Поиск по сайту: 
 

Архив
 февраль 
 2019 
пн вт ср чт пт сб вс
    123
45678910
11121314151617
18192021222324
25262728   

 
 

 

Юмор и сатира

МОКШЕНЬ КЯЛЕНЬ УРОК

Ребята, тячи минь с вами ушеттама изучать мокшень языкть и литературать,—класса корхтась одс саф учительницаньке Полина Сергеевна.
Тяда инголе минь мокша велень школасонк мокшень кяльсь и литературась ашесть тонафнев. Ронось, корхтайхть, дирекциять ширде ашезь веше иттненди эсь кялень тонафнефтема, да ашель тяфтама предметонь вяти учительницавок. А тядде вага кучсть. Сонць серес аф конашка. Аня Климкинать, ваксозон озаф стирнять, коряс аньцек цютькя сяда сериня. Аньцек сяда эчконя. И шяяренза аф равчт, а тюжазат, копорезонза нюрьгихть. Корхтамстонза кургоняц тураманякс панчсеви. Корхтай бта сетьмоняста, но сембонди лац кулеви:
—Значит, тинь давно уже аф начальнай классонь тонафнихтяда, а родной языкть теенть не преподавали. Тя, конешна, оцю ошибка. Но минь постараемся сонь исправить.
Итак, тячиень вступительнай урокса мон коротко азондса, кода и мезе карматама изучать в течение года. Тинь кульсасть-содасасть, што Октябрьский революцияда инголе мордовскяй письменнай кяль и литература, можно сказать, ашель. Лисендсть отдельнай исследованият, речт, но синь тяштисновок ульсть не всегда мокшет или эрзят. Но сянкса мокшетнень и эрзятнень пяк богатаель фольклорсна. Синь эсь латцеф песнясна, сказкасна передавались из уст в уста, поколенияста поколенияс. Революцияда инголе мокшень иттне школаса, повторяюсь, эсь кяльснон не изучали.
—Миньге школасонк мокшень кяльса тячи аньцек васенце уроксь,—пшкядсь ваксстон Анна Климкина,—спасиба перестройкати.
—Тон тямак перебиванда,—шуказе суронц учительницась Климкинать лангс. И корхтазевсь сяда тов.—Тинь не изучали субъективнай причинас коре. Ашесть ёра, няйф, изучать сонь. Родителенте не требовали, потому что в своё время синцьке тонафнесть только рузонь кяльса. Мокшень кяльсь входит финно-угорской языковой группати. Иначе говоря, сон близкай финскяй, эстонскяй, венгерскяй, коми, марийскяй языкненди. Мордовскяй лингвисттне, учёнайхне Евсевьев, Потапкин, Шишканов, Келин и так далее выпустили труды, ряд учебников на мордовских языках, конатнень коряс получсихть знаният и школьникне, и студенттне. Корязост мокшень кяльть карматама проходить миньге—начиная с фонетики. Тя класса тинь узнаете, мзяра буквадонк, звуктонк: кодамот часть речиеньке: кода склоняются существительнайхне, кода спрягаются глаголхне: кодамот прилагательнаеньке, причастияньке...
—Урокть аделамс лядсь двадцать минут,—тошказевсь тейне Климкина.
Полина Сергеевна ванфонц лоткафтозе сонь лангозонза:
—А «двадцатсь» числительнай. Синьге, числительнайхневок, склоняются по падежам.
—Рузкс али мокшекс?—ашень кирде—монга таргайне кялезень.
—Мокшекс, конешна. Почему рузкс?
—А «двадцатсь» рузонь числительнай. Сонь минь склоняндакшнеськ ни. А мокшекс—«комсь».
—Ожу. Погоди. Тон тят шорсе урокть ётафтомс. Комсь или двадцать—тя одно и то же. Программас коре изучим междометия часть речитьке,—лангозон ванозь пяцорфтозень валонзон Полина Сергеевна.
—Вай!—кулевсь шуваня пешкодома фталдонь партатнень ширде. Мон шарьхкодень: тя, улема, Серафим Хомутов Нюта Сурайкинать тага ускозе шяярьда и ся пешкодозевсь. Аньцек Полина Сергеевна ся вайкстомать шарьхкодезе эсь лацонза.
—Правильна,—мярьгсь сон.—«Вай!» валсь междометия. И сонь конецозонза фалу путневи восклицательнай знак. А кда «вай» валсь моли в значении «масло», то сон ули существительнай. Понятно?
Уроконьконь эса карматама проходить мордовскяй литературатьке. Кода и мзярда вышли в свет мокшень первай газетатне, книгатне, после чего сембе мокшетне стали читать на родном языке.
—Сембе? Сятка, конат аф Мордовияса эряйхть?—тага юксовсь кялезе.
—Сятнень кувалма минь речь не ведём,—цють касфтф вайгяльса уркстомань Полина Сергеевна.—Минь имеем в виду Салазгорь велеть, коса родился и вырос известнай мордовскяй просветительсь, поэтсь Захар Фёдорович Дорофеев, Сире Маманять, конань описал эсь «Кели Мокша» романцонза тостоконь уроженецсь Тимофей  Андреевич Кирдяшкин, Сири Пяцерать, костонь школаса нльне застойнай кизотненьге мокшень языксь тонафневсь кемонце классти молемс. И так далее.
Мордовскяй литературась пяк богатай жанрань, национальнай колоритонь коряс. Рассмотрим мокшень поэтть-зачинательть Михаил Безбородовонь стихонзон, поэманзон. А чего стоят Василий Виардонь, Пётр Левчаевонь рассказсна, повестьсна! Эсост отражается целай эпоха. А языксна кодама! Действительна мокшенне. Виде, ня кафта оцю прозаикне в тридцать седьмом году ульсть репрессированнайхть, кода тяштсь «Мокшень правда» газетаське. Синь избивались, лангсост аф ломанькс издевались нквдышникне. Синь няезь Сибирень тюрьмань неволять. Но сякокс не сдались, мртцесть тоста ломанькс, писателькс, кадсть огромнай литературнай наследства. Кда читандасасть книгаснон, почувствуете эздост действительнай мокшень душать, марясасть тоста родной языкть настоящай вкусонц.
Литературнай уроксонк лама част уделим Максим Бебанонь, Илья Кишняковонь, Михаил Сайгинонь творчестваснон проходиндамаснонды. Ня писательхневок эсь романцнон эса эряфонь жизненнай пласттнень няфнесазь пяк глубокайста, кругозорсна широкай, цельсна высокай.
Обратим внимания мокшень и сяда од поэттнень, прозаикнень творчестваснон изучандамаснонды. Тинь марьседе тяфтама автор—Михаил Моисеев? Аш? Сон пишет в основном на родном мокшанском. Кодама жанрас аньцек аф фатни! Публикует стихт, расскаст, повестть, очерктка. Но особенна часто выступандай юмористическяй жанраса. Бичует, высмеивает сятненьге, кит берутся не за свое дело, кит учёбаса аф старандайхть получсемс глубокай знаният, касондыхть недорослякс. И когда стапне случайна получсихть специалистонь диплопт и направляются по распределению работама вастова, эздост аф уленди кодамовок прок. Наоборот—синь арсихть паразитокс на теле общества. Тяфтапт, кстати, могут улемс и среди учителей школ. И если стама учительсь кармай вести предмет, то ученикненди пцтай мезьге не даст и нльне перепутает, затемнит синь юнай мозгснон.
Некоторайхне эздонт, видимо, думандайхть, што мокшень кяльть и литературать изучандамс не обязательна. Сят очень ошибаются. Эрь нациясь должна содамс рузонь языкть. Сон межнациональнай. Лезды общаться странань лама нациянь, народностень ломаттнень мархта. Но в то же время эрь нациясь не должна забывать эсь обычаензон, эсь традициянзон, эсь языконц. Чувашсь—чувашскяйть, татарсь—татарскяйть, чукчась—чукотскяйть. Минь мархтонт мокшетама. А потому должны в совершенстве знать родной языконьконь и литератураньконь.
Учительницать азондоманц эзда прязон кржа мезе сувсесь, и монь фатнемань нувамась. Полина Сергеевна, няйф, приметазе тянь, сетьмось аф ламос и тейне ни пшкядсь казямста:
—Тон, вижу, аф кулхцондат. Мезень колга мон только что рассказывала? Повторяндайть мекольце слованень:
—А потому должны минь в совершенстве знать родной языконьконь и литератураньконь!—мярьгонь, бта рапорт максонь. Сембе классь кати-мес рахазевсь.
Тяка пингть цингоргодсь переменав серьгяди пайгонясь. Учительницась азозе, кле, уроксь аделавсь. Сон сявозе класснай журналть и сери кочкяря туфлянь покнафтозь тусь кенкшть шири. Мон ванонь мельганза, а пилесон кайгсть валонза: «Минь должны в совершенстве знать эсь языконьконь».
М.МОИСЕЕВ.

22.11.2018 №46
 
 
 

 
НОВОСТИ
 
 

ВАЛЕНТИН ВАСИЛЬЕВИЧ КОНАКОВ

2019 кизонь 27 январьста 80 кизонц лангса стакаста сярядемда меле тусь эряфста Валентин Васильевич Конаков—содаф государственнай и общественнай деятельсь, образованиянь и наукань пуроптысь, ученайсь.
Валентин Васильевич Конаков шачсь 1939 кизонь      9 июньцта Мордовскяй АССР-нь Атяшевскяй райононь Кулясово велеса крестьянонь семьяса.
Армияса служамда меле 1961 кизоня В.В.Конаков работась автомеханикокс Атяшевскяй «Сельхозтехникаса», а сяльде поступась Мордовскяй государственнай университету. Аделамок 1966 кизоня тонафнеманц, Валентин Васильевич кармась покодема образованиянь сфераса, 1966 кизоста сявомок 1979 кизоти молемс работась Мордовскяй государственнай университетса ассистентокс, старшай преподавателькс, металлонь технологиянь и машинань петемань кафедрань доцентокс, велень хозяйствань механизациянь факультетонь деканонь заместителькс. 1978 кизоня В.В.Конаков аделазе Московскяй лесотехническяй институтонь аспирантурать, теенза максфоль техническяй наукань кандидатонь лем.

31.01.2019  № 4
 

ДИПЛОПТ И ПРЕМИЯТ—АСУ ЛОМАТТНЕНДИ

Ётай недялять, 25 январьста, Российскяй студенчествань шиня Мокшэрзянь государственнай национальнай драматическяй театраса етась торжественнай пуромкс, конань пингста МР-нь Оцюнясь В.Д.Волков макссь казнет асу од ломаттненди. Мероприятияс пуромкшнесть аф фкя лацонь конкурсонь и олимпиадань сяськихне и призерхне, а стане жа  синь тонафтысна и тядясна-алясна.
Республикань Оцюнясь азозе, што асу од ломаттнень ширеснон кирдеманкса меля примафоль решения ладямс од премият школьниконь международнай и всероссийскяй олимпиадань сяськихненди и призерхненди.
«Международнай уровеньца сатфксонь сатоманкса премиять лувксоц 100 тежянь цалковайста сявомок 300 тежянь цалковайти молемс. Всероссийскяй олимпиадань мекольце этапонь сяськихне и призерхне получайхть 60 и 30 тежянень цалковай,—азозе Мордовиянь Оцюнясь.—Тядде лауреатокс арасть 43 школьниконьке. Тяда башка, казнет получайхть нинге 40 стирсь и церась, конат лац няфтезь пряснон  исследовательскяй тевса, социальнай и общественнай работаса, научно-техническяй творчествань и  профессиональнай мастерствань конкурснень эса».
31.01.2019  № 4
 

МОРДОВИЯНЬ ОЦЮНЯСЬ ВАНОНДОЗЕНЬ САРАНСКЯЙСА ОПТОВОЛОКОННАЙ ПРОИЗВОДСТВАТЬ ВИИЯФТОМАНЦ КОРЯС КИЗЕФКСНЕНЬ

Мордовиянь Оцюнясь Владимир Волков 22 январьста ётафтсь рабочай васедема «Оптиковолоконные системы» АО-ть генеральнай директоронц Андрей Николаевонь мархта. Ванондовсть предприятиять 2018 кизонь работань итогонза, а стане жа 2019 кизонди платтне. Ня кизефкснень ваномаса примась участия Правительствать Председателенц заместителец—промышленностень, наукань и од технологиянь министрсь Александр Седов.
Лятфтасаськ, оптическяй волокнань Саранскяй заводсь—фкясь и сякось странаса. Сон нолдафоль колма кизода инголе. Тя эсь лацонь производствать виияфтомань сембе этапонза етасть Россиянь промышленностень и торговлянь министрть  участиянц мархта. Владимир Волков аф весть васетькшнесь Денис Мантуровонь мархта, получсемок тя проектть, конанди вийс коре ладямс оптическяй волокнань производствать замкнутай цикланц марнек странать вешфксонзон мяльс сявозь, эряфс етафтоманц коряс республикать инициативанзонды ширень кирдема.
31.01.2019  № 4
 

МОКШЭРЗЯНЬ МАСТОРСЬ ТАГА ПУРОПТСЫНЕ ЭСЬ СТИРЕНЗОН И ЦЁРАНЗОН

Мордовскяй (мокшень и эрзянь) народть vii съездоц ётай тяддень
23-25 октябрьста республиканьконь столицаса
Мордовиянь Оцюнясь Владимир Волков 22 январьста Саранскяйса етафтсь мордовскяй (мокшень и эрзянь) народть VII съездонц, кона кармай тядде 23-25 октябрьста, етафтоманцты анокламать коряс совещания.
Совещанияса примасть участия Россиянь финно-угорскяй народонь Ассоциациять председателец Петр Тултаев, а тяфта жа мордовскяй народонь общественнай организациять Межрегиональнай представителенза, тяконь лувксса РФ-нь лия     субъекттнень эзда.
Владимир Волков мярьгсь, што мордовскяй народть съездоц работать важнай пяльксоц, кона мольфтеви властень оргаттнень и общественнай институттнень мархта традициятнень и межэтническяй ладямать ванфтоманц и ламолгофтоманц коряс—тя задачать путнесы странань Президентсь. Сай пингонь съездть инь главнай темац—«Мордовскяй (мокшень и эрзянь) народсь лама нациянь Россиять единай культурнай кодса».
31.01.2019  № 4
 
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин