Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Национальная тематика

СЮКПРЯ ТЕЙТЬ, ВЕРА ФЁДОРОВНА!

Инсарскяй райононь Исавелеса мекольдень кизотнень эвондась лама полафткста. И сембе синь аньцек цебярь шири. Тяса строяф эрямань лама куд, панчф фельдшерско-акушерскяй пункт, тиф ремонт школати, асфальтса ацафт велень китне, ули цебярь спортивнай комплекс, шкаень куд и лама лия, мезсь тяса кеняртьфти сельме. Но, улема, велеть инь главнай козяшиц—сонь ломаненза. Тяса пцтай эрь кудса васьфтят интереснай судьба мархта эряйхть, конат содафт аф аньцек велеса, районца, но и марнек республикаса. Фкясь синь эздост—машты кядь авась Вера Федоровна Фирстова. Мзярда суват сонь ширезонза, поват бта ефксс. Тяса ламось ладяф и кочкаф мокшавать машты кядензон мархта, эрь шинь трудонц вельде.
Комсь киза ни етась, кода Вера Федоровна васенцеда кярьмодсь сюреса сермадомань тевти. Ушедозе емласта—эрь кодама    серматфкст тиендсь нардаматненди, тодлангаксненди, скатерьхненди, лия кудботмонь предметтненди. Ковста-ковс мокшень стирсь касфнезе маштомошинц ушетф тевса, фкя работать аделамда меле кярьмотькшнесь од тевс. Тяфта тифтольхть Вера Фирстовать авань национальнай васенце панаронза, конат салайхть мяль эсь мазышиснон мархта.
—Сюреса сермадомась полафтозе монь эряфозень,—пеедезь азонды Вера Федоровна.—Кда инголи тя тевти шарфнень аф сяшкава лама пинге, то тяни сон тейне инь кельговись. Мялезе эрь шиня сюреса сермадомс мезе-бди одня, аф фкя лацонне. Штоба рисункась лисель сяда мазыста, аноклакшнян кемотть эрь кодама сюрень кесаконят. Фалу прясон кирьдса сянь, што мокшетне сембе пинкнень кельгозь якстерь, тюжя, сянгяря, акша, сенем тюснень. Нят монь кельгома тюсонь сюрене.
Тячи Вера Федоровна Фирстовать колга минь азксоньке, кода машты кядь ломанень колга. Но велеряйхне мокшавать нинге лац содасазь кода цебярь дояркань. Фермань тефненди сон лемдсь колмогемонь киза. Аньцек ськамонза Вера Федоровна тя пингста потясь и прважась государствати лама сядот тонна лофца. Мирдец, Евгений Степанович, пенсияс тумозонза покодсь велень машинно-тракторнай паркса механизаторкс, мекольце кизотнень усксесь кормат фермав. Миртть-рьват Фирстофне касфтсть ниле итть, колма стирьхть и цера. Сембе синь тусть цебярь киге, тонафнесть вузса, тяни покодихть профессияс коре Москуса. Сидеста сашендыхть тядянь-алянь куду, мезьса эряви лездыхть шачфтыснонды, ваныхть шумбрашиснон мельге, седикс-ваймокс корхнихть. Мекольце тяфтама васедемась етась аф кунара, сентябрь ковть песта. Шачема кудса кайгсть поздравлениянь валхт Вера Федоровнать лемс. Теенза топодсь сизьгемонь киза. Юбилеень шиня лама инжи щафтольхть национальнай мокшень панарса, конатнень стазень и сюреса сермадозень В.Ф.Фирстовась машты кядензон мархта. Уноконзонды мокшавась ся шиня казсь мокшень някат, конатненди авторкс тяфта жа сон, Исавелень шнама ломанць Вера Фирстовась.
Н.Лобанов.


25.10.2018 №42
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин