Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Национальная тематика

ЛЕМТЬФОЛЬ РОССИЯНЬ ПРОКУРАТУРАНЬ ШИТИ

11 январьста Саранскяйса торжественнай обстановкаса отмечафоль Российскяй прокуратурать пуроптомста 297 кизонь топодемась. Пуромксса примасть участия Мордовия Республикань Правительствать Председателец В.Ф.Сушков, МР-ть эзга главнай федеральнай инспекторсь М.С.Сезганов, МР-нь Государственнай Собраниять Председателенц заместителец В.В.Алехин, а стане жа республикань правоохранительнай оргаттнень вятисна. Панжезе мероприятиять Мордовия Республикань прокурорть тевонзон тиендисна А.А.Максимов.
—Сембе пинкнень прокурорхне седикс-ваймокс малаткшнесть эсь тевснонды, сембе пингс лядондыхть вернайкс долгснонды.  Синь фалу шарфнесть и шарфнихть эсь лангозост мяль цебярь личнай качестваснон мархта. Минь тинь мархтонт профессионализманьконь, принципиальнайкс улеманьконь эзда ламода ащи граждаттнень законнай праваснон и интересснон аралакшнемасна, преступностть каршес тюремать результатонза,—мярьгсь А.А.Максимов прокуратурань работникнень инголе корхтамста.
МР-нь прокурорть тевонзон тиендиснон валонзон коряс, меля региононь прокуратураса работайхнень эзда кажнайсь путозе эсь путксонц граждаттнень эряфснон цебярьгофтомаса.
—Башка мяль шарфневсь ломаттнень праваснон араламаснонды. Мольфтевсь кеме контроль заказчикнень государственнай и муниципальнай контракттнень коряс обязательстваснон эсь пингстонза пяшкотькшнемаснон мельге, вятевсь работа государственнай и муниципальнай имуществать аф законц коре тевс ноляманц коряс кить перяманкса. Примсевсть мерат законнай предпринимательскяй тевть араламанц коряс,—азозе А.А.Максимов.
Башка сон отмечазе коррупциять каршес тюремать колга законодательствать пяшкотькшнеманц мельге ваномань работать эффективностенц.
Прокуратурань сотрудникнень поздравляндазень      МР-нь Правительствать Председателец В.Ф.Сушков. Сон лемдезе прокуратурать государствати нежедема вастокс и азсь благодарностень валхт сонь работниконзонды, а стане жа ветераттненди Родинати  лемтьф аф теждя трудснон инкса. В.Ф.Сушковонь валонзон коряс, самай  тя государственнай институтсь кемоста ащи законностть и правопорядкать ванфтоманкса. Оцю лезкс максси прокуратурась социальнай ширде эрявикс кизефкснень решандамаса. Инь оцю мяль шарфневи трудовой отношениятнень коряс граждаттнень праваснон  араламаснонды.
—Меля оцю работа мольфтевсь заработнай платать кирнеманц каршес мерань примсемать коряс. Тинь вельдент удалась мрдафтомс зарплатать коряс 175 миллион цалковай марстонь лувксса шумотнень,—мярьгсь Правительствать Председателец.
Профессиональнай праздник мархта МР-нь Прокуратурать стане жа поздравляндазе Мордовия Республикать эзга главнай федеральнай инспекторсь М.С.Сезганов. Правоохранительнай оргаттнень лемста илань васьфтихненди лямбе валхт азсь МР-ть эзга ФСБ-нь Управлениять начальникоц А.Ю.Акулинин. Судебнай оргаттнень лемста корхтась МР-нь Арбитражнай судть председателец С.В.Александров.
Пуромксса прокуратурань инь цебярь сотрудникне казьфтольхть ведомственнай казнеса.

17.01.2019 №2
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин