Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Национальная тематика

Межрегиональнай этнокультурнай лагерсь

КОРОДОЗЬ ВАНФТОМС И ВИИЯФНЕМС ТЯДЯНЬ-АЛЯНЬ КЯЛЬТИ КЕЛЬГОМАНЬ ТОЛНЯТЬ
Эрь кизоня республикасонк Мордовия Республикань Образованиянь министерствась ётафни «Эряк, тядянь-алянь кяль!» Межрегиональнай этнокультурнай лагерь. Тя сменати пуромкшнихть мокшень, эрзянь, татаронь кяльхнень и литературать коряс республиканскяй и межрегиональнай олимпиадатнень, а стане жа этнокультурнай конкурснень и проекттнень эса сяськихне и призерхне.
Тядде «Эряк, тядянь-алянь кяль!» Межрегиональнай этнокультурнай лагернай сменась 5 июльста панжезень кенкшензон Краснослободскяй райононь «Сивинь» шумбрашинь кемокстамань лагерть видеса. Тяса ваймосесь 68 идь Мордовияста, Татарстанцта, Владимирскяй, Ульяновскяй, Московскяй областтнень эзда.
«Шабатненди ашель мзярда ащекшнемс тевфтома. Эрь шиня миньцонк ётнесть пуромкст и пялькстомат, мастер-класст кяльхнень коряс. Этнокультурнай сменать пингста стирнятне и цёранятне анокласть     научно-исследовательскяй работат. Ноляме стенгазетат. Тя сембось сядовок виияфтозе иттнень эса патриотизмать, шачема ширети, народти, тядянь-алянь кяльти, историяти и культурати кельгомать»,—мярьгсь этнолагернай сменать руководителец, Саранск ошень 24№ школань мокшень кялень и литературань учительсь Марина Николаевна Миронова.
17 июльста «Сивинь» лагери сашендсть инжихть Саранскяйста. Ётксост ульсть педагокт, массовай информациянь средствань представительхть, Мордовия Республикань Образованиянь министерствать, Финно-угорскяй народонь культурань Поволжскяй центрать представителенза, лиятне.
Синь шабатне васьфтезь мялень салай концертса, конань пингста кайгсть рузонь, мокшень, эрзянь, татаронь кяльса морот, няфтьфтольхть кштимат. Сяльде вал максфоль сайхненди. «Литова» эрзянь авань союзть, «Ламзурь» фольклорно-этнографическяй ансамбльть вятиец Р.Б.Щанкина пачфтезе и няфтезе, кода инголи ётнесь Вербань Недляшись, кодама обрятт сотфтольхть тя праздникть мархта. Раиса Борисовна «Ламзурь» ансамбльть лия участницанзон мархта кштисть-морасть, налхксесть шабатнень мархта, ётафтсть пялькстомат.
Финно-угорскяй воинскяй игрищатнень эреклафтомаснон коряс «Тюштя» клубснон  директороц П.В.Мигунов содафтозень стирнятнень и церанятнень «Тюштянь налксеманзон»—кяскавса тюремать, бароцямать, байдеконь усксемать и ламоть лиять мархта. Участникнень лангс Павел Валерьевич щафтсь мокшэрзянь сёрматфкс мархта панархт и синь бта кой-мзярс повсть ингольдень пингти. Меколи пялькстомаса вийснон варжазь оцюфневок.
Тяка шиня этнокультурнай сменаса ваймосихне, конат састь лия региоттнень эзда, якасть экскурсияс Саранскяи и ванозь сонь мазы вастонзон.
Шабатнень мяльс тусь республиканьконь столицац. Синь тифтсть лятфнембяленди фотографият. Теест ули мезе пачфтемс куду мрдамдост меле радняснонды и ялгаснонды.
«Эряк, тядянь-алянь кяль!» Межрегиональнай этнокультурнай лагернай сменав инжихть сашендсть сидеста. Родной кялень кельгихнень мархта васьфнесть поэттне, декоративно-прикладной творчествань мастерхне, педагокне…
Этнокультурнай программась арьсефоль стане, штоба шабатне коль сяда оцю мяль шарфнельхть родной кяльть тонафнеманцты, нароттнень культурно-историческяй, духовно-нравственнай ширеснонды. Аф ёмла васта максфоль ялгакс арамати, эряфонь шумбра койхненди.
Лагерьса пуроптф опытсь сяда тов кармай нолявома тевс конференциятнень и семинархнень пингста.
Т.АЛЬШИНА.

26.07.2018 №29
 
 
 

 
НОВОСТИ

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин