Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

МОРДОВИЯТЬ И ФИНЛЯНДИЯТЬ ЁТКСА СОТКСНЕНДИ КЕМОКСНЕМС

Ётай недялять Мордовиянь Оцюнясь Владимир Волков и делегациянь члеттне, конатнень ёткс сувсесть государственнай властень органонь руководительхть, промышленнай предприятиянь, инфраструктурнай и образовательнай учреждениянь, агропромышленнай и перерабатывающай комплексонь предприятиянь представительхть, ульсть Финляндияса. Тяса синь финскяй партнёрхнень мархта ётафтсть несколька васьфтема, мольфтсть оцю корхтама фкя-фкянди паронь, пользань канды сотксонь ладямать колга.
12 ноябрьста Мордовиянь Оцюнясь ульсь Mailiefer компанияса. Сон ванозень тястонь производственнай линиятнень, знакомондась технологическяй процесснень, ноляви продукциять мархта. Ётафтфоль рабочай васедема компаниянь руководствать мархта, коса ванондовсть кабельнай производствать коряс сяда товолдонь сотрудничествань кизефксне. Переговорхнень эса примасть участия Правительствань Председательть васенце заместителец—экономикань, торговлянь и предпринимательствань министрсь Владимир Мазов и Правительствань Председательть заместителец—промышленностень, наукань и од технологиянь министрсь Александр Седов.
Арьсекшневи тиемс марстонь предприятият
13 ноябрьста Мордовиянь Оцюнясь Владимир Волков ульсь Тамперень кой-кона предприятиятнень эса, тяконь лувксса Taso Wheei  и TT-Gaskets компанияса.
Taso Wheei компаниясь лувондови мировой лидеркс приводной техникань нолдамаса, TT-Gaskets компаниясь—Скандинавияса уплотнителень и регулировочнай прокладкань анокламаса. Ширетне састь мяльс кярьмодемс Мордовияса марстонь предприятиянь тиемати-анокламати. Арьсефть эряфс ётафтоманкса республиказонк сайхть представительхть финскяй компаниятнень эзда.
Тамперень опытСь нолдаВИ тевс миньцонк
Тампере ошень мэрияса Мордовия Республикань делегациять лемс ётафтфоль официальнай приём. Тя мероприятиять пингста финскяй ширесь содафтозень республикань представительхнень «Умный город» программать мархта, кона лац ётафневи синьцост.
Азфоль, што программась кармась эряфс ётафневома 2017 кизоста сявомок и явфтф сисем пяльксова: промышленностсь, образованиясь, здравоохранениясь, инфраструктурась, управлениясь, мобильностсь, зданиятне и сооружениятне. Программати сувафтф кемотть проект и мероприятия, конат водендафт ошень сембе службатнень работаснон сяда тов цебярьгофтоманцты.
Мордовиянь Оцюнясь Владимир Волков «Умный город» системать презентациянц песта азсь мяль пуроптомс марстонь рабочай группа сянкса, штоба лацкас тонафнемс финскяй ялгатнень опытснон и сувафтомс тя системать столицазонк.
Ули мезти тонафнемс
13 ноябрьста Владимир Волков ульсь и Тамперень профессиональнай образованиянь колледжса. Мордовия Республикань делегациянь члеттне содафтсть колледжть материально-техническяй ширенц и тонафнеманц мархта.
Мезсь васендакиге шарфни мяль тя заведениять работаса, тя ся, што сон сонць добувакшни аф кржа ярмак, пяшкотькшнемок строительнай организация лаца закаст. Кепотьксонди, ошень мэриясь колледжти максы стройканди участкат. Студенттне эсь вийсост стройсихть разнай объектт, тяконь лувксса эряма кутт, конат сяльде мишендевихть.
Владимир Волков путсь задача тонафнемс фиттнень тянь ширде пара опытснон и нолдамс сонь тевс миньцонк.
Финскяй партнерхнень мархта сотрудничествань кизефкснень  ванондомаса примасть участия Правительствань Председательть васенце заместителец—экономикань, торговлянь и предпринимательствань министрсь Владимир Мазов, Правительствань Председательть заместителец—наукань и од технологиянь министрсь Александр Седов, Саранск ошень округонь оцюнясь Петр Тултаев.

22.11.2018 №46
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин