Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Тема дня

Мордовиянь волонтёрхнень оцю путкссна 2018 кизонь футболть коряс Миронь чемпионатть пингста

8 октябрьста Саранскяень Ледовай дворецса ётась «Волонтер года-2018» Республиканскяй форумсь, коса примась участия Мордовия Республикань Оцюнясь В.Д.Волков.
Волонтерхнень и сембе пуромфнень приветствовандамста республикань вятись лятфтазе, што 2018 кизоть Россиянь Президентсь В.В.Путин азозе Волонтеронь кизокс.
В.Д.Волков мярьгсь, што волонтерхне путсть оцюдонга оцю путкс Саранскяйса 2018 кизонь футболть коряс Миронь чемпионатть ётафтоманцты.
—Чемпионатсь тяни ни арась историянь пялькскакс. Мировой тя событиясь сувафтсь эряфозонк од ваймопожф, пуроптомазь марс. Сембе ня кизотнень минь молеме фкя и сяка цельти—инь оцю уровеньца ётафтомс чемпионатть, пара мяльса васьфтемс тёжятть инжихнень, анокламс мяляфтови ила. И минь тянь тиеськ!—мярьгсь Мордовиянь Оцюнясь.
Азфоль, што тя волонтерскяй кампаниясь арась инь оцюкс футболть коряс Миронь чемпионаттнень историяса.
—Пуроптфоль фкя оцю международнай команда,—азозе В.Д.Волков.—Саранскяень волонтерхне корхтасть 15 кяльса, синь сафтольхть 22 странаста и Россиянь кемотть ошста. Минь волонтерскяй центраньке ётафтсь 500 лама мероприятия Саранскяйса, Пензаса, Ульяновскяйса, Йошкар-Оласа. Нят: футбольнай урокт школатнень и вуснень эса, пялькстомат ёмла футболть и киберфутболть коряс, аф фкя лацонь флэшмобт и акцият. Тинь уледе инь малакс чемпионатонь инжихненди—аэропортса, гостиницатнень эса, стадионца, сембе вастова. Содафнесть синь культураньконь, коеньконь-обуцяньконь мархта, сембоса лезнеде теест.
Стане жа азфоль, што мировой футбольнай первенствать пингста волонтерхне лисендсть 14 тёжянь сменас, макссть 20 тёжяньда лама аккредитация, васьфтсть-прважасть 3 тёжяньда лама оцю инжи и журналист, примасть 250 воздушнай рейс, кочкасть переработканди 5 тёжятть пластиковай сюлека, тисть 6 тёжятть пост Инстаграмса.
—Тинь тиесть семботь, штоба инжиеньке тульхть ширденк цебярь мяльса-арьсемаса, и теенть тя удалась!—мярьгсь республикань вятись.—Саранскяень волонтерскяй программась фкясь и тякось, конань колга ашель кальдявста азф аф СМИ-тнень, аф социальнай сетьтнень эса.
Тяниень пингть Мордовиянь волонтерскяй движенияти суваф 20 тёжяньда лама ломань и 40 общественнай организация. Волонтерскяй отрятт пуроптфт сембе образовательнай учреждениятнень эса.
Форумть пингста ламоц волонтерхне казьфтольхть «Футболть коряс Миронь чемпионатть ётафтоманцты путксонкса» лятфнемань медальса.
О.ЕВДОКИМОВА.

11.10.2018 №40
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин