Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

И.М.Кшнякинонь шачема шиста 105 кизонь топодемати


ЭРЯСЬ ПАРА ТЕВОНЬ ТИЕНДЕЗЬ
Апак касфнек можна азомс, минь национальнай газетаньке—«Мокшень правдась»—пяк лама тись сермас тонафтомаса, мокшэрзянь народть культуранц кеподеманкса, национальнай кадрань анокламаса…
И аш месть корхтамска, сембоса тяса ули аф емла заслугасна ингольдень главнай редакторхнень, конат нолясть од ваймопожф мокшень газетати, макссезь теенза сембе эсь содамошиснон, асуснон и седиень псиснон. Правас коре ули кода тянь азомс и Атерьста мокшалять И.М.Кшнякинонь колга. Хуш Иван Максимович ответственнай редакторкс  ульсь аф сяшкава ламос, но сембе сяка кадсь лямбе пильгокит газетати. Мокшень журналисттне аф юкснесазь сонь лемонц, сонь пара тевонзон.
Тячи, И.М.Кшнякинонь 105 кизонь юбилейстонза, минь нюрьхкяняста лятфтасаськ: коса шачсь-кассь сон, эряфонь и трудовой кодама ки етась, кодама пара тефт тись.
Шачсь И.М.Кшнякин 1913 кизонь 4 июльста Атерь мокшень велеса сокаень-видиень семьяса. Шабакскиге лац содазе кши сускомнять питненц. Эсь трудовой кинц ушедозе 1928 кизоня, ванць стадат. 1930 кизоня Атерьса аделазе колхознай од ломанень школать, сяльде учителень 5 ковонь курснень шумордамда меле работась изба-читальнянь заведующайкс, начальнай школань учителькс Атерьса, аф полнай средняй школань директоркс Торбеевскяй райононь Кажлодка велеса.
1936 кизоня сявозь    ВКП(б)-нь Торбеевскяй райкому инструкторкс, а сяльде—инструкторкс ВКП(б)-нь Мордовскяй обкому.
1937 кизонь сентябрьста кучезь тонафнема Москуву     ВКП(б)-нь ЦК-ть видеса пропагандистонь высшай школав. Тяса тонафнемать аделазе 1939 кизонь апрельста.
Тяда меле Иван Максимович аф ламос партийнай работасоль Ковылкинаса. А 1939 кизонь декабрьста ВКП(б)-нь ЦК-сь сонь кемокстазе ответственннай редакторкс «Мокшень правда» республиканскяй газетати.
Кожфса марявсь ни Великай Отечественнай войнать ушедомац. Газетась эрявсь нолямс пингть пульсонц коряс. Тя изданиять перьф пуромкшнесть мокшень содаф писательхне, журналисттне, ученайхне.
1941 кизонь апрельста И.М. Кшнякинонь сявозь работама Мордовскяй Совнаркому Председателень заместителькс. А сяльде ушедсь пелькс войнась. Броньц коре Иван Максимович работась тязк Совнаркомса. Но 1941 кизонь ноябрьста МАССР-нь СНК-сь и ВЛКСМ-нь обкомсь кучезь командировкас    СССР-нь оборонань государственнай комитетть заданиянц пяшкодема—оборонительнай рубежень строяма. Сяльде кучевсь ВКП(б)-нь райкомонь васенце секретарькс Рыбкинав. А 1947 кизонь июльста ВКП(б)-нь Мордовскяй обкомть пленумса И.М.Кшнякин кочкафоль обкомонь колмоце секретарькс. Тяда меле ульсь культурань министркс, МАССР-нь Министронь Советонь Председательти заместителькс. Кочксевсь и МАССР-нь Верховнай Советонь депутатокс и председателькс. И кодама вастс афолезь путне, Иван Максимович покодсь седикс-ваймокс, оцю ответственностень марязь.
Ведьгемонце кизотнень марса Григорий Яковлевич Меркушкинонь мархта якафтсть оцю тефт тязк и Москуса, штоба Мордовияса панжеволь государственнай университет. 1957 кизоня сон панчфоль. Иван Максимович тоса лама киза ульсь проректоркс, аф кржа вий и эрьгя макссь сянкса, штоба вузсь кеподель кеме пильге лангс, кочкаль-пуроптоль вийхть.
1969-1970 кизотнень И.М. Кшнякин вятезе историянь и культурань памятникнень ванфтомаснон коряс Всероссийскяй обществань Мордовскяй республиканскяй отделениять.
Седикс-ваймокс покодеманц инкса Иван Максимович казьфоль «Знак Почета» орденца и лама медальса.
И.М.Кшнякин эряфста тусь 1997 кизонь 14 ноябрьста. Калмаф Саранскяи.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022