Поиск по сайту: 
 

Архив
 апрель 
 2019 
пн вт ср чт пт сб вс
1234567
891011121314
15161718192021
22232425262728
2930     

 
 

 

Юмор и сатира

ШОНГАРЯМ

Иван Михайлович Векшаев аделазень тевонзон Мельцанца и срхкась ни ялганзон мархта куду, Вертелиму, мзярда малазонза нажядсь солдат. Кядьсонза чемодання. Да вдь тя—Каркаев Володя,—эсь пачканза мярьгсь Векшаев.—Улема, службанц аделазе.
Солдатсь сявсь «под козырек» и пшкядсь рузкс:
—Как добраться до Вертелима?
Иван Михайлович пеедезь отвечась мокшекс:
—Кда аф пяк эряскодат, ялга пачкодят. А кда аф учемшка, курок комбинатонь автобуссь тоза туй.
Солдатсь, няевсь, ашезе сода сонь, ширептезень лафтунзон и тусь столовайть шири.
Векшаевонь ялганза рахазевсть:
—Тон, Михалыч, руснень мархта ни мокшекс кармать корхнема!
—Да аф руз сон, Вертелимонь! Минь песонк эряй.
—Эста мес ина мокшекс аф машты?
—Монга арьсян, мес?—ангорязе касомонц Иван Михайлович.—А, пади, ва мес...
Векшаев крьвястсь сигарета, танцтиста пухадсь и ушедсь:
—Армияса служамста мон, эстейне-арам, пяк лац тонадыне рузонь кяльть. Мзярда нолдамазь, кудсовок ёрань мокшеннеть эзда атказамс. Панжине кенкшть, тядязе няемань, ашкодомань и авардембачк сякот валонза:
—Вай, идняй-лефкскяй, сать, кудняньконь валдоптыть... Вай, идняй, конашка радость кандоть...
А мон, хуш сельмоне летькомсть, мяляфтса тевозень, мтордан:
—Ну, довольно, мамаша, успокойся. Я, разумеется, тоже очень рад, но зачем так волноваться?
Пуромсть пялонк радняньке и шабраньке, кажнайсь кизефни, кода армияса эрянь-ащень, солдатонь тевнень якафнине. Мокшекс мархтон матыхть. А мон: «Что-то не понимаю, давайте по-русски».
А «по-русски» мархтон киньге корхтамс аш мялец, аньцек сельмоснон фкя-фкянди ёжуста чипорясазь.
Омбоце шиня сргозень:
—Доброе утро, мамаша!
Тядязе эстокиге андомон срхкась:
—Коршак, идняй, мокшень шонгарямняда свежай палня мархта. Пади, тяда меле сяда курок эсь кяльцень лятфтасак.
—Не понимаю, мамаша. Всё забыл!
Шукадезе тядязе прянц, куфкстсь стакаста и валонь апак аст урядазе шра лангть.
Обед мала тядязе кизефтемань, вачсь ли пекозе. Мон: «Не понимаю». И ужинть мархта стане лиссь. А тядязе веляфтозе цюгунцта шонгарямть шуфтонь сюманяти и лихтезе пурхцкяти.
—Ярхцак, Борька, ярхцак,—кульса тядять вайгяленц,—тон мокшекс шарьхкодят!
А мон тонгонь зепозон кши кочам и ласькозь садняв. Стама танцтиста  марявсь!
Курок мольсь ни мялезе тяфта ёлождомс. А мокшень кяльти мрдамс пелян—пеедемон кармайхть.
Весть бригадирсь сявомазь тишень лядема. Работань кода эряви. Тозк луга лангса обед пидесть. Бригадирсь ювадсь:
—Сембе—обедама!—Сяльде цють аф тошказь кизефтемань:
—Шонгарям есть будешь?
—А что это такое?—содайкска ашень тие мон.
—Как что? Шонгарям.
—Не понимаю.
—Тарелку нальют, поймешь. Кармаме ярхцама, а  бригадирсь:
—Ну теперь узнал, что такое шонгарям?
—Конечно узнал: суп крупяной.
Тишень лядихне коршайхть, и сяка тевсна поварихать шнайхть:
—Эхи танцти шонгарям, Просакай, пидеть!
—Шонгарямсь—первай сорт!
Азсы кажнайсь тя валть да ширезон варжаксты.
Афоли, эста и педсь тейне Шонгарям прозвищась. Молян ульцява, а фталда кулеви:
—Коза тяфта Шонгарямсь срхкась?
Клубса кино ванондан, а залса тошкайхть:
—Мес-бди Шонгарямсь ськамонза, стирьфтома сась.
Срхкань военкомату учетс арама, кудоньконь инголе попутнай машина учендан. А шабраньконь вальмасна панжада, авась стирнянц тонафты:
—Местема Шайгаву молят, шицень юмафтсак? Вов эняльтть Шонгарямти, катк эрявикс книжкат рамай.
Мон ни атказань ингольдень мялезень эзда, мокшекс ушедонь корхтама, а прозвищась эздон аф аерды. Рьвяянь—Ниназти кармасть Шонгаряморясь мярьгондема. Шачсть иденьке синьге Шонгаряпт...
Кальхнень фталда штадсь комбинатонь автобусть кели коняц. И эстокиге столовайста ласьксь алятнень ваксс ся солдатсь.
—Решил всё-таки на машине?—кизефтезе сонь Иван Михайлович.
—Вай, да тя тон, Васька щеняй!—ювадсь тона мокшекс.—А вдь мон ашихтень сода. Армияв тумстон усатне ашельхть. Пара, пара. Марса арттама. Илять, Ванька щеняй, юпафтт ширезонк.
Павел ВЕЛЬМАТОВ.

17.01.2019 №2
 
 
 

 
НОВОСТИ
 
 
 
 
 
 

МОРДОВСКЯЙ ГОСУНИВЕРСИТЕТСА ПАНЧФ УЧЕБНО-НАУЧНАЙ ЛАБОРАТОРИЯ

2 апрельста Мордовиянь Оцюнясь В.Д.Волков ульсь Н.П.Огаревонь лемса      МГУ-са, коса ванозе лекарственнай средствань технологиянь учебно-научнай лабораториять и корхнесь од ученайхнень и студенттнень мархта.
Лекарственнай средствань технологиянь учебно-научнай лабораториясь панчфоль Физикань и химиянь институтть видеса 2019 кизоня университетть и «Биохимик» АО-ть марстонь вийса. Тянкса нолдафоль пцтай 4 миллиотт цалковай (фкя миллион цалковайсь—предприятиять). Лабораториясь козякофтф тяниень пингонь оборудованияса, кона максси возможность етафнемс аф аньцек учебнай занятият, но и фармацевтическяй субстанциятнень и анок лекарственнай форматнень технологияснон анокламанц коряс научнай исследованият. Лабораторияса студенттненди ули кода пяшкодемс лекарственнай препараттнень производстваснон действующай веществать синтезонц эзда сявомок анок продукцияти молемс. Лиякс мярьгомс, тевса варчсесазь университетса получаф содамошитнень.
11.04.2019  № 14
 

1 апрельста ушедсь 2019 кизоть омбоце пяленцты газетас и журналс сёрматфтомась

11.04.2019  № 14
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин