Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

В Правительстве РМ

ОЛИМПИЙСКЯЙ ЧЕМПИОТТНЕНЬ А.НЕМОВОНЬ И С.ХОРКИНАТЬ МАРХТА

18 январьста Мордовиянь Оцюнясь В.Д.Волков васетькшнесь нилень-крдань
олимпийскяй чемпионть Алексей Немовонь и кафтонь-крдань олимпийскяй
чемпионкать Светлана Хоркинать мархта. Спортсметтне састь Саранскяи,
штоба етафтомс панжада мастер-класс Леонид Аркаевонь лемса спортивнай
гимнастикать коряс олимпийскяй резервань спортивнай школаса.
Кода азозь олимпийскяй чемпиоттне, мастер-класс, кона етась 18
январьста, пуромкшнесь лама ломань. Алексей Немовда и Светлана
Хоркинада башка эсонза примасть участия российскяй спортивнай
гимнастикань и лия тяшттне—олимпийскяй чемпиоттне Елена Замолодчикова,
Елена Шевченко и Николай Крюков.
«Минь оцю мяльса етафтоськ мастер-классть. Сяда товга карматама кирнема
родной республиканьконь ширенц»,—мярьгсь Алексей Немов.
«Павазуван улемс родинасон и тага весть содайне тячи, што шабатне
Мордовияса пяк асуфт. Кеман, што тячиень мастер-класста меле
Саранскяйса касы спортивнай гимнастикаса прянь занцихнень  лувкссна»,—
мярьгсь Светлана Хоркина.
Мордовиянь Оцюнясь спасибась олимпийскяй чемпиоттненди республикаса
спортть виияфнеманкса и азсь надияма сяда товолдонь марстонь работать
лангс. «Массовай и профессиональнай спортть виияфнемаснон лангс
миньцонк шарфневи башка мяль. Карматама марса работама сянь лангса,
штоба Мордовияса эвондальхть спортивнай гимнастикать коряс чемпиотт»,—
мярьгсь Владимир Волков.
Республикать эряфса участиянь примсеманкса региононь вятись казезень
спортсметтнень «Футболть коряс Миронь чемпионатть етафтоманцты путксонь
путоманкса» медальса. Лятфтасаськ, Алексей Немов 2018 кизонь
чемпионатса ульсь  ошть-организаторть Саранскяйть посолоц.

24.01.2019 №3
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин