Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

МАРЯТАМА ИНКСОСТ ГОРДОСТЬ!

8 ноябрьста Рузонь Государственнай драматическяй театраса ётась оцю пуромкс, конань пингста чествовандафтольхть тядде Венгриянь Будапешт ошса греко-римскяй бароцямать коряс Миронь чемпионатса, Аргентинань Буэнос-Айрес ошса кизонь юношескяй колмоце Олимпийскяй налхкоматнень эса, Россиянь спортивнай школань тялонь Всероссийскяй II Спартакиадань финальнай пялькстомаса и Россиянь од ломанень кизонь IV Спартакиадаса сяськихне и призерхне.
Торжественнай мероприятияса примасть участия Мордовия Республикань Оцюнясь В.Д.Волков, Международнай Олимпийскяй комитетонь членць, Россиянь теннисонь Федерациять президентоц Ш.А.Тарпищев, Россиянь Олимпийскяй комитетть президентонц помощникоц А.А.Минцев, Спортивнай резервань анокламань Федеральнай центрать директоронц заместителец М.Б.Миролевич, спортонь Заслуженнай мастерсь, Олимпийскяй налхкомань сиянь призерсь, легкай атлетикать коряс Миронь чемпионкась, «Матч ТВ» телеканалонь спортивнай комментаторсь Ольга Богословская, академическяй греблять коряс спортонь мастерсь, «Матч ТВ» телеканалонь спортивнай комментаторсь Дмитрий Губерниев.
Залу пуромф спортивнай общественностть, родительхнень и залу пуромф инжихнень поздравляндамста В.Д.Волков азозе, што марнек республикась надиясь и верондась минь спортсменоньконь лангс, и синь пяшкодезь сембе учендоматнень. «Кеме, но справедливай тюремаса тинь няфтеде оцюдонга оцю мастерства, сяськомати оцю венемома»,—мярьгсь сон.
Кода отмечазе республикань вятись, ня сяськоматне башка питнихть сяс, мес синь сатфт российскяй спортти аф тёждя пингста.
—Тячи Мордовиясь тага куцсь спортивнай пьедесталонь инь сери куцеманятненди, а сонь сатфксонзон колга тага ушедсть корхтама марнек мирть келес. Спасиба теенть тянкса, кельгома спортсметт!—мярьгсь В.Д.Волков.
Республикань Оцюнять валонзон коряс, «Россия—спортивная держава» очередной международнай форумса, кона ётась аф кунара, Мордовиясь тага лувф странань фкя инь спортивнай регионкс. Аньцек тядде межрегиональнай, всероссийскяй и международнай пялькстоматнень пингста Мордовиянь спортсметтне сявсть 800 медаль, 40 процентсна конатнень—золотаннет.
—Минь сембе марятама оцю гордость греко-римскяй бароцямать коряс республиканскяй школань воспитанникнень Будапештса историческяй     сатфксснон инкса. Васенцеда фкя мировой первенстваса минь кафта борецоньке Сергей Емелин и Артем Сурков сявозь золотань медальхнень,—азозе В.Д.Волков.—Минь сборнаеньке няфтсь Будапештса инь цебярь результатт мировой первенстватнень историяса, сатомок медальхть сталмонь комсь категориятнень эзда кемголмувоть эса. Кепси мяль, мес оцю путкс марстонь тя сяськомати путсть Мордовиянь бароцяйхне.
Республикань Оцюнясь тага весть лятфтазе, кода спортсменоньке ётафтозь поединкаснон. Синь танка лаца ётасть соперникснон ланга, васенце минутаста ни макссть шарьхкодемс, што синь киндивок аф сяськовихть.
Благодарностень башка валхт азфтольхть бароцяйхнень тренерснонды Н.В.Слесаревонди и В.Г.Ермошинонди, а стане жа спортсметтнень тядяснонды-аляснонды. Тренерхне казьфтольхть «За самоотверженный труд» отличиянь знакса. Тяда башка, теест максфоль «Мордовия Республикань Государственнай премиянь лауреат» лемсь. Родительсна казьфт Мордовия Республикань Оцюнять Благодарностьса.
Синць бароцяйхне—Артем Сурков и Сергей Емелин—казьфт Славань III степенень орденца. Тяда башка, теест максф Мордовиянь Оцюнять специальнай премияц. Спортсметтне получайхть 3 миллиононь цалковай.
Пуромксса В.Д.Волков стане жа азозе, што оцю надиямат путневихть спортонь нинге фкя видть—ВМХ-спортть лангс. Башка отмечафоль Варвара Овчинниковать сатфксоц. Тядде од спортсменкась сяськсь кизонь юношескяй Олимпийскяй налхкоматнень эса.
—Пара мяльса азса, што тя «золотась» арась васенце олимпийскяй казнекс российскяй ВМХ-ть историяса,—мярьгсь республикань вятись.—И катк тянь мархта  тифт аф оцю, но кеме аськолкст мировой Олимпти молемаса.
Варвара Овчинникова казьф «Мордовия Республикать инголе заслуганкса» медальса. Стане жа казнет получасть сонь тренеронза и родителенза.
В.Д.Волков азозе, што Россиянь Президентть В.В.Путинонь майскяй Указонзон пяшкотькшнемаснон рамкаса Мордовиясь получай федеральнай бюджетста субсидия олимпийскяй резервань школатнень оборудованияса козякофтоманкса. Республикань руководствась примась решения нолдамс 9 миллиононь цалковай бароцямань и велоспортонь школатнень виияфнеманкса.
Мероприятияса стане жа отмечафтольхть тядде Россиянь од ломанень Спартакиадаса минь спортсменоньконь сатфкссна. Синь сявсть 9 медальхть, нилетне конатнень эзда золотаннет.
Цебярь результатт няфтсь Мордовиянь командась Россиянь спортивнай школань тялонь Спартакиадаса. Миннетне арасть бронзовай призеркс общекоманднай зачетса, сявомок 6 медальхть шорт-трекса и биатлонца.
Спартакиадань сяськихне и призерхне казьфт Мордовия Республикань Оцюнять премияса.
Пуромксса ламоль и лия казнеда. Тяфта, Мордовия Республикаса физическяй культурать и спортть виияфтомаса оцю путксонкса Славань II степенень орденца казьф Ш.А. Тарпищев. Славань III степенень орденца казьф спортивнай бароцямать коряс Мордовиянь сборнай командать главнай тренероц А.П.Тараканов.
О.ЕВДОКИМОВА.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022