Поиск по сайту: 
 

Архив
 август 
 2019 
пн вт ср чт пт сб вс
   1234
567891011
12131415161718
19202122232425
262728293031 

 
 

 

Национальная тематика

«СОН УЛЬСЬ И ЛЯДСЬ НАРОДНАЙ МИНИСТРКС!»

16 январьста Мордовиять столицаса ётась Мокшэрзянь народонь
Межрегиональнай общественнай организациять Исполкомонц келептьф
заседанияц. Сон лемтьфоль Межрегиональнай организациять Исполкомонц
председателенц, профессорть А.С.Лузгинонь 70 кизонь юбилеенцты.
Заседаниять пингста тяфта жа етафтовсь юбилярть «Мордовия мастеровая»
од книганц-альбомонц презентацияц.
Тя шиня Мордовиянь национальнай драматическяй театрав, коса етафтовсь
юбилейнай мероприятиясь, исполкомонь членда башка, А.С.Лузгинонь
поздравляндама тяфта жа сашендсть республикань государственнай
исполнительнай и законодательнай властень, мокшэрзянь национальнай
творческяй интеллигенциянь и лия народонь общественнай организациянь
представительхть.
Исполкомть заседаниянц панжезе Мокшэрзянь народонь Межрегиональнай
общественнай организациять председателец, профессорсь Ю.А.Мишанин. Эсь
выступлениясонза сон, васенцекс лямбоста поздравляндамок А.С.Лузгинонь
70 кизонь юбилеенц и од книганц лисеманц мархта, макссь оцю питне
юбилярть тевонзонды, конатнень сон тиезень Мордовиять и Россиять лемс,
улемок Мордовскяй книжнай издательствань директоркс, Мордовиянь
печатень и информациянь, Национальнай политикать коряс министркс. Тяфта
жа оцю питне Ю.А.Мишанин макссь А.С.Лузгинонь тя пингонь общественнай и
научнай деятелень тевонзонды.
Мордовия Республикань Оцюнять В.Д.Волковонь лемста А.С.Лузгинонь
седиста моли валса поздравляндазе Мордовиянь культурань, национальнай
политикань и архивнай тевонь министрсь А.М.Чушкин. Сон тяфта жа максозе
юбилярти Мордовия Республикань Оцюнять Приветственнай адресонц, коса
азф лама пара валда А.С.Лузгинонь тевонзон колга, и сонь Указонц, коса 
А.С.Лузгин казьф Мордовия Республикань Оцюнять премияса.
Эсь ширденза А.М.Чушкин пачфтезе пуромфненди: кле, Мордовия
Республикать национальнай политикаса тячиень сатфксса, конатнень коряс
сон сувси лидерхнень ёткс аф аньцек Приволжскяй федеральнай округонь,
но и Россиянь сембе лия субъекттнень лувксса, ащи А.С.Лузгинонь
оцюдонга оцю путксоц. Сяс «Народный министр» книгать, кона сёрматф
А.С.Лузгинонь и сонь тевонзон колга, конатнень сон тиезень национальнай
политикать коряс министркс улемстонза, фалу кирдьса эсь шра лангсон!
Сяльде А.С.Лузгинонь юбилеенц мархта лямбоста поздравляндазь и макссть
тевонзонды оцю питне депутатонь корпусть и Мордовия Республикань
Государственнай Собраниянь Председательть В.В.Чибиркинонь лемста сонь
заместителец И.М.Москаев, Мордовиянь печатень и информациянь министрсь
В.А.Калугин, «Юрхтава» мокшавань ассоциациять председателец
З.И.Акимова, исполкомонь члеттне, конат састь юбилярть поздравляндама
Россиянь маластонь и ичкоздень региоттнень эзда.
Сяда тов музыкальнай казнет юбилярти казсть Мордовия Республикань
Заслуженнай артисткась Галина Макшева, «Торама» мокшэрзянь фольклорнай
ансамбльсь и республикань содаф лия ансамбльхне и исполнительхне.
Мокшэрзянь народонь Межрегиональнай общественнай организациять келептьф
заседаниянц аделавомста А.С.Лузгин азсь седи ваксстонь спасиба
республикань руководствати и сембонди, кит поздравляндазь сонь юбилеенц
мархта.
В.НЕСТЕРОВ.

24.01.2019 №3
 
 
 

 
НОВОСТИ
 

Новый благотворительный проект для пенсионеров Саранска!

В Саранске с 1 июля стартует новый благотворительный проект «От грёз к реальности». Проект был разработан Мордовским республиканским отделением Общероссийского благотворительного общественного фонда «Российский фонд милосердия и здоровья», его поддержка осуществлена в рамках конкурса социально­-значимых просветительских проектов для пожилых людей «Серебряный возраст» на средства, предоставленные АО «Райффайзенбанк».
Цель проекта—обучение пожилых людей оказанию психологической и педагогической самопомощи и взаимопомощи с целью сохранения благоприятного психологического самочувствия, развития и активизации их интеллектуальной деятельности и позитивной жизненной позиции.
В рамках проекта предполагается осуществить обучение 50 пожилых людей основам геронтопсихологической и педагогической самопомощи и взаимопомощи. Обучение будет проходить на базе ГБУ РМ «Комплексный центр социального обслуживания по г.о. Саранск» с июля по октябрь 2019 года. В качестве выездных мероприятий по проекту запланированы посещения Мордовского республиканского краеведческого музея им. И.Д.Воронина, библиотеки им. А.С.Пушкина, городского зо-опарка.
19.07.2019
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин