Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

СЦЕНАСА—ЗУБОВО-ПОЛЯНСКЯЙ МУНИЦИПАЛЬНАЙ РАЙОНЦЬ

«Шумбрат, Мордовия!»—«Vivat, Чемпионат!» фестивальста
4 ноябрьста Саранскяйса Культурань Республиканскяй дворецса «Шумбрат, Мордовия!»—«Vivat, Чемпионат!» Народнай творчествань республиканскяй XXII  фестивальть рамкаса ётафтозе эсь отчётнай концертонц Зубово-Полянскяй муниципальнай районць. Тяса жа, Культурань Республиканскяй дворецть омбоце этажсонза, «Мокшэрзянь масторть мастерствац» лем ала Зубово-Полянскяй народнай промыслань и ремеслань мастерхне няфтезь эсь маштомошиснон выставкаса, коса ваныхне няйсть 47 мастеронь 450 работа. Эздост ламотне ульсть лемтьфт футболть коряс Миронь чемпионатти, конань матченза ётасть Мордовиять столицаса.
Аф ваномок сянь лангс, што Зубово-Полянскяй райононь народнай, национальнай эстраднай коллектифнень и башка исполнительхнень отчётнай концертсна ушедсь 13 частста, ваныхне Культурань дворецти састь и састь 12 частста сявомок. Ётксост ульсть сембе поколениянь и профессиянь ломатть, конат афкукс кельгсазь народнай искусствать.
Зубово-Полянскяй муниципальнай райононь коллектифнень отчётнай концертснон и мастерхнень выставкаснон ванома тяфта жа сашендсть Мордовия Республикань Правительствать Председателенц заместителец Г.А.Лотванова и республикань культурань, национальнай политикань, туризмань и архивнай тевонь министрть васенце заместителец С.Н.Баулина. Теест и лия ваныхненди эсь лацонь экскурсия народнай промыслань и ремеслань мастерхнень выставкаснон эзга ётафтсть Зубово-Полянскяй муниципальнай райононь оцюнясь С.С.Сурдин и районнай культурань управлениять начальникоц А.В.Якунин. Инь оцю мяль ваныхне шарфтсть Мордовская Поляна велень мастерть Е.А.Елисеевать работанзон лангс, ламотне конатнень эзда лемтьфт футболть коряс Миронь чемпионатти.
Экскурсияда меле С.С.Сурдин мярьгсь журналисттненди: кле, мон тячи маряса прязень афкукс павазу ломанькс сяс, мес Зубово-Полянскяй районть отчётнай концертоц ётафтови Мордовиять столицаса Народнай единствань шиня. Минь районцонк фкя-фкянь мархта ладязь эряйхть мокшет, руст и татархт. И сембе ня культуратне тейнек фкакс малат и питнихть.
Тяда башка, минь марса работатама, касонкшнетяма-вииякшнетяма, касфттама итть, ванфттама-виияфттама эсь национальнай культураньконь и коеньконь эса. Сяс, койсон, «Шумбрат, Мордовия!» фестивальса няфтьф концертоньке тячи сувафтсы эсь няевикс путксонц Мордовиянь нароттнень ёткса межнациональнай и межрелигиознай соткснень кемокстамаснонды!
Кода пачфтезе районнай культурань управлениять начальникоц А.В.Якунин, народнай промыслань и ремеслань произведениянь выставкать кочкамац-пуроптомац ульсь аф сяшкава стака тевкс. Зубово-Полянскяй райононь пцтай эрь велеса улихть стама мастерхт, конатнень трудсна аф визькс няфтемс любой выставкаса. Но эрь выставкать минь кочкасаськ-пуропнесаськ   тяфта: тяза лихневихть ся мастерхнень произведениясна, конатнень ваныхне тя пингс ашезь няенде. Сяс ули кода азомс: тя койсь пяк лезды касомс кода мастерхненди, стане и марнек районнай национальнай культурати.
Сонць отчётнай концертсь, коза пуромкшнесь тёжяньда лама ломань, мольсь пяле мархта част. Эсонза ваныхнень кеняртьфтезь эсь моросост и кштимасост «Мокшаваня», «Ляйня» и лия фольклорнай коллектифне, «Колечко», «Экспромт» моронь и кштимань ансамбльхне, «Надежда» ветеранонь хорсь, «Поляне» ансамбльсь, Ирина Утинишева, Татьяна Голованова, Татьяна Зиновьева и национальнай эстраднай лия исполнительхне.
Эрь выступленияда меле ульсть вии кядень цяпамат и «браво» юватькшнемат, ваныхне кандсть-казсть народнай артисттненди панчфт.
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022