Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Юмор и сатира

КУЗЬМА И КУЗЬМАРЯСЬ

Кузьманц весть
Кудбряса петемс
 оцю лазфть.
Тяль курькста сон,
мярьгсь нинге Акся,
Трубати
сотнелезе прянц…
Ужяль, Кузьма
юкстазе тянц.
Кудбряса молаткаса
чакась,
Кой-мезе тага
петемс мусь.
Вдруг крыша пети
пильгонц шятясь—
И апак учсек
алу курькстсь…
Инь вярде стака
пулфокс лийсь сон,
И вов ни цяподи,
шять,—бац!
Тинь тяда эводе…
Лядсь шиса—
Кузьмань кундазе
эсь рьвац…
Пе тяза нинге аф
путтама.
Эрь, сяда тов ина
тутама!
Шись маниель,
Кузьма тусь пангс,
Кядьбеса оцю
 кептерь кандсь.
Лац содазень сон вирень
 яттнень
И коса баяр панкне кассть,
А коса рыжикне,
груздятне…
Вирсь теенза
кой-мезе казсь.
И алять мялезонза пароль,
Вирть паршиензон
кептерьс марась.
И вирьста лисемс
ерась вчёк,
Да потазевсь вдруг—стоп!
Вдруг няйсь сон,
мярьгат, афкукс шяйтан.
Тя ульсь аф шяйтан…
аф, аф, аф.
Кинь, арьсетяда, няйсь сон?
Кузьманьконь каршес
лиссь врьгаз!
Лиссь каршезонза,
кургонц келептсь.
И порьхтянза тонь—
сяконь учт.
Кузьма, тинць
шарьхкодесть, пяк эводсь
И тумоть пряс сон
эсток куцсь.
Нльне эсь кептернянц
юкстазе.
Врьгазсь эсь
шалхконц тонгсь—никсазе,
Но фкявок панга
ашезь порь…
Кузьманьконь
седиец—пенкшт!—мольсь.
Сон тумоть моргонц
лангса ащесь
И пелезь
варжакснесь, трнатсь.
Сон тоса эряфть
мархта пращась,
Сон арьсесь, тяни пец
 ни сась.
Врьгазсь изь ту,
Шять, сяконь учендсь:
Кузьманя валги—пинге сай.
Врьгазсь сонь инксонза
и куцель,
Да арьсесь—сонцьке
алясь прай.
Люпштасы афтерьксть
кенже еткс
И пакарьняньбес
марнек сивсы…
Кузьманянь зепсонза
тя еткть
Вдруг сргозсь,
моразевсь мобильниксь.
—Азк, кельгом
мирденязе, косат?
Мес ашат цють аф
пялевес?
Рьвяти мезьге мирдсь
изь сёпа
И пачфтезе, изь сав
сон мес.
Врьгазсь аф нолдасы
сонь куду.
И эняльдсь:
—Акся, идемак!—
И тумоть пряса авардсь
сюдофсь.
А Аксяц пешкодсь:
—Учемак!..
Кузьма лац содазе эсь
Аксянц,
Аф пели мезьдовок рьвац.
Изь учсе сяда ламос Акся,
Кузьманянц сявозе ружьянц.
Уфазевсь авась вии
вармакс,
Сельминголенза
масторсь шарсь.
Эсь мирденц вдь
эрявсь араламс.
Ошть пес автобусса
ни ардсь.
И няезь ломаттне,
дивандафтсть.
Фкя мяльти цють аф
 сембе састь:
А, пади, сонць тя
Масторавась
Врагть каршес
тюрема срхкась!
Ласьксь вири Акся и
юватькшнесь:
—Кузьманяй, коста тон
мумат?..
Изь кирде ламос
тумоть пряса,
Прась вярде
лагордозь Кузьма.
Врьгазсь тумс алуда изь
 кенерь,
Кузьма сонь
лангозонза прась.
Врьгазсь козк комоти—
сон эводсь,
И вдруг
сельмингольде юмась.
И мельганза сонь
кати-кие ахадсь,
И мельганза сонь
кати-кие ляцсь.
Кузьманьке эстокиге
шарьхкодсь:
Сась идемонза сонь рьвац.
А сяда тов ульсь мезе?
Сяльде
Ковсь мельгаст
менельбеста ванць.
Мольсть миртть-рьват
И кафта пяльде
Пряс пяшксе кептерь
панга кандсть.
Анатолий Тяпаев.

26.07.2018 №29
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин