Поиск по сайту: 
 

Архив
 ноябрь 
 2018 
пн вт ср чт пт сб вс
   1234
567891011
12131415161718
19202122232425
2627282930  

 
 

 

Тема дня

ОБЩЕСТВЕННАЙ ПАЛАТАСЬ—ОД СОСТАВСА

14 июньцта А.С.Пушкинонь лемса Республиканскяй национальнай библиотекаса ётась Мордовиянь Общественнай палатань члеттнень, конатнень кандидатураснон кемокстазь Мордовия Республикань Оцюнясь и Государственнай Собраниясь, марстонь заседаниясна. Эсонза синь открытай голосованияса кочкасть Мордовиянь Общественнай палатать составс нинге 17 член, конатнень кандидатураснон теест азозь-лихтезь республикань общественнай объединениятне.
Эряви азомс, тяфта тиемс веши «О регулировании отдельных вопросов организации и деятельности Общественной палаты Республики Мордовия» республиканскяй законць. Сонь вешфксонзон коряс, республикань Общественнай палатав 17 ломань сувафты Мордовия Республикань Оцюнясь, 17 ломань кучи тоза Мордовиянь Госсобраниясь и 17 ломань тоза кочкайхть синць палатань члеттне ся кандидаттнень эзда, конатнень теест азозь республикань общественнай организациятне.
Голосованияда инголе эрь кандидатсь нюрьхкяняста азондсь эсь колганза и сянь колга, мезе сон ёрай тиемс Общественнай палатаса улемстонза. Кандидаттнень ёткса улихть садовотт, охотоветт, казачьяй обществань атаман, профсоюзнай работник и общественнай организациянь лия представительхть.
Тя голосованияда меле тяни ули кода азомс: Мордовиянь Общественнай палатать од составонц кочкамац аделаф. Арьсетяма теенза цебярь работа.
В.НЕСТЕРОВ.

21.06.2018 №24
 
 
 

 
НОВОСТИ
 

УШЕДСЬ «Шумбрат, Мордовия!»—«Vivat, Чемпионат!» ФЕСТИВАЛЬСЬ

25.10.2018  № 42
 
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин