https://mokshapr.ru
10.06.2022
 |
Архив | |
| апрель | ||||||
|---|---|---|---|---|---|---|
| 2024 | ||||||
| пн | вт | ср | чт | пт | сб | вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
 |
|
ТЯФТА ТИЕНДСЬ НАТАЛЬЯ МИХАЙЛОВНАКолма кизода инголе арань содафокс аля мархта, кона корязон сирель вейхкса кизода: тейне ульсь 53, теенза—62. Ся пингти Володя пяле киза эрясь ськамонза—рьвац, конань мархта марсотольхть 34 киза, тусь эряфста. Алясь тердемань мархтонза эряма. Мярьгонь, што аньцек колма шит содатама фкя-фкянь, тяда башка, рьванц куломдонза меле ётась ёфси кржа. Сон отвечась:
—Аф, мон семботь арьсине. Обжамот аф карман, пяк туть мялезон. Ковть алга якама аф карматама, тейнек аф кемзисемге кизонь. Тейне эряви азорава.Сими ломанень мархта эрянь 18 киза, сяс Володянь мархта эряфсь няевсь тейне цебярькс: сяпиняти ашезь прафта, ашезь куренда—кода содавсь сяльде, шумбрашинц сюнеда.
Колма ковсь ётась бта ёфксса, нльне ашень шарфне мяль, што Володя фалу корхнесь тейне сянь колга, кода арьсесь, мезе тиендсь ингольдень рьвац Наталья Михайловна, ладявоза вастоц тонашиса. Эрь илядня азонкшнесь колганза, бта тейне примеронди путнезе. Сань мяльс содамс, мезе тиендян аф стане, и тердине сонь корхтамс седикс-ваймокс. Лиссь, што пидян-панян, урядан, муськан лац, но вов сонь сяка лятфнесы.
Отвечань, што лац шарьхкодьса, ужяльдьса, но эрямс эряви тячиень шить мархта, лятфнемс квалманза церькавса и калмалангса, аньцек кулофть аф мрдафтсак, молема инголи. Сон согласиндась валнень мархта, но сембось лядсь кода и ульсь. Мирендань, арьсемок, што пингонь ётазь тевсь петеви.
Колма цёранзон, синь рьваснон и идьснон мархта арань ялгакс. Сембе праздникне ётнесть ширесонк, сидеста сашендсть инжикс ваймама и стак шитнень, мезсь вешсь аф кржа ярмак. Володя ярхцамбяленди макссесь тейне 4 тежятть цалковай, ляды ярмаконц путнезе сберкнижкас. Тейне ульсь визькс корхтамс мархтонза ярмаконь колга, коль надиянь, што шарьхкодьсы семботь сонць, да и монць ся пингть аф кржа получань.Но меле ушедсь вов мезе. Весть кулине, што тарелкатнень коськома аф стане путыне (эряви, штоба рисункась няеволь), кияксть штама плманжа лангса (тяфта тиендсь Наталья Михайловна), алгань щапнень лоджияса аф косьфнемат, теест вастсь—батареять лангса. Сембе тя «павазсь» прась прязон апак учентт, мзярда марстонь эряфоньконди топодсь киза.
Отпускстон лезнень Володянди дачаса, пасекаса и весть кизефтине, мезти
ерай кярьмодемс сяда тов,—лама кулень, но графиксонза фкявок ши ашель тейне. Мярьгонь хуш фкя шис кадомс тефнень, ваймамс, молемс концертс, но сон атказась.Ашень кирде и аварьгодонь. Но тянь лангс мярьгсь вов мезе:
—Авартть, авартть, аньцек аф пяк вихца!
Тяфтама эряфса: куд—работа, работа—куд—ётасть кафта кизот. Тя пингста аньцек кафксть, 8 Мартста, Володя казендсь тейне хризантемат сяканяса, конат сяльде ускфтольхть дачав, клумбав, конань тиендезе Наталья Михайловна.Меколи шарьхкодине, што аф азораван и мзярдовок тяфтамкс аф улян, сяс мес сон ванць эрь аськолксозень мельге. Сань мяльс эрямс Володянь мархта башка, тя пяк дивандафтозе. Монцень квартирасон эста эрясть квартирантт, тя сонь мярьгоманц коряс,—сяс савсь эстейне тумс сивотьф квартирас. Тя тевонди анань кядьстонза пандомда ярмак, меле аф весть каендань, мес тянь тиине. Тумстон Володя ашезе макса телевизорть, мярьгомок, што соньфтомонза кухнясь шами,—а вдь тя ульсь казне юбилеезон.
Вов тяфтама история. Пяк пичедян ётаф пингть, карьхцяф ярмаконень инкса. И сянь колга, што эряфс ашесть ётафтов надиямане.Етась киза, но ваймозе коль сяряди. Лисенди, цебярть паннесазь шуроста, но мялезе надиямс, што сембось ули лац. Тейне курок 57 киза, арьсян, аф сембось нинге юмафтф.
Ирина.
|
|
НОВОСТИ | |
