Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

«АНЬЦЕК МАРСТОНЬ ВИЙСА ТИЕВИ СЕМБОСЬ!»

Гражданскяй обществась и государствась
Финно-угорскяй народонь культурань Поволжскяй центрать директороц, Мордовия Республикань Общественнай палатань членць Р.И.Акашкина:
—Раиса Ивановна, ётай кизоня кодама инь няевикс мероприятият ётафтсь гражданскяй обществать кемокстаманкса Финно-угорскяй народонь культурань Поволжскяй центрась Мордовия Республикаса и Россиянь лия региоттнень эса, коса эряйхть финно-угорскяй нароттне?
—Кода и тяда инголе, 2018 кизоня Поволжскяй центрась ётафтсь аф фкя лацонь культурно-досуговай, образовательнай, научнай, патриотическяй, профориентационнай, спортивнай и лама лия мероприятия. И, конешна, сембе синь аноклафт и ётафтфт Мордовия Республикань Культурань, национальнай политикань, туризмань и архивнай тевонь министерствать, республикань лия ведомстватнень и общественнай организациятнень лезксснон вельде.
Инь няевиксне эздост—«Волгась—ялгаксшинь ляй. Волжскяй нароттнень культураснон диалогсна» Международнай этнокультурнай экспедициясь-фестивальсь; «Шумбрат» национально-фольклорнай Всероссийскяй илась; «Морай шачем велесь» фольклорнай велень коллективонь Межрегиональнай фестивальсь; «Этношкола» культурно-образовательнай Межрегиональнай проектсь; «Рузонь кяльсь—культуратнень диалогса» Всероссийскяй конференциясь; «Мокшень и эрзянь кяльса тотальнай диктант» Всероссийскяй акциясь; «Мордовия Республикаса этнографическяй оцю диктант» Всероссийскяй акциясь; «Лама ликонь финноугория» фотографиянь Всероссийскяй конкурссь; «Мон кочксеса Мордовиять» профориентационнай Всероссийскяй конкурссь и, конешна, футболть коряс Миронь чемпионатсь и сонь культурнай программац.
Пингстонза болельщикне и чемпионатонь лия инжихне, конат сашендсть Мордовия Республикав Россиянь пцтай сембе региоттнень эзда и миронь лама странаста, няезь минь национальнай культураньконь сембе мазышинзон. Марстонь вийса тейнек сембонди, кит аноклазь и ётафтозь культурнай программать, удалась тиемс болельщикненди и инжихненди афкуксонь ила, конань, улема, синь вестьке аф юкстасазь!
Но, тяка пингть, Поволжскяй центрась етай кизоня мольфтсь эрявикс тефт аф аньцек финно-угорскяй сфераса. Минь тяфта жа лама тиеме сембе ширдень соткснень кемокстаманкса российскяй нациянь нароттнень ёткса кода Мордовияса, стане и Россиянь лия региоттнень эса.
—Кодама вешфксонь коряс карматада вятема тевонтень тяддень кизоня?
—Ня вешфксне, кода и лия аф коммерческяй и общественнай организациятненди, Поволжскяй центрати путфт Россиянь Президентть В.В.Путинонь «О национальных целях и стратегических задачах развития Российской Федерации на период до 2020 года» Указсонза.
Лиякс мярьгомс, тя, конешна, пара, мзярда аф коммерческяй и общественнай организациятне ётафнихть национальнай илат и лия этническяй мероприятият. Но минь, социальнай ширети шарфтф  аф коммерческяй и общественнай организациятнень, тя пингонь инь оцю задачаньке ащи вов мезьса—максомс государствати эрявикс лезкс социокультурнай прябалатнень машфтомаса. Сяс Поволжскяй центрась тяддевок кармай вятема марстонь тефт республикань Культурань, национальнай политикань, туризмань и архивнай тевонь, Физическяй культурань и спортонь, Образованиянь, Наукань и промышленностень, Печатень и информациянь, Социальнай защитань, населениянь трудонь и занятостень министерстватнень, Од ломанень тефнень коряс госкомитетть и лия ведомстватнень мархта.
Тяфта жа минь карматама работама аф фкя лацонь грантонь конкурсса и Россиянь благотворительнай и общественнай фонттнень мархта.
Сембось тя тиендевсь и кармай тиендевома Мордовия Республикаса и Россиянь лия региоттнень эса, коса эряйхть финно-угорскяй лия нароттне, российскяй нациять ёткса межкультурнай, межнациональнай и межрелигиознай соткснень кемокстамаснон инкса.
—Раиса Ивановна, кода содаф, «Культура» национальнай проектсь, кона кемокстаф Россиянь Президентть В.В.Путинонь «О национальных целях и стратегических задачах развития Российской Федерации на период до 2024 года» майскяй Указсонза, аф коммерческяй и общественнай организациятненди максси оцю финансовай возможностть няевиста вятемс тевснон эсь регионцост.
—2018 кизонь 18 декабрьста Москуса Россиянь Общественнай палатаса ётась «Приоритетные проекты: стратегические линии развития культуры в субъектах Российской Федерации» лем ала Россиянь региоттнень Культурнай форумснон Межрегиональнай IV конференцияц. Тоса минь улеме Мордовия Республикань культурань, национальнай политикань, туризмань и архивнай тевонь министрть А.М.Чушкинонь мархта.
Конференциять пленарнай заседанияса и дискуссионнай площадкаса сембе корхтаматне мольфтевсть сянь колга, кода аф коммерческяй и общественнай организациятненди и культурань региональнай министерстватненди эсь субъектсост ётафтомс эряфс ся возможносттнень, конатнень макссесыне тейнек «Культура» национальнай проектсь.
Конференцияса оцю доклад тись А.М.Чушкин, коса сон келиста азондсь, кода етафневи эряфс «Культура» национальнай проектсь Мордовия Республикаса. Докладта меле сон макссь крхка ответт конференциянь участникнень сембе кизефксснон лангс.
«Культура» национальнай проектть регионца эряфс ётафтоманцты тяфта жа лемтьфоль Россиянь аф коммерческяй организациятнень IХ съездсна, кона «Государственные приоритеты в развитии некоммерческого сектора: новые вызовы и реформы» лем ала 2018 кизонь 18-20 декабрьста ётафтовсь Москуса. Делегатт съезду кучсть Россиянь сембе региоттне. Мордовия Республикаста тя форумса, коса ульсь 1000 лама делегат, улень мон.
Съездса, коса тяфта жа ульсть Россиянь Федерациянь Советонь и Государственнай Думань, Федеральнай и региональнай исполнительнай властень представительхть, нинге ванфтольхть аф коммерческяй организациятнень рольсна национальнай безопасностть кемокстамаса, политическяй и государственнай управлениять виияфтомаса, гражданскяй обществать и властть ёткса сембе ширдень соткснень кемокстамаса, межнациональнай соткснень гармонизацияса, общественнай контрольть ладямаса и народти социальнай услугань максомаса.
Теорияда башка, съездонь делегаттненди ётафтовсть практикупт-семинархт. Пингстост оцю квалификациянь специалистт тонафтсть делегаттнень эса, кода сяда цебярьста сёрмадомс грантонди заявкат и маштозь аноклакшнемс лия эрявикс документт. Тейне ня содамошитне няевиста ушедсть лездома Поволжскяй центрать од уровеньца тевонзон вятемста.
—Кода шарьхкодень, Раиса Ивановна, Российскяй государствась тячи надияй гражданскяй обществать и сонь институтонзон, аф коммерческяй и общественнай организациятнень, сембе ширдень лезксснон лангс.
—Афкукс тяфта. Конешна, тяда инголивок аф коммерческяй и общественнай организациятне эрьгавста вятсть работа, кона кемокстась российскяй нациянь нароттнень ёткса межнациональнай, межкультурнай, межрелигиознай соткснень эса. Аньцек тячи тя работась лихневи од и ламода сяда сери уровеньц.
Кода мярьгсь Россиянь Президентсь В.В.Путин: «Сянь, мезть минь тячи лемнесаськ гражданскяй обществакс, ули потмонь оцюдонга оцю виец. А мзярда тя вийсь сотнеф государствать виенц мархта, эста синь марса эвондафнихть тяда инголи аф няентьф возможностть странать касоманцты и виияманцты!»
—Удалаза арьсефонте, Раиса Ивановна.
—Сюкпря! Карматама работама.
В.НЕСТЕРОВ.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022