Поиск по сайту: 
 

Архив
 март 
 2024 
пн вт ср чт пт сб вс
    123
45678910
11121314151617
18192021222324
25262728293031

 
 

 

Сире Шайгавста

ЦЁРАСЬ МИНЬ КУРНЯСТОНК
Михаил Деганов, етамок стака конкурсонь пачк,  тяниень пингть служай Анапаса «Эра» военнай од технополисть научнай ротасонза.
Старошайговскяй средняй школань выпускниксь 2017 кизоня якстерь диплом мархта шумордазе Московскяй национальнай исследовательскяй ядернай университетть Саровскяй филиалонц.
Срочнай воинскяй службать Михаил ушедозе Сергиев Посад ошень воинскяй частьса, а присягать примамда меле прважафоль Красногорскяи. Кафкса кофт заняфоль научнай тевса, кона сотнефоль медицинать мархта, меле прважафоль службас Анапав «Эра» военнай од технополису.
2018 кизонь 22 ноябрьста российскяй телевидениянь сембе каналхнень эса няфтьфоль РФ-нь Президентть В.В.Путинонь Анапаса «Эра» военнай технополисса улеманц колга репортажсь. Тяда меле, кода ванозень военнай технополисть объектонзон, Владимир Владимирович мярьгсь обороннай совещанияса: «Кеман, што сембось тя лезды анокламс эффективнай разработка, а главнайсь максы возможность курокста сувафтомс тевс передовой технологиятнень оборонаса и безопасностьса и, конешна, лезды кемокстамс Россияса наукань и инновациянь марнек сферать».
Президентсь башка лятфтазе, што «Эра» технополисса трудендайхть од ломатть, конат кочкафтольхть научнай ротас, странань ведущай вуснень эзда. «Корхнень кой-кона цератнень мархта, синь пара мяльса работайхть тяса»,—мярьгсь Президентсь.
Сятнень ёткса, кинь мархта корхнесь и ванць работаснон мельге государствань Оцюнясь, ульсь Михаил Деганов.
Деганофнень семьясост кафта шабат—Михаил и Диана. Нинге школаса тонафнемста теест савсь кирдемс оцю стакат-сталмот. Ёфси одста стакаста сярядемда меле тусь эряфста тядясна Галина Михайловна, кона вятезе «Россельхозбанкть» Старошайговскяй филиалонц. Зиянць ашезень синде од ломаттнень. Синь кассть енюкс аф кизос коре. Михаилонь мельге золотань медальса аделазе школать Диана. Тяни сон М.Е.Евсевьевонь лемса пединститутонь физико-математическяй факультетонь студентка. Тядясна маряль шабанзон инкса оцю гордость. Благодарностень валхт идензон воспитандаманкса эряви азомс синь аляснонды Валерий Иванович Дегановонди.
Деганофнень династияса ули примеронь сявома нинге фкя васта—синь атясна, Иван Яковлевич Деганов, Великай Отечественнай войнань участниксь. Войнань васенце шиста сявомок и мекольце шити молемс сон тюрсь артиллерийскяй дивизионть лувксса, казьфоль лама боевой орденца и медальса. Тяни сонь тевонц—седикс-ваймокс служамс Отечествати—полаткшнесы унокоц Михаил.
…Од ученайхне, кода и эряви военнайхненди, Россиянь Президентть мархта васедемаса ульсть отькорькс и корхтасть видеста: «Верховнай Главнокомандующай ялгась, мярьгода эняльдемс Теенть кадомс паронь арьсемань валхт ученаень сай поколениятненди марстонь фотографиять лангса»,—эняльдсть од ломаттне. В.В.Путин, конешна жа, ашезь атказа. «Служада Отечествати! Тя оцю паваз и честь. Арьсеса сембе цебярть!»—сёрмадсь Президентсь.

 

 
НОВОСТИ
 

МОРДОВИЯСА ЛОТКАФТФ МАСКАНЬ КАННЕМАНЬ РЕЖИМСЬ

09.06.2022  № 22
 

НАЦПРОЕКТТНЕНЬ—ЭРЯФС!

Мордовиянь Правительствась сяда тов мольфтьсы работать национальнай проекттнень эряфс ётафтоманкса, конатненди ки макссь странань Президентсь Владимир Путин. Республикань Оцюнять ширеса совещанияса корхтафоль основной федеральнай и республиканскяй программатнень эряфс ётафтомаснон колга. Мольфтеви работать квалма азондсть вице-премьерсь Игорь Чадов, МР-нь строительствань и архитектурань министрсь Алексей Гришакин, МР-нь транспортть и дорожнай хозяйствать коряс Госкомитетть председателец Валерий Кандрин, МР-нь велень хозяйствань и продовольствиянь министрсь Александр Кечайкин, МР-нь вирень, охотничьяй хозяйствань и природопользованиянь министрсь Алексей Ларькин.

 

Мордовиянь Оцюнясь путсь задача кирдемс кеме контроль ала строямань графикнень пяшкотькшнемаснон. Васендакиге корхтамась мольфтевсь социальнай инфраструктурань объекттнень колга. Тяфта, ванфтольхть кизефксне, конат сотфт Саранскяйса Кировонь ульцяса 250 вастонди идень садть и Тавлинскяй набережнайса 1450 вастонди школать строямаснон шумордамасна.

 

09.06.2022  № 22
 

ЁТАФТОВСЬ АНТИКРИЗИСНАЙ ШТАБТЬ ЗАСЕДАНИЯЦ

2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.

 

Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки  ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
 

09.06.2022  № 22
 
 

Одкстоптови общественнай транспортсь

28 майста Саранскяйса Советскяй площадьса Мордовиянь Оцюнясь Артём Здунов ванозень пассажирскяй од автобуснень, конат работайхть газса. Мордовияти тя общественнай од видонь транспорт, кона арьсекшневи нолдамс тевс республикань транспортнай предприятиятнень подвижнай составснон одкстоптоманкса.

Автобусонь ноляйхне няфтезь средняй и оцю классонь техникать. Артём Здунов ванозень автобуснень эса тяниень пингонь салонть и водителень кабинаса оборудованиять.

«Газса работай техникась сяда ванфтсы экологиять и аф веши оцю карьхцьт. Тяфтама транспортть эвондамац максы инфраструктурати касома-виияма—ков сяда лама тяфтама видонь транспортта, тов сяда лама кармай заправочнай станцияда. Тянь мельге сай пингсь»,—китькстазе Мордовиянь Оцюнясь.

Сембе автобусне стане жа тифт усксемс физическяй ширде ограниченнай возможность мархта ломаттнень. Тяниень пингть Саранск ошса ули автомобильнай газонаполнительнай компрессорнай фкя станция.

02.06.2022  № 21
 

Ревакцинация COVID-ть эзда эряви ётамс сембонди

Мордовиянь Оцюнять Артём Здуновонь председательстванц ала 27 майста ётафтовсь Мордовияса коронавируснай инфекциять инголдаманц и келемоманцты кить персеманц коряс оперативнай штабть заседанияц.

Отмечафоль, регионца ванфтови ковидса одс сярядихнень лувксснон киремац—ётай недялять тя ульсь 30 ломань шити.

«Эряви сяда тов мольфтемс ломаттнень вакцинацияснон и ревакцинацияснон коряс работать. Тянь мельге ванома кода муниципальнай образованиянь оцюнятненди, стане и предприятиянь и бизнес-структурань руководительхненди. Тяниень пингть ётафтовихть ЕГЭ-тне, сяс инфекцияда инголдамань мератненди эряви шарфнемс башка мяль»,—мярьгсь региононь руководительсь.

МР-нь Правительствать Председателенц заместителец Галина Лотванова азозе, што республикань медицинскяй учреждениянь стационархненди тона недялять эрь шиня пачфневсь 20 малава ломань. Сёлкф нинге 50 ковиднай койка-вастсь, стационарса пчкси 203 ломань, конатнень эзда пялесна—60+ кизосот.

02.06.2022  № 21
 

Экономикать виияфтоманцты—башка мяль

Мордовиянь Оцюнясь Артём Здунов 27 майста ётафтозе республикань экономикать ширень кирдеманц и кемошинц ванфтоманц коряс антикризиснай штабть заседаниянц.
Региононь руководительсь мярьгсь, што Россиянь Правительствась сяда тов примси решеният, конат эрявкснихть тячиень аф тёждя пингть экономикать работанц лац ладяманцты.
 
«Васенце очередень тевонь мольфтемань федеральнай планти сувафтф нинге 23 кизефкс. Фалу эвондакшнихть од механизмат, од возможностть. Тейнек эряви синь сяда лац нолямс тевс,—мярьгсь Артём Здунов.—Кепотьксонди, Россиянь Правительствась дополнительнайста нолдай 3 миллиартт цалковай региоттнень эса спортивнай инфраструктурать виияфтоманкса. Эряви кенеремс тиемс заявка ня программатненди и получамс финансирования».

Тяфта жа арьсекшневихть отечественнай программнай обеспечениянь ширень кирдемань од механизмат. Республикань цифровой виияфтомань министерствати и региональнай IT-компаниятненди мярькф активнайста примсемс участия ня процесснень эса.

02.06.2022  № 21
 
 

Артём Здунов встретился с многодетными семьями

Глава Мордовии Артём Здунов провел встречу с многодетными семьями республики – её приурочили к Международному дню защиты детей.

Встреча состоялась в Доме Республики в теплой, почти семейной обстановке, за чашкой чая. В ней участвовали вице-премьер Галина Лотванова и министр социальной защиты, труда и занятости населения РМ Игорь Князьков.

«Я хочу от всей души поблагодарить всех многодетных родителей за ваш нелегкий труд, достойный глубокого уважения и общественного признания, - сказал Артём Здунов. – Вы взяли на себя большую ответственность. Понимаю, сколько дел в большой семье, какая у вас загруженность, но прошу вас, чтобы за этими делами вы не забывали разговаривать со своими детьми. Обсуждайте с ними, что происходит в мире, что было много лет назад. Нам важно, чтобы дети выросли настоящими людьми, чтобы любили свою семью и свою Родину. Это наша с вами общая задача. Вы выполнили и перевыполнили свою демографическую программу, спасибо вам за это, теперь дело за нами».

В Мордовии около 8 тысяч многодетных семей, в которых воспитываются более 25 тысяч детей.

25 мая Президент России Владимир Путин на заседании президиума Государственного Совета, посвящённого вопросам социальной поддержки, подчеркнул, что многодетная семья должна быть ценностным ориентиром для всего общества и поддерживаться государством. Президентом поставлена задача сделать всю систему поддержки семьи целостной, последовательной, понятной и эффективной.
02.06.2022