Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Тема дня

ОДУ ВАСЕДЕМОЗОНК, ФЕСТИВАЛЬ!

Мокшэрзянь крайсонк арась цебярь традициякс районнай прессань фестивалень ётафнемась. И тянь эряви аньцек шнамс, сяс мес сон лезды и сяда маласькофнемс фкя-фкянди журналисттнень, и сяда эреклафтомс марнек журналистскяй тевть. Аф случайна тянь коряс пуроптф опытоньконь тонафнема сашендсть и сашендыхть ширезонк шабрань       областтнень и республикатнень эзда газетчикне. Мекольдень фестивальсь ётафтфоль ётай пяденцять Оцю Игнатоваса.
Оцю Игнатовань модать лангса инжихнень васьфтезь пяк лямбоста. Теест анокласть козя и интереснай программа. Фестивалень участникне пара мяльса ванондозь тястонь од школать, кона сембоса отвечай тячиень оцю вешфксненди, ульсть боевой и трудовой славань музейса, «Светлячок» пионерскяй лагерьса, лия вастса.
Фестивалень участникненди, пуромфненди приветствиянь валхт азсть Мордовия Республикань печатень и информациянь министрсь В.А.Калугин, Большеигнатовскяй муниципальнай райононь оцюнясь Т.Н.Полозова, республикань Журналистскяй организациять вятиец В.В.Назаров.
Тифтольхть итокт творческяй конкурсти. Тя мезть сон лемтьфоль трудонь ломанти и сяськикс конкурсса лувфоль Большеберезниковскяй райгазетась.
Пуромфнень мороса и кштимаса кеняртьфнезь художественнай самодеятельностень участникне.
Нюрьхкяняста азозь, прессань 21-це фестивальсь ётась мялень салазь и пользань кандозь.

26.07.2018 №29
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин