Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Артём Сурков: «ПАВАЗУВАН, МЕС УДАЛАСЬ ДОСТОЙНАЙСТА АРАЛАМС РОССИЯТЬ И МОРДОВИЯТЬ ЧЕСТЕНЦ»

Мордовиянь спортсметтне мастор лангса фкя инь виихне. Тя тага весть кемокстафоль тяддень 27 октябрьста Венгриянь Будапешт ошса ётафтф Миронь чемпионатть пингста. Минь кафта борецоньке—Артем Сурков и Сергей Емелин сявозь тя турнирса золотань медальхнень. Миронь кафта чемпиотт фкя аф оцю республикаста—тянь мархта афкукс ули кода шнафтомс пря.
Саранскяень од церась Артем Сурков арась ялгакс греко-римскяй бароцямать мархта кеветие кизода инголе. Эста теенза ульсь кемонь кизот. И васенце шиста ни сон няфтезе эсь кеме характеронц. Сонь тренероц В.Г.Ермошин тячивок лац мяляфтсы, кода Артем сай пингонь наставниконц мархта содафтомста азозе: «Монь мялезе улемс чемпионкс!» И сонценнеть, вдь, сатозе.
Эсь спортивнай карьеранц пингста А.Сурков аф весть лисендсь сяськикс всероссийскяй и международнай пялькстоматнень эса. 2009 кизоня сон пяшкодезе «Спортонь мастеронди кандидат» нормативть, а 2010 кизоня арась Греко-римскяй бароцямать коряс спортонь мастеркс. Тядде Саранскяень борецти максфоль «Спортонь Заслуженнай мастер» почетнай спортивнай лемсь.
Ня шитнень корреспондентоньконди удалась васедемс спортсменть мархта и максомс теенза кой-кодама кизефкст.
—Артем, поздравляндатядязь Миронь чемпионатса сяськомацень мархта! Арьсетяма сяда товолдонь оцю сатфкст спортса и эряфса!
—Спасиба!
—Арьсекшнеть, што арат инь виикс тя турнирса?
—Надиянь тянь лангс. Тянди мон молень лама киза и тяни пяк павазуван. Павазуван, мес удалась достойнайста араламс Россиять и Мордовиять честенц, мес ашине «васькафта» лангозон надияйхнень учендомаснон.
—Корхтайхть, бта рьвяце мярьгсь прважамстот: «Сяськомафтома тят мртце!»
—Арьсян, рьвязе прималемань чемпионскяй карксфтомовок, но «гразяманц» сявине мяльс. (Рахай). Сон ся пингть шачфтома кудса ульсь, коламс мяленц ашель кода.
—Сяка шиня, мзярда сяськоть Миронь чемпионатса, рьвяце тись тейть оцю казне—шачфтсь цёра. Касы, макссак спортс?
—Тя ульсь инь питни казнесь. Максса-аф спортс? Васендакиге тя кармай ащема эсь мяленц эзда, мяльса кирдьса профессиональнай спортть. Но спортивнай секцияс вятьса обязательна, кода эсь пингстонза тись и монь алязе.
—Кода тя ульсь, лятфтак.
—Кемонь кизоне эста аньцек топодсть. Алязе сонць одста занцесь пря бароцямаса. Сон международнай классонь спортонь мастер. Мялецоль, штоба миньге, цёранза, содафтолеме спортонь тя видть мархта. Монь ули брадозе Максим, минь кафтастяма. Вов весть алязе сявомазь мархтонза тренировкас. Сяда меле бароцямать мархта ашеме явонда ни. Аф мяляфтан стама ши, штоба минь саволь кошардомс молемс тренировандама. Минць кепотьф мяльхть ласькондеме спортзалу. Тейнек бароцямась афкукс арась кельгома тевкс. Ламотне варчсесазь спортть, но аф сембе тяса лядондыхть. Спортсь—тя оцю труд, стака работа, аф сембонди сон кирдевомшка. Аф содаса, мезть эзда тя ащи, шять, ломанть характеронц эзда. Монь сталмотне мзярдовок ашемазь эвфне. Меколанкт, бароцямась арась тейне седиень озафтома вастокс, макссесь вийхть, верондама эстейне.
—Брадцень мархта сашендовсь тюремс фкя-фкянь каршес?
—Сашендовсь. Мекольцеда тя ульсь 2014 кизоня Россиянь чемпионатса Раменскяйса. Эста сяськомась монь ширесоноль. Мялезе азомс, Максим аф сяда лафча монь корязон и теенза стане жа вийс коре ламоть сатомс спортса. Виденцян, дуганозень мархта бароцямась тейне инь стака поединкась.
—Тяни тага мрдатама Миронь чемпионатти. Финалса тейть сатовсь вии соперник—Сербияста Олимпийскяй и Миронь чемпионць Давор Штефанек. Стакаль тюремс каршезонза?
—Аф тёждяль. Мзярда лисендян аренати, старандан аф арьсемс, кие ащи инголен—Олимпийскяй чемпион или, мярьктяма, Европань чемпион. Лисендян и няфнеса семботь, мезе маштан, мезти тонафтомань тренерозе.
—Кие васенцекс поздравлянданзе сяськомацень мархта?
—Тренерозе В.Г.Ермошин. Меле гайфтсть родительне, ялгане.
—Шять, ули стама ломань, кинди лемдить сяськомацень?
—Ули. Цёразенди Марконди лемдине. Тячемс нинге аф педа-пес шарьхкодине павазозень—мон арань алякс!
—Спортта башка кельгома тевце ули?
—Кельгса охотендамазень и калонь кунцемазень. Виде, аф пяк сидеста удалси лисендемс вири или сявондемс кядезон ульмоть. Но мзярда эвондакшни еткозе, вов ня тефнень мархта кельгса занцемс прязень.
—Саранскяйса кельгома васттне улихть?
—Эздост лама. Целайнек ошеньке пяк мазы. Сборса, пялькстомаса савсь улемс кода Россиянь ламоц региоттнень эса, стане и омба масторса. Но Саранскяйда мазы, ару ош косовок ашень няе. Мялезон А.С.Пушкинонь лемса ваймосемань парксь, пяк лац тиф Тысячелетиянь площадсь, Мордовскяй подворьясь. Арьсян, тейнек пяк удалась эрямс тяфтама цебярь ошса.
—Тейть аньцек 25 киза, а тон ни Миронь и Европань чемпионат. «Тяштень» урмась аф муцси эсот?
—Аф. Вов кда олимпийскяй медальть сатолине… (Рахай). А кда корхтамс серьезнайста, аф шарьхкотькшнесайне прянь няи ломаттнень. Мон проста тиине эсь работазень, кода пяшкотькшнесазь эсь тевснон тежятть лия ломаттне.
—Мезе азолеть од спортсметтненди?
—Аф пелемс сталмода и фалу кулхцондомс тренерть.
—Спасиба!
О.Евдокимова.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022