Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

РФ-нь Президентть ПФО-са Полномочнай представителенц Игорь Комаровонь Мордовиявса улеманц колга

20 ноябрьста Мордовияв рабочай визит мархта сашендсь Россиянь Президентть Приволжскяй федеральнай округса Полномочнай представителец Игорь Комаров. Рабочай шавшись ушедсь «Технопарк-Мордовия» АУ-са. Региононь руководительть Владимир Волковонь мархта Полпредсь содафтсь инновациятнень республиканскяй территорияснон структурнай основной подразделенияснон мархта.
Игорь Комаров оцю мяльса ванозень инновациятнень проектированияснон Центраснон, волоконнай оптикань Инжиниринговай центрать, лабораториятнень. Объекттнень эзда эрть эса РФ-нь Президентть Полномочнай представителец мяль шарфнесь эряфс етафтови проекттнень прикладной ширеснонды. Кепотьксонди, Игорь Комаров кизефнесь кремниень карбидть, конань получсесазь «Технопарк-Мордовия» АУ-ть площадканц лангса Н.П.Огарёвонь лемса   МГУ-нь ученайхне, тевс ноляманц колга. Материалть, кона тиф республикасонк, нолясазь ни тевс космическяй отрасляса, сяда тов сонь арьсеви пачфнемс омба мастору электромобильхненди деталень анокламс.
«Кванториум» идень технопарксь и сонь ёмла «эряенза» няфтезь Игорь Комаровонди робототехникаса, биоинженерияса, светотехникаса и лазернай технологиятнень эса аф кода фалунь открытиятнень.
Мордовиянь промышленнай предприятиятнень выставкасна-презентациясна содафтозе Игорь Комаровонь республикань экономикать флагманонзон мархта.
* * *
Шить омбоце пялестонза РФ-нь Президентть Полномочнай представителец Игорь Комаров Республикань Кудса ётафтозе Гражданскяй обществань институттнень виияфтомаснон-касфтомаснон коряс ПФО-нь Общественнай советть заседаниянц. Форумса ульсть представительхть округонь эрь регионцта—марнек 77 ломань.
Общественнай советть заседанияса тяфта жа работасть Мордовия Республикань Оцюнясь В.Д.Волков, Государственнай Собраниять Председателец В.В.Чибиркин, Мордовиять эзга главнай федеральнай инспекторсь М.С.Сезганов, республикань гражданскяй и научнай обществань представительхть.
Заседаниять «Современные подходы к обеспечению условий для развития профессиональной самореализации молодого поколения» теманц коряс пуромфнень инголе тись доклад РФ-нь Президентть Полномочнай представителец И.А.Комаров.
—Тяниень од ломаттнень кядьса—странать сай пингоц. Именна теест, кинди тячи 14-30 киза, сави тиемс Россиять нинге сяда виикс и кемокс. Эздост тячиень обществасонк 21,5 процент. И шарьхкотьф: синь—оцюдонга оцю вий, конань эряви нолдамс виде ки ланга. Тиемс од ломаттненди эряфонь цебярь условият, лездомс теест кочкамс эрявикс профессия. Ня и лия вешфксне тейнек путфт Россиянь Президенть В.В.Путинонь «О национальных целях и стратегических задачах развития Российской Федерации на период до 2024 года» 204№ майскяй Указсонза. Общественнай советть заседанияс пуромфнень тяфта жа приветствовандазень Мордовия Республикань Оцюнясь В.Д.Волков. Мордовиять лидероц мярьгсь: кле, республикати арась оцю честекс примамс эсь пялонза окружной тя форумть, коса корхтамась моли профориентационнай работать цебярьгофтоманц колга. Мордовияса тя работась од ломаттнень мархта вятеви дошкольнай образованиянь учрежденияста сявомок и республикань вусненди и завоттненди молемс. Тяфта жа оцю работа вятеви асу шабатнень мархта, конат аньцек тядде  Международнай олимпиадаса добувасть 180 медаль!
Общественнай советть заседаниянц аделавомда меле сонь итогонзон колга эсь мяльнон И.А.Комаров и В.Д.Волков азондозь журналисттненди.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022