Поиск по сайту: 
 

Архив
 октябрь 
 2018 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

Саратовскяй областень Чугунка велеса Ётась «Шумбрат» фестивальсь

«Мокшень правда» газетаньконь кельгсазь и лувондсазь Россиянь ламоц региоттнень эса, тяконь лувксса и Саратовскяй областьса. Аф кунара тостонь Ершовскяй райононь Чугунка велеса ветецеда ётафтфоль «Шумбрат» мокшэрзянь национальнай культурань фестивальсь.
Сембе нароттнень улихть эсь национальнай иласна. Ламоцне ня праздникнень эзда эвондасть нинге кунардонь пинкнень—несколька сядот, а кой-конат и тёжятть кизода инголе. Ламось эряфсонк полафни: ошне, велетне, профессиятне, щапне, перьфпяльсь, аф полафнихть аньцек народнай илатне, конат эрект снярс, мзярс эряйхть ломаттне. Национальнай илатне—тя народть ваймоц. Ершовскяй районць аф стак кочкафоль «Шумбрат» фестивальть ётафтоманкса. Тястонь аф аньцек Чугунка, но и Шаховка, Чкалово, Ковелинка велетнень эса эряй аф кржа мокшень и эрзянь ломань. Ламошкасна састь тя шири  1950-це кизоня комсомольскяй путевкас коре. Тяфта, целиннай модатнень тевс нолдаманкса Краснослободскяй райононь Колопино велеста Чугунка и Чкалово велетненди сась 30 од семья. Тяниень пингть несколька поколения ни лувондсазь ня велетнень ёмла родинакс. Но эсь юрснон колга синь мзярдовок аф юкснихть. Ершовскяй райононь велетнень и Мордовиять ёткса ладяфт кеме соткст. Региоттнень представительсна сидеста улендихть фкя-фкянь ширеса, ётафнихть марстонь илат. Мордовияста Ершовскяй району пачфневихть мокшэрзянь книгат и журналхт, конатнень земляконьке оцю мяльса учендсазь и лувондсазь.
«Шумбрат» фестивальсь, кода фалу, пуроптсь лама ломань. Велети сувама кить лангса инжихне васьфтьфтольхть кшиса-салса. Меле сембе марса кштизь-моразь ётасть школать малас, конань инголе ряцок кепотьфтольхть Россиянь и Мордовиянь флакне. Тяса жа пуроптфтольхть народнай художественнай промыслань изделиянь, а стане жа мокшэрзянь литературань выставкатне. Шарфтсь эсь лангозонза мяль плакатсь, конань лангса няфтьфоль-кочкафоль Ермошкиттнень марнек родсна-плямасна, конатнень эряфонь кисна сявсь ушеткс мокшэрзянь масторста.
Почетнай инжихнень ётксотольхть Саратовскяй областень Ершовскяй райононь оцюнясь С.А.Зубрицкая, Мордовскяй (мокшень и эрзянь) народть Межрегиональнай общественнай организациянц председателец Ю.А.Мишанин, Саратовскяй региональнай общественнай организациять—«Шумбрат» Мокшэрзянь национально-культурнай центрать председателец В.И.Кривоше-ева и лиятне. Синь поздравляндазь Чугунка вели пуромфнень «Шумбрат» национальнай илать мархта, азондсть сонь эрявиксшинц колга.
—Иласа келиста няфневихть мокшэрзянь народть национальнай культурнай коенза-обуцянза, художественнай творчествац,—мярьгсь С.А.Зубрицкая.—Тячи обществаса касонды вешфкссь народнай койхнень ванфтомаснонды. Тя илась эряви аф аньцек мокшэрзятненди, но и районца эряй лия национальносттненди.
Светлана Анатольевна азсь надияма, што «Шумбрат» фестивальсь лезды межнациональнай соткснень кемокснемаса.
Мокшэрзятнень ванфтовсь сире пингонь койсна оцю тевонь ушедома карша, а стане жа народнай илань ётафтомда инголе, крьвяснемс родонь-плямань священнай штатол. Тянь мархта ушетфоль и «Шумбрат» фестивальсь.
Кодама ила мокшэрзянь морофтома! Тя шиня пуромфнень инголе кштисть и морасть Чугунка велень «Мордовочка» фольклорнай группась, Энгельскяй райононь Новопушкино поселкань «Умарина» народнай самодеятельнай коллективсь и лиятне.
Ю.А.Мишанин илас пуромфнень приветствондамста азозе, што Мордовиясь аф юксни эсь стирензон-цёранзон колга. Юрий Александрович шназень Чугунка велень эряйхнень эсь национальнай культураснон, кяльснон, щамснон ванфтоманкса. Тянь коряс оцю работань вятихненди казсь Почетнай грамотат, лятфнембяленди казнет.
О.СЕРГЕЕВА.
Редакцияньке азонды сюкпря ингольдень сотрудниконьконди В.В.Лазаревонди «Шумбрат» фестивальть колга фотоматериалонь пачфтеманкса.

11.10.2018 №40
 
 
 

 
НОВОСТИ
 
 

Панчфт и казнет—республикань учительхненди

Торжественнай мероприятияс, кона лемтьфоль Международнай учителень шити, И.М.Яушевонь лемса музыкальнай театрав пуромкшнесть учительхне марнек республикаста. Профессиональнай праздник мархта синь поздравляндазень Мордовиянь Оцюнясь Владимир Волков.
—Учительсь—тя аф аньцек профессия, тя ваймонь венемома, аф тёждя, ответственнай и оцюдонга оцю труд,—мярьгсь Владимир Дмитриевич.—Афкуксонь учительсь максси иттненди сяда лама азф школьнай программать коряс. Сон лезды ученикти шарьхкодемс эсь прянц, няфтемс ломанень цебярь ширензон, мумс эсь кинц эряфса.
Республикань Оцюнясь азсь кафта важнай цельхть, конат ащихть отечественнай образованиянь системать инголе. Васенцесь—сувамс мирса инь цебярь кемоттнень лувксс. Омбоцесь—тиемс воспитаниянь система. Тянди водендаф «Образование» од национальнай проектсь.
11.10.2018  № 40
 
 
 

Республикань предприятиятнень продукциясна пачфневи миронь 80 странас

Пяденцяста, 28 сентябрьста, Мордовия Республикань Оцюнясь В.Д.Волков примась участия торжественнай пуромксса, кона лемтьфоль Машиностроителень шити. Мероприятиясь етась Рузонь Государственнай драматическяй театраса. Залу пуромкшнесть республиканскяй предприятиянь представительхне, отраслянь ветераттне.
Пуромфнень поздравляндамста В.Д.Волков лемдезе машиностроениять республикань экономикать  седикс и моторкс, вдь сонь эздонза ламода ащи лия сфератнень работасна.
Азфоль, што тяддень кафкса ковста промышленнай производствань индекссь арась 111 процент. Странаса тя фкя инь цебярь показательсь. 2018 кизоня республикаса нолдаф 119 миллиард цалковаень питнеса промышленнай продукция, мезсь 13 процентта сяда лама мелянь кизоть коряс. Республиканскяй кемготува предприятиятнень эса эряфс етафневихть производствать  келептеманц и одкстопнеманц коряс проектт. Касонды инновационнай продукциять лувксоц. Производствань марстонь объемть эса сонь талекац—29 процент. А тяфтама отраслятнень эса, кода электроннай и оптическяй изделиянь производствась, тя показательсь пачкодсь 77 процентс.
04.10.2018  № 39
 
 
 

Турчак: В парламенты всех 85 субъектов России внесены законопроекты о сохранении региональных льгот для людей предпенсионного возраста

На сегодняшний день в парламенты всех субъектов Российской Федерации внесены
законопроекты о сохранении региональных льгот для женщин, достигших 55 лет, и для
мужчин 60 лет. Об этом сообщил секретарь Генерального совета «Единой России»
Андрей Турчак.
«На сегодняшний день в парламенты 85 субъектов РФ внесены законопроекты о
сохранении региональных льгот для граждан предпенсионного возраста – женщин 55 лет
и мужчин 60 лет. В 37 регионах законы о сохранении региональных льгот в прежних
возрастных границах уже приняты законодательными собраниями. Из них в 18 субъектах
РФ документы подписаны губернаторами. Еще в трех регионах данные законопроекты
рассмотрены и приняты в первом чтении. В 45 регионах России законопроекты будут
рассмотрены в самое ближайшее время: в большинстве – до конца сентября и в
нескольких – в октябре», – заявил Турчак.
По его словам, сохранение региональных льгот для людей предпенсионного возраста –
один из важнейших вопросов, который поднимался в субъектах РФ при обсуждении
совершенствования пенсионной системы. «Поэтому на совместном заседании
Генерального совета и Совета руководителей фракций мы приняли решение рассмотреть
вопрос о сохранении региональных льгот для людей предпенсионного возраста в
осеннюю сессию. Нашу инициативу в своем обращении поддержал Президент России
Владимир Путин», – напомнил Турчак.
24.09.2018
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин