Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Национальная тематика

МАЗЫХТЬ МОКШЕНЬ СТИРЕНЬКЕ

Кельгома лувиеньке! Тячи тага оцю мяльса содафттядязь конкурсонь од участницаньконь, мокшень стирть Мария Поршинать мархта. Газетаньконь страницаста няйсасть сонь снимканзон. Кода корхнихть мокшень ломаттне—афкуксонь баярава. И ронгс-пондс, и шама путксс удалаф. Уликс сембе мазышида башка приметат эздонза оцюдонга оцю эрьгя, весялаши. Коса ина шачф-касф тя мазышись, мезьса заняф. Тянь колга лувода алува.
…Шись обедта мелель, мзярда кенкшти чакасть и порогть вельфке аськолдась сенем сельме, акша шяярь стирь. Лямбе мзолфкац шинь сюролданя лаца эждезе кабинетозень, кеподезе мялезень. «Шумбратада, монь лемозе Мария»,—азозе эсь прянц инжиезе. А меле, озамок стулнять лангс, ушедсь азондома эсь колганза.
Шачсь-кассь стирсь Зубово-Полянскяй райононь Пичпанда мокшень велеса. Поршиттнень семьяса Маша васенце идсь. Кенярдсть тядянц мархта аляц, вдь синь пяк мяльсноль, штоба Шкабавазсь казель теест стирня. Сядонга павазуволь Ольга Ивановна, тяни сонь ульсь кудъетконь тевса лездыец, надияма вастоц.
Кассь Маша отькорь, ёню шабакс. Пяк кельгозе няканзон мархта учителькс-тонафникс налхксеманц. Озафнезень рядняс и коль тонафтсь эсост. Тонафтыень тевти кельгомась ётась Машати тядянц—начальнай классонь учительть и щаванц—математикань тонафтыть эзда. Щавац, кепотьксонди, макссь тя профессияти 46 киза. Машаське лацонза шабакскиге кельгсы цифратнень мархта возсеманц. Мария Ивановна сидеста сявондезе ёмла уноконянц мархтонза школав. Озафтсы Машать фталуце партать ваксс, а ся хуш лувомовок нинге ашезь машта, оцю мяльса сёрматкшнелезе лопаня лангс семботь, мезе щавац тяшнесь доскати.
Маша лац мяляфтсы 1 сентябрень шить, мзярда сон тусь васенце классу. Прясонза вармать эзда сей-тов либордсть акша банттне, кядьсонза—панчфонь оцю пусма. Класса тонафни ялганзон мархта стирнясь курокста мусь марстонь кяль. Тонафнемасовок цебярь сатфкст няфнесь. Кизоста кизос содамошитненди венемомац аньцек вииякшнесь. А кельгома предметокс теенза фалу лядондсь математикась. Маша аф весть примсесь участия районнай олимпиадатнень эса, коса няфнесь цебярь результатт.
Школань кизотнень тячиень героиняньке оцю мяль шарфнесь спортти. Пара мяльса налхксесь футболса. Тянивок, улемок студенткакс, Маша аф юксни спортть колга. Кельгсы ласькондеманц.
Тячи М.Поршинась тонафни Н.П.Огарёвонь лемса МГУ-нь математическяй факультетса, нилеце курсса. Кода азозе стирсь, вузсь пяк тушенды мялезонза. Тястонь тонафтыхнень крхкат содамошисна, а сяс студенттнендивок синь макссихть пяк лама. Университетса Маша мусь од ялгат, конатнень ёткса аф аньцек математическяй, но и лия факультетонь тонафнихть. Марса синь кельгсазь якамаснон Саранскяйть эзга, кона, Поршинать мяленц коряс, кизоста кизос арси сядовок мазыкс.
Но кодама пара афоль уле ошса, Машать седиец фалу уски шачема-касома велезонза.
—Саян Пичпанду и бта лия эряфс пован,—мярьгсь стирсь.—Ёфси лият тястонь ломаттне, сельмованфстост эстокиге приметат паронь арьсема, седиень эжди лямбоня.
Пичеди Машать седиец, мзярда вели сашендомстонза няенди тяста коль сяда кржа од ломань. Тушендыхть оттне павазонь вешема ошу-коза, а вдь синьфтомост велесь кулы. Лятфнемок эсь идькс пингонц колга, стирсь мяляфтсы, мзяроль инголи Пичпандса шабада. Классневок школаса оцюфтольхть. Тяни тонафнихнень лувкссна ламода кирсь, а средняй школась ётафтф основнойкс. Колсеви тянкса М.Поршинать мялец. Сонь пяк мялец, штоба шачема уженяц эряль и анок тиемс тянкса семботь, мезсь ащи эздонза.
Кода азозе тячиень героиняньке, тонафнемась сявонди лама пингта. Но, аф ваномок тянь лангс, Машась мушенды ётка кельгома тевонцтывок—кячкаскаса кодамати. Кядялдонза лисьф салфеткатне-месне сидеста лихневихть Зубово-Полянскяй районца ётафневи выставкатнень эса.
Сай пингонь эряфонц М.Поршинась арьсекшни сотнемс учителень профессиять мархта. Тянкса меля стирсь получась педагогонь дополнительнай образования. Арьсетяма Машати, штоба сембось, мезе сон арьсесь, пяшкодеволь!
О.ЕВДОКИМОВА.

04.10.2018 №39
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин