Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Культура

«ПАЙГОНЯТ» ФОЛЬКЛОРНАЙ АНСАМБЛЬСЬ

«Пайгонят» идень фольклорнай ансамбльсь пуроптфоль 1994 кизоня
Рузаевскяй райононь Левжа велень искусствань школаса. Ансамбльть целец:
кемокстамс мокшень фольклорть коряс содамошитнень, тонафтомс кельгомс
народнай моротнень, налхксематнень, кштиматнень, народнай щапнень.
«Пайгонят» фольклорнай ансамбльсь примсесь участия аф аньцек районнай и
республиканскяй концерттнень, но и Международнай фестивальхнень эса.
2014 кизоня Саранск ошса «Пайгонят» ансамбльть колмоце составоц арась I
степенень лауреатокс «Фольклорная мозаика» Всероссийскяй фестивальса-
конкурсса. 2015 кизоня—I степенень лауреатокс Сочи ошса «На творческом
Олимпе» международнай од ломанень творчествань фестивальса-конкурсса,
коса од артисттне национальнай щамса наряжафста моразь мокшень народнай
кунардонь моротнень. 2015 кизонь октябрьста «Пайгонят» ансамбльсь арась
лауреатокс Санкт-Петербург ошса «Салют Талантов» Международнай проектть
V-це Суперфиналсонза.
Тяниень пингть «Пайгонят» фольклорнай ансамбльть руководителец
—«Левженскяй ДШИ-ть» структурнай подразделениянц заведующаец Ольга
Владимировна Сонаева, концертмейстерсь Мордовия Республикань Культурань
Заслуженнай работниксь Николай Ильич Учватов.
М.УЧВАТОВА.

24.01.2019 №3
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин