Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Обратная связь (Газета - Читатель)

«Мокшень правда»—мокшень эрь семьяти!

1 сентябрьста ушеды од подписной кампаниясь
Кельгома ялгат! 1 сентябрьста ушеды 2019 кизоть васенце пяленцты минь тинь мархтонт кельгома «Мокшень правда» газетаньконди сёрматфтомась. Сон тяконясь-фкянясь странасонк, марнек масторлангса. Лия газета мокшень кяльса-валса косовок аф ноляви. Сон ськамонза, сяс тейнек кородозь ванфтома.
97-це кизось ни лисенди «Мокшень правдась». Тняра киза лезды эсь народонцты, мокшэрзятненди, штоба сяда лац содамс сянь, коса шачеме-касоме, кодама ки ётаме, мезе тиеме и сатоме, лезды ванфтомс сембе минценнеть, роднойть.
Мокшень газетаса покоди журналисттнень пландост, арьсемадост лама. И синь семботь кармайхть тиендемонза сянкса, штоба газетась тушендоль лувихнень мяльс, штоба сембоса отвечаль тячиень вешфксненди.
Кода содаф, семботи питнень касомста питниясь и информациясь. Кой-кона центральнай газетатненди сёрматфтомать питнец тёжяньда лама цалковай пяле кизонди. Аф ёмла питнесна и ламоц республиканскяй газетатнень. А вов «Мокшень правдать» инкса пандома аньцек 333 цалковай 60 трешник и кота кофт кармайхть каннемонза кудозонт. Колма ковонди тяштьфтемать питнец 166 цалковай 80 трешник. Тя нльне сяда кржа «районкатнень» коряс.
Кельгома ялгат! Эрьда марса тисаськ семботь сянкса, штоба мокшень фкя и сяка газетась сувсель мокшень эрь кудти и эрь семьяти. И содасть: «Мокшень правдась»—республикасонк ноляви газетатнень эзда фкя инь интереснай печатнай изданиясь.
Эряскодода тяштьфтемс родной кяльса лисенди газета 2019 кизоть васенце пяленцты. Тясть кадонда тянь сяда мельдень пингонди. Мяляфтость индексть: П4719

30.08.2018 №34
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин