Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Тема дня

КОВЫЛКИНСКЯЙ РАЙОНЦА СТРОЯЙХТЬ ОД КИТ И БАШКА МЯЛЬ ШАРФНИХТЬ ФЕРМЕРХНЕНЬ ШИРЕСНОН КИРДЕМАСНОНДЫ

Эсь шачема шистонза, 7 сентябрьста, Мордовиянь Оцюнясь В.Д.Волков ульсь Ковылкинскяй районца.
Рабочай поездканц региононь вятись ушедозе Кочелаева велеста, коса ванозе А.А.Кулагинонь фермерскяй хозяйстванц. Тоса касфневихть ернят. Фермерсь пуроптозе хозяйстванц 2010 кизоня. Тяниень пингть Кулагинонь фермаса кирдеви 35 тёжянь оцю нармонь и 15 тёжянь лефкскя. Суткаста тяса нолневи 30 тёжянь диетическяй ал, а тяддень кизоть ушетксста получаф ни 6 миллионда лама ал.
Фермерсь азозе В.Д.Волковонди, што продукцияц пачфневи Москуву, Саратову, Пензав, Воронежу, Орелу, Тамбову.
Региононь вятись тя мезтьке китькстазе, што Мордовияса фермерствась кемоста ащи пильге лангса и аф ляды ширень кирдемафтома.
Ковылкинаса Мордовиянь Оцюнясь васетькшнесь Советскяй ульцянь эряйхнень мархта. Тя ульцяса аньцек аделавсть кить строяманц коряс работатне. Эряйхне спасибасть республиканскяй  власттненди ломаттнень     вешфксснон лангс мялень шарфнеманкса.
Ковылкино ошти фкя инь таколфты кизефкссь—машина кить туркс седть строямац. Седть проектоц ули, но сонь лангсонза нинге работама, мезьда меле, кода мярьгсь Мордовиянь Оцюнясь, решандави тя объектса работатнень ушедомаснон коряс кизефкссь.
Ковылкинаса эряфс етафневи энергосбережениянь кели программа. Сонь рамкасонза мольфтеви Концессионнай соглашенияс коре 17 МВт мощностень инновационнай котельнайть строямац. Сувафтомс тевс сонь арьсекшневи сентябрь ковста. Тя эсь лацонь коммунальнай объект марнек республикати, конань КПД-ц пцтай 100 процент.
Од котельнайть тевс сувафтоманц мархта тепловой магистральхнень кувалмосна ошса 32 вайгяльбеста кири 20 вайгяльбес, мезсь лезды ламода кирьфтамс лямботь юмафксонзон потребительти пачфтемста.
Социальнай сфераса башка вастса ащи медицинась. Ковылкинаса работай межрайоннай больниця, коса стане жа лама мезсь тиема-петема. Поликлиникаса улемстонза Мордовиянь Оцюнясь корхнесь главнай врачть и медперсоналть мархта лифтть синневоманц колга, мезсь ульсь больницяса аф кунара. Синнеф лифтсь пцтай эстокиге петьфоль, но МР-нь Оцюнясь вешсь, штоба тянь лаца конфликтнай ситуацият оду афольхть уле. Владимир Волков надияфтсь лездомс поликлиникаса лифтть полафтомаса. Тияк азфоль, што лифтсь работай тяса 34 киза ни.
Ковылкинаса мольфтеви ошень культурань и ваймосемань паркть благоустроендамац. Тяддень кизоня перьфканза, а тя 460 метра, ацафоль асфальтировандаф киня. Мордовиянь Оцюняти паркса улемстонза азозь, што пингта меле тяса ладяви ульцянь 11 тренажер, конатнень марстонь питнесна 3,6 миллион цалковай.
В.Д.Волков Ковылкинаса улемстонза стане жа васетькшнесь ВКС-нь    ПВО-нь—ПРО-нь (ОсН) 1-це Армиять командующаенц заместителенц генерал-майорть Андрей Приходьконь мархта. Корхтамась мольфтевсь районца эряй военнослужащайхнень и синь семьяснон эрямань условияснон цебярьгофтомаснон колга.

13.09.2018 №36
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин