Поиск по сайту: 
 

Архив
 август 
 2020 
пн вт ср чт пт сб вс
     12
3456789
10111213141516
17181920212223
24252627282930
31      

 
 

 

Культура

«Пайгоня» ансамбльсь кельгсыне и ванфнесыне мокшень моротнень

Мокшень морось эжди вайме, казенди ломаттненди пара мяльхть, кенярдема,
няфнесы мокшень фольклорть мазышинц. Лама вайгяльса морамась кадонды
ломаттнень седиса лямбе мяльхть-арьсемат. Краснослободскяй райононь
Мокшень Парка велень эряйхненди седиень озафтома вастокс ащи «Пайгоня»
фольклорнай ансамбльсь, кона пуроптфоль тяса 2005 кизоня.
Пуромсть ансамбльти Мокшень Парка велень аватне: эсь мяльснон коряс
синь сашендсть клубу, морсесть, кие кодама содась мора, сяльде
тонафнезь синь и няфнесть концертт. Кивок ашезь арьсекшне, што
кармайхть коса-бди морсема синцень веледост башка. Но, аф ваномок тянь
лангс, тячи ансамбльсь содаф республикать келес.
2007 кизоня велень мокшавать Валентина Ивановна Сайгутинать виензон
вельде пуроптфоль коллективть од составоц, козякофтфоль репертуароц.
Тяниень пингть ансамбльса морси 12 ава, конатнень ёткса и велень
оцюнясь О.В.Базаркина. Аф ваномок сянь лангс, што Оксана Владимировна
рузава, сон лац содасы мокшень кяльть и тяни аф шарьхкотькшнесы эряфонц
соньфтемонза. Тяни ансамбльсь морси аф аньцек кунардонь пингонь, но и
тяниень пингонь мокшень морот. Аф шуроста коллективса морсихне синць
тяшнихть морот.
«Пайгоня» ансамбльса кафта солисткат: О.В.Базаркина, кода азф вяре,
велень оцюнясь, и В.И.Цыганова—Парка велень клубть вятиец. Стане жа
коллективти сувсихть школань, велень администрациянь покодихть,
пенсионерхт и лият. Аф ваномок сянь лангс, што «Пайгонянь» эрь авать
ули покодема вастоц, семьяц, шабанза, синь мушендыхть пинге сашендомс
репетицияс, а сяльде няфнемс сцена лангса эсь творчестваснон.
Коллективса сембе фкя-фкянди ялгат, синь пуропнесыне марс мяльсь
ванфтомс мокшень культурать.
Васенцеда сцена лангс «Пайгонянь» артисткатне лиссть кунардонь пингонь
мокшень панарса, конатнень тарксезь бабаснон арзяста. Сяс мес панархне
ульсть пяк таштонят, аватне эняльдсть велень панаронь стайти Е.Н.
Цыгановати стамс мокшаватненди мазы щапт. Пингонь етазь, 2009 кизоня
«Пайгоня» ансамбльти творчестваса сатфксонь сатнеманкса максфтольхть
средстват од костюмонь рамамс.
Морсемань киса васенце аськолксонь тиемста оцю лезкс коллективти максси
баянистсь С.И.Гинин, кона покодсь ансамбльть мархта и латцезень
аватнень вайгяльснон. Меле синьфтомост ни ашезь ётне фкявок ила: Од
кизонь весь, Роштувань калядаматне, Масланцясь, Тройцясь, Велеть шиц и
лиятне.
«Пайгоня» ансамбльсь аф весть примсесь участия «Напевы родного края»
районнай фестивальса, конань эса фалу занцесь призовой вастт. 2010
кизоста сявомок мокшаватне няфнесазь творчестваснон «Шумбрат,
Мордовия!» народнай творчествань республиканскяй фестивальса. Оцю
оценка максфоль «Пайгоня» ансамбльти «Од вий» мокшэрзянь эстраднай
моронь региональнай фестивальса. Лямбе валхт азсь 2014 кизоня и
сембонди содаф артисткась Надежда Бабкина, кона казезе «Пайгонять»
грамотаса, мзярда синь примасть участия «Песня России» фестивальса-
марафонца.
Ашезь ляда шири коллективсь и футболть коряс Миронь чемпионатть
ётафтоманц эзда, мезенкса стане жа казьфоль республикань Оцюнять
Благодарственнай сёрмаса.
Содасазь «Пайгоня» ансамбльть аф аньцек Мордовия Республикаса, но и лия
региоттнень эса. Тяфта, 2010 кизоня Мордовиянь делегациять лувксса
коллективсь ульсь Моску ошса, коса етафтфоль Мокшэрзянь народть
Российскяй государствань нароттнень мархта эрямстост 1000 кизонь
топодемати лемтьф ила. 2018 кизоня «Пайгоня» ансамбльсь тертьфоль
«Валда шиня» мокшэрзянь народть фестивалезост, кона ётась Татарстан
Республикань Тетюшскяй райононь Кильдюшева велеса.
Удалась улемс фольклорнай ансамбльти и Эстонияса. Коллективсь няфтезе
эсь творчестванц Финно-угорскяй народонь шитнень пингста, конат ётасть
2013 кизонь 14 октябрьста сявомок 20 октябрти молемс. Тартуса,
Таллинца, Пярнуса, Вильяндиса «Пайгонясь» няфтезе мокшень мороть
мазышинц.
«Пайгоня» ансамблень аватне маштыхть аф аньцек морама. Кодама танцти
суронь пачат синь пицихть! А Зинаида Никитична Базаркинать позанц
варчсезь аф аньцек республикань, но и лия странань эряйхне.
«Пайгоня» ансамбльсь кельгсыне и ванфнесыне мокшень моротнень,
койхнень, илатнень, конатнень старандай пачфнемс од ломаттненди.
К.САЙГУТИНА.

24.01.2019 №3
 
 
 

 
НОВОСТИ

Ушедсь сёронь урядама пингсь

Эрь гектарста ули кочкаф 50 центнер сёра

 

Тяфтама ни велень эряфсь, фкя тевсь полафнесы омбоцеть. Нинге исяк республикань велень хозяйстватнень эса инь оцю мяль шарфневсь и водендафоль лама вий кормань анокламати,  тячи лама вастова кярьмодсть ни сёронь урядамати. Лихтезь паксятнень лангс эсь комбайнаснон и Рузаевскяй райононь «Агросоюз—Левженский» ООО-нь механизаторхне.

 

 

—Сёронь урядама пингти маладоме сембе ширде аноклафста,—азонды хозяйствань вятись, Мордовия Республикань велень хозяйствань Заслуженнай работниксь В.И.Сетин.—Комбайнатне пцтай сембе отт, мяльце касы мархтост работамс. Сёронь урядама пингть синь фалу паксясот, кой-кона участкатне ащихть кемоньшка вайгяльбень вастса и техникась мековасу аш месть панцемс. Марнек сёротне видефтольхть фкя тёжянь гектар лангса. Урожайсь пяк цебярь, эрь гектарста сяфтяма аф ведьгемоньда кржа центнер сёра. Кда кармай цебярь погодась, сембе  ня площаттнень  урядасаськ кафта-колма недяляста.

 

30.07.2020  № 29
 

МОРДОВИЯ РЕСПУБЛИКАНЬ ОЦЮНЯСЬ ВЛАДИМИР ВОЛКОВ ВАНОЗЕНЬ РЕСПУБЛИКАНЬ РАЙОТТНЕНЬ ЭСА СОЦИАЛЬНАЙ ОБЪЕКТТНЕНЬ СТРОЯМАСНОН КОРЯС РАБОТАТНЕНЬ МОЛЬФТЕМАСНОН

Краснослободскяй районца

 

 

24 июльста МР-нь Оцюнясь Владимир Волков ульсь Краснослободскяй районца, коса ванозе, кода мольфтевихть Бобылевские Выселки велеса «Комплексное развитие сельских территорий» программать коряс комплекснай компактнай строямать коряс проектть эряфс ётафтомац.

 

Проектть коряс арьсекшневи строямс спортивнай комплекс и  модань 132 участкаса эряма кутт. Бобылевские Выселки велесь ащи маласа Краснослободск ошти, сяс тя пцтай фкя агломерация.

 

Кода няезе Мордовиянь Оцюнясь, спортивнай сооружениять строямац мольфтеви сембе вийса и нльне графикта инголе. Республикаса тя фкя и сяка спортивнай объектсь, коса фкя вельхкс ала кармай ледовай арена, оцюфненди и иттненди бассейнат, тренажернай и фитнес-залхт. Лама функцияса спортивнай сооружениясь арай межрайоннайкс.

 

Кда сявомс проектть омбоце пяльксонц—комплекснай компактнай застройкать, тячиень шити площадкаса аделсеви газопроводонь и водопроводонь ётафтомась, тиф 1,4 вайгяльбень кувалмоса ки, лядыкс 1,7 вайгяльбесь—сай кизонь планца.

 

Владимир Волков путсь Краснослободскяй районть оцюнянц Алексей Буйновонь инголе задача—сяда виияфтомс аноклаф  территорияса куттнень строямаснон, тяконь лувксса льготнай велень ипотекать вельде.
 

 

 
30.07.2020  № 29
 
 
 
 
 
 
 

ВЛАДИМИР СУШКОВ ВЕШСЬ СЯДА ЭРЕКЛАФТОМС ТЕФНЕНЬ И КЕМОСТА ВАНОМС КАЧЕСТВАТЬ МЕЛЬГЕ

6 июльста Мордовиянь Правительствань члеттнень мархта совещанияса ванондовсть национальнай проекттнень эряфс ётафтомаснон коряс кизефксне. Республикань Правительствать Председателец Владимир Сушков отмечазе, што социальнай ширде важнай кой-кона объекттнень эса заняф аф сатомшка ломаньда и аф марнек нолявихть тевс графикнень ванфтозь работатнень пяшкотькшнеманкса строительнай механизматне.

 

 
Ётай ваймама шитнень региональнай кабминонь премьер-министрсь ванозень Идень республиканскяй клиническяй больницять хирургическяй корпусонц и Республиканскяй онкологическяй диспансерть поликлиническяй отделениянц, конат строявихть «Здравоохранение» нацпроектть рамкаса, строямаснон. Владимир Сушков мярьгсь работамс        объекттнень эса сутканьберьф и кемоста ваномс тиеви работатнень качестваснон мельге. Тяфта жа Правительствать Председателец мярьгсь анокламс уликс онкодиспансерть зданиянц петеманкса сембе документациять. Тядде нацпроектть рамкаса кармайхть одкстоптфт 70 фельдшерско-акушерскяй пункт и фкя врачебнай амбулатория.

 

09.07.2020
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин