Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

ОБЩЕПИТОНЬ РАБОТНИКНЕ КАЗЬФТ ЛЯТФНЕМАНЬ МЕДАЛЬСА

10 сентябрьста Мордовия Республикань Бизнес-инкубаторса ётась торжественнай мероприятия, конань вятезе МР-нь Правительствать Председателенц васенце заместителец—экономикань, торговлянь и предпринимательствань министрсь В.Н.Мазов. Пуромксса Владимир Николаевич казезень торговлянь, общепитонь представительхнень, конат примасть активнай участия турнирти анокламаса и ётафтомаса, «За вклад в проведении Чемпионата мира по футболу» лятфнемань медальса.
Мероприятиять ушедомста В.Н.Мазов азозе, што мундиальсь Мордовияса етась пяк лац, мезенкса республикати максфоль ФИФА-нь Оргкомитетть эзда оцю оценка. Владимир Николаевичень валонзон коряс, чемпионатть пингста ширезонк сашендсь 200 тёжянть малава болельщик. Инжихнень каваняманкса Саранскяйса работась общественнай питаниянь 700 точка, коса заняфоль 5 тёжяньда лама работник. Министрсь отмечазе, што эсь тевснон общепитонь работникне пяшкодезь лац, аф ваномок работамань аф тёждя условиятнень лангс. Владимир Николаевич азсь теест тянкса благодарностень валхт, а меле максозень казнетнень. Лятфнемань медальса казьфтольхть предприятиянь вятихне, ресторанонь, кафень директорхне, индивидуальнай предпринимательхне.
 
О.ЕВДОКИМОВА.

13.09.2018 №36
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин