсобраниять Председателец В.В.Чибиркин ульсть Старошайговскяй муниципальнай районца. Новотроицкяйса Эгон Примас и Тило Куммер содафтсть Социальнай центрать и «Новотроицкий» агрохолдингонь животноводческяй комплекснень работаснон мархта. Новотроицкяень эряйхне тя шиня отмечазь Велеть шинц, а стане жа Святой Тройцянь илать. Эгон Примас поздравляндазень велеряйхнень праздник мархта и шназе синь инжиень примамаса маштомошиснон. Тияк немецкяй депутатсь китькстазе, што эсь ширденза кармай тиендемонза семботь Мордовиять и Тюрингиять ёткса экономическяй и культурнай соткснень кемокснеманкса.
Стане жа Эгон Примас и Тило Куммер ульсть Сире Теризморга велеса, коса ванозь Национальнай культурань центрать.
Омбоце шиня, 28 майста, ФРГ-нь парламентарийхне васетькшнесть МР-нь Государственнай Собраниянь представительхнень мархта. Васедемать вятезе Госсобраниять Председателец В.В.Чибиркин. Владимир Васильевич азозе, што Мордовиять и Тюрингиять ёткса сотрудничендамань сотксне ладявсть нинге 2000 кизоня. «Мекольдень пингть масторлангса эвондась лама полафткс, тяконь лувксса Россиять каршес водендаф аф фкя лацонь санкциятнень сюнеда. Тя ламода стакалгофтозе межпарламентскяй сотрудничендамать эряфс ётафнеманц. Сяс тячи тейнек эряви оду эреклафтомс деловой сотксоньконь, а стане жа вешендемс сотрудничендаманкса од ширет»,—мярьгсь В.В.Чибиркин.
Государственнай Собранияса Тюрингия Модань Лондтагонь депутаттненди няфтьфоль парламентаризмань музейсь, коса синь содафтсть Мордовиянь властень законодательнай органть историянц и тячиень шинц мархта.
Обедста инжихне ульсть Н.П.Огарёвонь лемса МГУ-са. Ректорсь С.М.Вдовин азондсь госуниверситетть научно-исследовательскяй работанц и сонь международнай сотксонзон колга, тяконь лувксса Германиянь вуснень мархта. Сергей Михайлович азсь мяль ладямс полафтома Мордовиянь и Тюрингиянь вузонь студенттнень и официальнай делегациятнень ёткса, а стане жа панжемс МГУ-ть видеса немецкяй кялень и культурань Сервиснай ресурснай центра. Эгон Примас и Тило Куммер кирдезь азф мяльть ширенц.
«Технопарк-Мордовия»    АУ-са Тюрингиянь депутаттне ванозь «Кванториум» идень технопаркть, мезть пингста лама шнама вал азфоль од ломаттнень мархта работать и научно-исследовательскяй тефненди шабатнень и подросткатнень водендакшнемаснон коряс.
Нинге фкя объектокс, конань ванозь Эгон Примас и Тило Куммер, арась «Электровыпрямитель» ПАО-сь. Лондтагонь депутаттненди няфтьфоль тяса нолневи продукциясь. Азфоль, што заводсь вяти марстонь работа Германиянь ламоц предприятиятнень мархта.
Обедта меле Эгон Примас и Тило Куммер васетькшнесть МР-нь Оцюнять В.Д.Волковонь мархта. Корхтамась васендакиге мольфтевсь Мордовиять и Тюрингиять ёткса экономическяй, социально-культурнай соткснень кемокснемаснон колга. Башка лоткафоль АПК-са сотрудничендамати—оцю сюра мархта жуватань сивольть, перень серотнень, лофцть производстваснон коряс.
29 майста МР-нь Госсобранияса Эгон Примас и Тило Куммер васетькшнесть Госсобраниянь Комитеттнень вятиснон, депутаттнень, Велень хозяйствань и продовольствиянь, Экономикань, торговлянь и предпринимательствань, Образованиянь, Здравоохранениянь министерстватнень представительснон, республикань предприятиятнень вятиснон мархта. Васедемать пингста стане жа азфоль лама мяль-арьсема сяда товолдонь сотрудничендамать коряс. Сембе предложениятне сувафтовсть протоколти, конань меле кемокстазь МР-нь Госсобраниять Председателец В.В.Чибиркин и Тюрингия Модань Лондтагонь депутатсь Эгон Примас.
О.ЕВДОКИМОВА.

31.05.2018 №21
 
 
 

 
НОВОСТИ
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

РЕГИОНАЛЬНАЙ ЛЬГОТАТНЕ ПЕНСИОНЕРХНЕНДИ ВАНФТОВИХТЬ

20.09.2018  № 37
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин