Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Национальная тематика

СИРЕ ТЕРИЗМОРГАСА КЕЛЬГСАЗЬ И КОРОДОЗЬ ВАНФТСАЗЬ СЕМБЕ МИНЦЕННЕТЬ

Мокшетне и эрзятне, русне и татархне, республикаса эряй лия нациянь ломаттне таяскодыхть радиоть кулхцондомста, телевизорть ваномста, мзярда ушеды морама Старошайговскяй райононь Сире Теризморга велень народнай хорсь. Сонь колганза лама корхтамска аф эряви. Хорть содасазь аф аньцек мокшэрзянь крайсонк, странасонк, но и Венгрияса, Финляндияса, Эстонияса, лама лия вастова. Аф стак теенза максф «народнай» лемсь, Мордовия Республикань Государственнай премиянь лауреатонь лемсь.
Мезсь кеняртьфти, Сире Теризморгаса кштийхть-морайхть и пенсияс лисьфне, и средняй кизоса аватне и стирьхне, и… стирнятне. Коль сяда и сяда содафокс и кельговикс арси тястонь «Лаймоня» ансамбльсь, конань вятьсы Мордовия Республикань культурань Заслуженнай работниксь Виктор Пивкин. Артисттне—тястонь школаса тонафнихне. Вайгяльсна—аруфт, кайгихть—прокс цёфксоннет. Седи котьфтихть и синь кштимасна. Ня стирнятне—хорть сай пингоц, тяниень участникнень полафтысна. Тя корхтай сянь колга, што цебярь традициясь мольфтеви сяда тов и виияфтови. Тя ли аф пример ламоц лия велетненди.
Мокшень тя оцю велеса, эряви азомс, кода аш косовок лияса, пяк кородозь и кельгозь ванфтови сембе мокшеннесь, питнидонга питнись: тядянь-алянь кяльсь, ингольдень койхне, обряттне, национальнай костюпне. Кеняртьфнихть, дивандафнихть синь мокшавань и алянь панарсна, фартуксна, крганясна и ламось лиясь. Тяни тяфтапт кржа коста няят.
Сире Теризморгаса ванфтовсть аф аньцек эряфкшу ломаттненди щапне, но и школаса тонафнихневок эсь тядяснон, щаваснон, бабаснон лезксснон вельде аноклакшнихть эстеест мокшень мазыдонга мазы панархт, нулат и стак тов. Праздниконь шитнень однек-сиренек щакшнесазь синь и лисендихть ульцяв фкя-фкянь мархта васьфнема, кеняртькшнема.
И, конешна, сембоса тянь эса оцю ролец тястонь мокшень национальнай центрать. Тяса покодихне седишкава пичедихть сембе национальнайть ванфтоманкса и виияфтоманкса. И лама мезе тиендихть тянкса.
Корхнихть, народсь эряй снярс, мзярс кулевихть лиятнень ёткса сонь вайгялец, моронза. Сяс эряви тиемс семботь сянкса, штоба фалу кулевольхть мокшень валоньке, морсевольхть мокшень мороньке, пиндолдольхть-вандолдольхть минцень щамоньке, эряль и кочксель вийхть тядянь-алянь кяленьке. И тянь ширде, кода няйсаськ, ули кинь эзда сявомс пример.
И.САРГИН.

17.01.2019 №2
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин