Поиск по сайту: 
 

Архив
 июнь 
 2019 
пн вт ср чт пт сб вс
     12
3456789
10111213141516
17181920212223
24252627282930

 
 

 

Наши мокшанские сыновья и дочери

СОНЬ КАСФТОЗЕ АТЕРЕНЬ МОДАСЬ

Аф ваномок эсь заняфшинц, кудонь и общественнай тевонзон лангс, Павел Ефимович аф юксни шачема веленц, тядянь-алянь кудснон колга. Сашенды тяза сидеста. —Павел Ефимовиченди мон мярьган батяй,—азозе сазороц А.Е.Кулягина.—Тяфтама брадоц, кодама моннесь, киньге аш. Эряви лезкс, лезды. Аф юкснесамань аф аньцек монцень, но и иднень, и нльне уноконень. А кда сярятькстан, юмафтсы покоенц, пефтомоксть гайфти. Тядязе тяшкава ашезь пичетькшне инксон, кода Пашаньке. А тяни сон тейне и тядя, и аля вастс. А мзярда сашенды Атери инжикс, седикс-ваймокс корхнетяма, лятфнесаськ   идькс пингоньконь, шачфтыеньконь-касфтыеньконь. А лятфтамс шачема кудоньконь, курняньконь сельмоведьфтома аш кода. —Тяни вдь шачема кудонтень лия азороц?—кизефтине Анна Ефимовнань. —Виде. Но сон монь пере песон ащи, ёфсикс сельминголен. Батязень мархта ванонттама лангозонза. И седизонк пара. И виде, «фкя рядса» (тяфта лемнесазь Атерень Красноармейскяй ульцять) ётась Павел Ефимовичень шабакс пингоц. Сон пяк мялень салаель. Кода велень сембе цёранятне, налхксесь ялганзон мархта футболса, якась соксса курькснема, лезнесь родителензонды кудонь тевса. Ёфси ашель пингоц кальдяв промозонди. И школаса, и ульцяса ульсь примеронь сявома вастокс. —Павел Ефимович тонафнесь пяк лац,—азозе Атерь велеста педагогическяй трудонь ветеранць И.Е.Лукина.—Лезнесь стирня и цёраня ялганзонды. Тисы математикаса   эсь контрольнай работанц кеветиешка минутаста, а тоса тейнек лезды. Тонафтыеньке приметасы тянь, ушеды сюцема. А Павел Ефимович коль ширезонк арай. Ломанць аф прянь няи. Кодама аньцек оцю вастт ашезь занце, фалу ульсь и ляткшни цебярь ломанькс. Няйхтянза, пшкяди, кизефттянза, кода шумбрашице, кода эрят-ащат. Мархтонза корхнемда меле кеподи мяльце, юкстасайть сембе пичефкснень. —Монь койсон, тя ломанць святой,—поладозе омбоце педагогическяй трудонь ветеранць, Арга велень мокшавась А.А.Петрова.—Сон сембоса ульсь тейнек надияма, пшкядема вастокс. Сон киньге ашезь обжсе, киндивок ашезь пшкятькшне кальдяв валса. Мушендсь марстонь кяль и тонафтыхнень, и тонафни ялганзон мархта. Тянемс тяфтамкс и лядсь. Коса афоль труденда, кодамот афольхть уле званиянза, сон вестевок ашезе юксне эсь мокшень кяленц. Васьфттянза, пшкяди мокшекс, корхтай мархтот тядянь-алянь кяльса. Афкукс кеподи настроенияце. Павел Ефимович шачсь 1948 кизоня, странаньконь аф тёждя пингстонза, аньцек аделавсь Великай Отечественнай войнась. Аляц, Ефим Дмитриевич, мрдась фронтста сяськикс, мяштец пяшксель боевой казнеда. Кельгома рьвац, Анна Петровна, трудендась тылса. Кодама аньцек нужа ашезь няе, кирдсь сняра сталма, што арьсемска пелькс. И вестевок ашезь пеняцякшне эсь эряфонц лангс. Анна Петровна шачфнесь кота итть. Елизавета и Пётр кулость ёфси ёмланяста. Павел Ефимовичта башка мокшавать нинге колма стиренза. Сембе синь шнама ломатть. —Минь семьясонк ашель фкявок кальдяв ломань,—азозе Анна Ефимовна.—Честнайкс, порядочнайкс касфтомазь родителеньке. Тяфтамкс минь воспитандаськ эсь иденьконь, уноконьконь. Аляньке эрясь 88 кизос. 85 кизос покодсь Атерень «Память Ильича» колхозса. Павел Ефимович золотань медальса аделазе Атерь велень средняй школать. Сембе китне теенза панжадотольхть. Мяльса фалу кирдезень родителензон: а кода синь моньфтемон? Теест эряви лезды. Но Ефим Дмитриевич и Анна Петровна арьсесть ёфси лиякс. Кле, минць ашеме тонафнев, катк хуш цёраньке получай цебярь образования. Сонцень Павел Ефимовичень пяк мялезонзоль журналистонь тевсь, арьсесь, што сяда цебярь профессия аш сембе масторлангса. И пяк колавсь мялец, мзярда ашезь ётав вузу, оцюволь конкурссь. Сась куду обжафста, нолданьбрят. Виздсь ваномс родителензон, велеряензон сельмос. Арьсекшнесь кярьмодемс тевс колхозса, лисендсь ни скирдовандама. Тя пингть «За урожай» районнай газетаса кулезь-содазь, што Сенькин ашезе ёта конкурсть и сась меки куду. Тердезь покодема ширезост. И од цёрась ашезь атказа. Эстонь кизотнень районнай газетав пяк эрявсть асу стирьхть и цёрат. Районць аньцек явсь Торбеевать эзда. Кадратне ашесть сатне. Ся кизотнень П.Е.Сенькинда башка газетаса трудендасть Курташкань од цёратне А.И.Чучаев, В.В.Чумаров, Вярьвелеста—Николай Рыбаков и ламотне лиятне. Сембе синь шнама ломаттельхть. Тячемс тяфтамкс и лядсть. Редакцияса покодеманц Павел Ефимович лятфнесы пара мяльса. Мзяра цебярь, содаф ломань мархта удалась содафтомс. Сёрматкшнесь зарисовкат, очеркт, интервьют. Но газетась тя аф аньцек сёрмадома, но и оцю ответственность. Кодама аньцек рахафты, а кой-коста пичефти историяс од цёрась ашезь повонда. Эста газетась лисендсь недяляти колмоксть, эрявсь эряскофтомс материалхнень, пачфнемс ломаттненди кулятнень «псиняста». Мярьктяма, тячи Культурань кудса ётафтови оцю пуромкс, а омбоце шиня ни газетаса азондови тя событиять колга. Илять ётафтовсь оцю ила, кона лемтьфоль 23 февральти. Анокс содафоль, кие кармай корхтама, кштима-морама. Сенькинонь репортажец аноколь ни. Пара, што типографияса ашесть ушеда печатлама од номерть эса. Районнай военкомсь кучезе вастозонза пуромксс полафтыенц. Марямок тянь, Павел Ефимович Культурань кудста пулякс врхтадсь редакцияв. Лиси номерсь, ули ЧП. Ласькомбачк шорязе погонцтоть фамилиянц. Редакторсь сюцезе, конешна, но ЧП ашезь лисе. Кафта кизода меле району састь направленият вузу тонафнема. Ленинграду тонафнема журналистокс тусть сят, кит варчсезь вийснон творчестваса, тяшнесть стихт, расскаст. А Павел Ефимовиченди сатовсь Харьковскяй юридическяй институтсь. Тонафнема срхкась аф мяль вельде, тя профессиясь теенза одоль, аф содафоль. Но вузса тонафнемста сай пингонь специальностец кельговсь. Родителензовок кирдезь од церать ширенц, шназь кочкаф тевонц, профессиянц. Атерень цёрась тонафнесь вузса аф кальдявста. Примсесь участия институтть общественнай эряфсонза. Куду сашендсь пяк шуроста. Каникуланзон ётафнезень родителензонды лездозь. Вузть аделамда меле П.Е. Сенькин эряма и покодема вастонди кочказе мокшэрзянь крайть. Васенце аськолксонзон тиезень Темниковскяй прокуратураса. Пингсь кизоль. Ломаттне отпусксотольхть. Но од прокурорсь стакащемда пингонц ашезе ётафне, кочкась опыт, содамошит. Примеркс теенза ульсь прокуратурань ветеранць Е.Ф.Миронов, кона тонафтозе тя профессиять кельгома, лиякс лангозонза ванома. Тя ломанть колга Павел Ефимович лятфни сидеста. Сон ульсь теенза васенце учителькс. Ков аньцек ашезь пачкотькшне покодема П.Е.Сенькин. Трудендась Зубова Полянань прокуратураса, республиканскяй прокуратурать аппаратса. Тоста ётафтозь Дубенскяй району прокуроркс. Арьсесь, што тяста ковга оду аф ётай. Но эльбядсь. Кода-бди гайфтсь теенза республикань эстонь прокурорсь В.Ф.Конышев. Корхтамац нюрьхкяняль: «Молят тейне заместителькс?» Павел Ефимович абондсь, ашезе сода мезе отвечамс. Но оцюнятне аф кельгсазь, мзярда отвечайхть каршек. Аф лама пингта меле П.Е.Сенькин кярьмодсь тевс од вастса. 1990-2000 кизотнень Павел Ефимович вятезе республиканскяй прокуратурать. Тя ульсь инь стака пингсь странать, республикать эряфса. Но мокшалясь кирдсь достойнайста, вестевок ашезе «гастя» мундиронц, прокуроронь честенц. Служась эсь народонцты, законти. Республиканскяй прокуратурада мелевок мушендсь мяльс туф тефт, общественнай работат. Кодама тевса афоль уле заняф, васенце вастти лихнезень ломаттнень праваснон и интересснон араламаснон. Аф стак сон кафксть кочксевсь Мордовия Республикань Государственнай Собраниянь депутатокс. Тя ульсь 2003-2011 кизотнень. Эрь ломанть инь оцю козяшиц, тя семьяц. П.Е.Сенькиноньге пяк цебярь семьяц. Рьванц, Мария Павловнань, мархта марсот пцтай ведьгемонь киза. Эряйхть ладязь, кельгозь, фкя-фкянь шарьхкодезь. Касфтсть кафта стирьхть. Евгения—врач, Инесса—судья. Ниле уноксна, конатнень синь пяк кельгсазь. П.Е.Сенькин—афкуксонь мокшень ломань. Сон кельгсы аф аньцек тядянь-алянь  кяленц, но и мокшень койхнень-обуцятнень, моротнень. Кельгсы и «Мокшень правда» газетать.
Пара мяльса арьсетяма Павел Ефимовиченди кеме шумбраши и сяда товга седикс-ваймокс служамс эсь народонцты.
                                                                                                                                         Илья Вешкин,
                                                                                                                                                  Россиянь
                                                                                                                    Писателень союзонь член.
 

28.12.2018 №
 
 
 

 
НОВОСТИ
 
 

Исавелети—300 киза

Эрь кизоня Тройцянь шиня Инсарскяй райононь Исавели кочксеви лама ломаньда. Тядде тяза сашендсь кафта тежянть малава инжи странать сембе уженястонза: Москуста, Санкт-Петербургста, Самараста, Краснодарста, Коми Республикаста, лия областтнень и республикатнень эзда.
Тядде вели ломаттнень пуроптозень аф аньцек Тройцясь, ня шитнень Исавелети топодсь 300 киза. Велесь козя эсь историянц, коензон, обуцянзон мархта, тяса шачсь лама содаф ломаньда. Нят: ученайсь, писательсь, драматургсь, виднай общественнай деятельсь Г.Я.Меркушкин, Мордовия Республикань Почетнай Гражданинць, Российскяй Федерациянь Президентть видеса финно-угорскяй  нароттнень сембе масторонь конгрессть спецпредставителец Н.И.Меркушкин, медицинскяй наукань докторхне В.А.Базаев и М.Д.Кузьмин, лама лия содаф ломань. Велесь инжихнень васьфтезень эсь мазышинц мархта. Тяса лама од кудта, аф кунара панчфт социальнай центра, идень сад, од ФАП, строяфт спортивнай площадкат, культурань объектт, велеть мазопнесы Шкаень кудсь. Ламонцне илас састь идьснон, унокснон мархта, ломаттне кштисть, морасть, седисна и ваймосна пяшксель кенярдемада. Фкя-фкянь мельге сцена лангста кайгсть поздравленият, илань вятихне   азондсть велеть историянц колга, лятфтазь сятнень лемснон, кит аралазь Родинать вракнень эзда. Лама велеряй фронтста ашесть мрда, максозь эряфснон минь инксонк.
20.06.2019  № 24
 

Минь поздравленияньке

13.06.2019  № 23
 
 
 
 
 

«Рузаевкаса мольфтевихть анокламатне стекольнай заводть панжеманцты»

Мордовиянь Оцюнясь Владимир Волков:
Мордовиянь Оцюнясь Владимир Волков 29 майста ётафтсь рабочай васедема Рузаевскяй райононь руководительть Вячеслав Кормилицынонь мархта. Ванондовсть территориять социально-экономическяй виияфтоманц коряс кизефксне. Тяконь лувксса корхтамась мольфтевсь социальнай объекттнень строямаснонды анокламать колга: Рузаевкаса Паровознай ульцяса 160 вастонди идень садть, Татаронь Пишляса 250 вастонди школать, фельдшерско-акушерскяй пункттнень.
Ванондовсть районца водоснабжениянь и водоотведениянь систематнень одкстоптомаснон, а стане жа «Безопасные и качественные автомобильные дороги» национальнай проектть эряфс ётафтоманц рамкаса китнень строямаснон и петемаснон коряс кизефксне. Тядде, кода отмечазе Вячеслав Кормилицын, петевихть-одкстоптовихть 13 вайгяльбень кувалмоса кит.
06.06.2019  № 22
 

Аделсеви «Мокшень правдати» сёрматфтомась

Эряскодода!
Кельгома ялгат!
2019 кизоть омбоце пяленцты «Мокшень правдати» сёрматфтомать шумордамс ляткшни аньцек кафта недялят.  И ули тячи мяленьке нинге весть азомс нюрьхкяняста: мес именна «Мокшень правда» эряви тинь семьянтенди.
Кода аф ужяль, мокшэрзятнень лувкссна стаки кири. А «Мокшень правдась» семботь тиендьсы сянкса, штоба аф нолдамс тянь. Кода ванфтомс и виияфтомс кяленьконь, культураньконь, аф юкстамс эсь коеньконь-обуцяньконь—вов мезть колга мольфтеви корхтамась сонь лопанянзон эса. Пцтай эрь номерса макссевихть материалхт мокшэрзятнень историяснон, содаф ломаньцнон колга, азонкшневи народоньконь арьсеманзон и пичефксонзон колга.
«Мокшень правдаса» макссевихть медицинскяй темас советт и рекомендацият, советт перень сёронь касфнихненди и жувата мельге якайхненди. Эрь номерса ули юморонь и сатирань уженя, рузонь кяльса печатлакшневихть недялянди ламоц телевизионнай программатне.
«Мокшень правдась» республиканскяй газетатнень эзда фкя инь интереснай и уцез газетась. Сон нльне сяда уцез ламоц «районкатнень» коряс.
Теенза тяшфтемать питнец:
6 ковонди—336 цалковай,
3 ковонди—168 цалковай.
Газетать индексоц П4719.
 Эряскодода почтав. Тоса учихть эсонт. Пингсь содай ётаманц.
06.06.2019  № 22
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин