Поиск по сайту: 
 

Архив
 январь 
 2019 
пн вт ср чт пт сб вс
 123456
78910111213
14151617181920
21222324252627
28293031   

 
 

 

Наши мокшанские сыновья и дочери

Л.П.Князькова: «КАТК СЕМБОНДИ ОД КИЗОСЬ КАНДЫ ШУМБРАШИ И ПАВАЗ!»

—Любовь Петровна, мезьса мяляфтовсь тейть 2018 кизось? —Эрь кизось мезьса да аф мезьса мяляфтови. Удалафоль, событиянь ширде козяль тейне и тяддесь. Васенцесь и инь кеняртьфтись—тя кизоня шачсь уноконязе. Теенза топодсь ни кафкса кофт. Шкайсь мзярс тейне аньцек цёранят максси, идневок цёрат, уноконязевок цераня. Тя, улема, сяс, мес монцень алянь характерозе, эряфсь тонафтомань тиендемс и авань, и алянь тефнень, вдь мон емластокиге лядонь тядяфтома. Но кодамот монь церане, кода корхнихть, сембонди Шкабавазсь максоза тяфтама стирнят. Инксост тейне нинге мзярдовок ашезь сашендов визделготкшнемс. Оцюсь, Максим, кафксоце кизось ни работай Почётнай караулонь Военнай образцовай оркестраса, коса пяк лац няфнесы прянц. Лама казнедонза. Тядде, кепотьксонди, сон казьфоль «За содружество» медальса. Копилкасонза тя сисемце медальсь ни. Ёмлазе, Глеб, стане жа кеняртьфнесы тядянь седить сатфксонзон мархта. Сон аф весть лисендсь сяськикс всероссийскяй и республиканскяй творческяй конкурснень эса. Лац морай саксофонца. Козяль 2018 кизось и творчествань ширде. Тядде «Келу» ансамбльть мархта кафксть выступандаме Москуса—Российскяй Федерациянь Федеральнай Собраниянь Федерациянь Советса и Государственнай Думаса. Кода фалу, ансамбльть кштимац-морамац киньге ашезе када озадонь седихть ащема. Залу сувамстонк эстокиге сембе шарфнихть мяль мокшэрзянь щамоньконь лангс. А мзярда ушеткшнетяма вете и сяда лама вайгяльса морама, кулхцондыхнень солси седисна. Аш кода аф лятфтамс и сянь, што тядде республиканьке примазе футболть коряс Миронь чемпионатть. Тянь эздовок «Келу» ансамбленьке ашезь ляда шири. Кштизь-моразь васьфнеськ инжихнень. Удалась ваномс и матчнень. Максимозе тись тейне казне: нинге пяле кизода инголе рамась билет Панама-Тунис матчти. А тейне сяшкава кельговсь Панамань сборнайсь, эрь налхкись арась родной ломанькс. Кода содаф, Панамань командась чемпионатть пингста эрясь Саранскяйса. Минь коллективоньке васьфтезень тя странань футболисттнень, синь нльне кштисть мархтонк мокшэрзянь моротнень коряс. Сборнай командать вятиец Роман Торрес нльне лихтезе минь, «Келуть» солистканзон ёткса, тиф фотографиять интернетса эсь страницанц эса. Сяс пяк кенярдень, мзярда содайне, што удалай ваномс Панамань сборнайть налхкоманц. «Мордовия Арена» стадионца «сярядень» латиноамериканскяй командать инкса, кода мала ломаненкса. Тяда инголе ашине шарьхкотькшне фанаттнень, а тяни монць вастсост улень. Матчсь и марнек чемпионатсь лама пингс ляды мялямсон. —Мезе учендат Од кизоть эзда? —Васендакиге сянь, што пяшкодеви сембось, мезе арьсеф. А арьсемада пяк лама. 2019 кизось ули тейне юбилейнай. Апрель ковста семьясонк кармайхть кафта юбилейхть—монцень и мирдезень. Тяда башка, тяка жа ковня уноконяньконди топоди фкя кизоня. Оцюфт планне творчестваса. Топодсь колмогемонь киза, кода морсян «Келу» ансамбльса. Оцю мялезе пуроптомс творческяй илядь, кеняртьфтемс кулхцондыхнень од мороса. —Кода Князькофнень семьяса примаф васьфнемс Од кизоть? Шять, улихть тинцень коенте-обуцянте? —Ули кунардонь коезе эрь Од кизонь карша рамсекшнемс васта лангонь од комплект, а стане жа од щапт эстейне, мирдезти, идненди. Тя минь эсь лацонь семейнай традицияньке. Старандан анокламс козя шра, конань лангса сембода лияда башка улендихть ся ярхцамбяльхне, конатнень кельгсыне кизоть «азороц». Сай кизось Тюжя Модань Тувоть кизоц, сяс сон эряви васьфтемс-каванямс мяльс коре танцтиняда, штоба кандоль эсь мархтонза паваз, цебярь эряф. Од кизонь илать фалу васьфнесаськ семьянь келеса. Улендян шачема ширесон—Торбеевскяй райононь Мокшень Ювня велеса, васетькшнян сазорнень мархта. Кштикшнетяма, морсетяма топодемс, а нинге кильнетяма алаша и арнекшнетяма велеть эзга. —Казнетка, улема, аноклать ни мала ломаттненди? —А кода ина. Казнень анокламась Од кизоть аф явфтови пяльксоц. Катк казнетне улихть аф оцюфт, но ломанть мялец сякокс кеподи. Рамафксонень мзярс кирдьсайне секретса, аф учентф казнесь сяда кеняртьфти. —Шарьхкотьф, тонцьке аф лядондат казнефтома. Мезсь тейть сяда мяльс коре? —Кельгсайне лятфнембяленди казнетнень, конат ламос кармайхть лятфнема казиенц колга. Лама кизода инголе Од кизоти мирдезе казсь тейне оцю пине (налхкш), сон тячемс ащи шкафоньконь пряса. Тушендыхть мялезон и эрь шиня эрявксни казнетне. —Корхнихть, кда Од кизонь веня часттнень шавомста арьсемс мезеньге колга, тя обязательна пяшкодеви? Верондат тянди? —Верондан и фалу    куранттнень шавомста эсь потмован азонкшнеса инь оцю мялезень. Арьсефсь пяшкодеви, мзярда валтт мяльхне и кда пяк кемамс тянди. Фалу эряви верондамс цебярьс, аф пеняцякшнемс эряфть лангс, а, меколанкт, кеняртькшнемс эрь шити. —Артистонь тевсь, шарьхкотьф, аф тёждя, лама пингта сявондихть репетициятне, гастрольхне. Кода удалси сембоса кенерькшнемс? —Секрет кодамовок аш. Сембось лиси, кда заняфат кельгома тевса. Мон кельгса морамазень, кельгса сценать, кулхцондыхнень, сяс тевозень эзда мзярдовок аф сизсян. Кудонь тевсовок кенерькшнян, сяс мес тявок канни тейне кенярдема. Мон аф кельгса стак ащекшнемазень, тейне фалу эряви улемс мезьсовок заняфокс. Мирдезе дивандакшни, кле, эрятама марса комсь кафксува киза, а мон вестевок ашихтень няенде тевфтома ащезь. Вов тяфтаман мон ломанць. —Любовь Петровна, мезе арьселеть лувиеньконди Од кизоста? —Васендакиге, кемодонга кеме шумбраши, паваз. Катк сембонь Од кизоня пяшкодевихть мяльсна-арьсемасна, ули цебярь настроениясна. —Спасиба! О.ЕВДОКИМОВА.  

28.12.2018 №
 
 
 

 
НОВОСТИ
 

Мордовиянь Оцюнясь Владимир Волков Ётафтсь национальнай проекттнень эряфс етафтомаснон коряс рабочай совещания

17.01.2019  № 2
 
 
 

Ули мезенкса кеняртькшнемс

Монь, кода од ломанень, пяк лад мялезон ся, кода кизоста кизос коль сяда и сяда мазыкс и арукс арси республиканьконь столицац—Саранскяйсь. Тяни ётат сонь ульцянзон, проспектонзон, парконзон, лия вастонзон эзга и седице пяшкоди кенярьдемада, гордостьта и ошть, и марнек Мордовиять инкса. Сембода лама полафткста, конешна, эвондась тяса футболть коряс Миронь чемпионатти анокламста. Ваносте, кодамот тяни ошень китне, вокзалхне! Мяльцень стане жа саласазь «Тавла» гостинично-жилой од комплекссь и Экопарксь. Марнек полафтсь, лиякс арась аэропортсь. Тяни тяста самолетса можна пачкодемс Москуву и Санкт-Петербургу. А мзяра строяф идень садта, школада, гипермаркетта, лама лия пяк эрявикс объектта. А кода аф лятфтамс уникальнай спортивнай объектть—«Мордовия Арена» стадионть. Сон сембоса отвечай тяниень пингонь инь оцю вешфксненди. Аф стак самай тяса меля налхксть миронь инь вии футбольнай командатне. Тя ли аф фантастика, тя ли аф честь сембонди тейнек. А ёфси аф кунара Саранскяйса ётафтфоль эйть лангса конькаса фигурнайста куркснемать коряс Россиянь чемпионатсь. И тяконь лаца спортонь оцю праздникт миньцонк ётафневихть аф шуроста.
Спортсь лихтезе столицаньконь пяк няевикс вастс, тиезе сонь содафокс аф аньцек Россияса, а марнек мирса-масторса. «Саранскяйсь—тя афкуксонь Европейскяй ош, тяса сембось тиф-ладяф оцю уровеньца»,—тяфта азондсазь эсь мяльснон-арьсемаснон столицаньконь колга тяза сашенды инжихне.
Мария Тарасова.
10.01.2019  № 1
 

10 январьста—Мордовиять шачема шиц

Панчфокс панчт, мокшэрзянь краеньке!
Тячи Мордовия Республиканьконь шачема шиц. Топодсь 89 киза, кода теенза максф государственность. 1930 кизонь 10 январьста ВЦИК-ть Президиумоц примась постановления Мордовскяй округть Мордовскяй автономнай областекс тиеманц колга. Тя шись и лувондови мокшэрзянь республикати шачема шикс. А ниле кизода меле тифоль Мордовскяй АССР-сь.
Тянь мархта путфоль цебярь ушеткс касоманди-виияманди. Ётаф пингста ламода кассь республикать экономическяй виец, кеподсь культурась, образованиясь, наукась. Ламоц земляконьке арасть гордостекс аф аньцек Мордовияса, но и сембе Россияса.
Сембода оцю сатфкст миньцонк сатфт мекольдень кизотнень. Мордовиясь путневи примеркс лиятненди, тяза сашендыхть опытонкса, тонафнема. И ули мезти тонафнемс. Республиканьке тячи—странать инь  вишкста вииякшни региононзон эзда фкясь.
10.01.2019  № 1
 

Мордовия Республикань культурань, национальнай политикань, туризмань и архивнай тевонь министрсь А.М.ЧУШКИН: «ЛАДЯМА СЕМЬЯСОНТ И САТФКСТ ТЕВСОНТ!»

28.12.2018
 

Н.П.Огарёвонь лемса Национальнай исследовательскяй Мордовскяй государственнай университетонь ректорсь С.М.ВДОВИН: «КАТК ЁТАФТОВИХТЬ ЭРЯФС СЕМБЕ ВАЛДА МЯЛЕНТЕ И ПЛАНОНТЕ!»

28.12.2018
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин