Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Юмор и сатира

ПОЖАР

Ошезонк лияста
                         сась
          Ёжу аля Хитагур.
Кивок ашезь ара туркс,
Пара ломанькс
                  сонь примаськ.
Тонга ёткозонк сувак!
Асус коре тев муят.
Аньцек коеньконь
                        тон ватт!
Тейнек ялгакс най улят!
Алясь шарьхкодемазь лац.
Арьсесь ёфси аф куватьс.
Тевня эстеенза мусь:
Торгавамс кудня
                         сон путсь.
Пива мишендсь и
                       конфетат,
Шоколатт и сигаретат.
Фатятанза—
                    сяконь ватт:
—Тон тят ёта
                     вакска, тят!
Зепсот кядце ципат муй.
Рамак, мезе мялезт туй!
Ярмакть аф
             ужяльдьсак тон—
Сяда козякодан мон!
Ётнесть ломаттне,
Сияк
Лотксесть Хитагурань
                                 тейс.
Тевоц мольсь сонь
                      аф тяп-ляп,
Аньцек паронц
                      алясь няйсь.
Мишендинь кудняц
                             ся ульсь
Путф вчек ёфси
                 школать ваксс.
Лама рамси тяса мувсь:
Иттне фкя-фкянь мельге
                          ласьксть.
—Тейне, Хитагур щеняй,
Мазы карандашкат
                              макст!
—Тейне пиндолды пунят!
—Тейне вов ся
                      шоколадть!
Сяда эзрай цёрокш сай,
Тетькси сельмонзон
                            тов-сей.
Хитагурня пиванц шнай:
—Вкусный он!
Купи и пей!
Водка нужна?
                     Энтот тож,
Друг, тебе мы продадим.
Энтот симомбяль пяк гож!
Рамак и тят визде—симк!
Школавга ни эста вчёк
Дима Симкин сась урокс
Тютель-вятель
                         иретьфкя.
Кяжияфтозе пяк тя
Марь Иваннань:
—Ай-ай-ай!
Симкин, кода тейть
                        аф визькс?
Эрь, а Дима цють аф прай,
Пильге лангса афи кирдсь.
Меле апак учт тргадсь
Маркин Колянь мархта,—
Эзк
Ашезь кирде
                  Дима—прась…
Сась директорсь
И стямс лездсь.
Кода кирдемс
                  тяшка корть?
Учениксь симсь—тя позор.
Кие мизе симомбяльть
Теенза,
Ся судендамс.
Прокурорти
                 пачфтезь мянь
Тя кулять,
Но Хитагур
Тевонц якафтозе, мянць,
Хуш и кяльсь закоттнень
                               туркс.
Тянкса аньцек сяконь
                          мярьгсть:
Водка иттненди тяль ми.
Надияфтсь тянь
                     сявомс мяльс.
Но весть вов мезе лиссь:
Рощин Лёша лавкав сась,
Сась и анась сигаретат.
Хитагур щенясь и макссь,
Шабать мяленц
                  тяфта петсь.
Кизефтезе:
—Курендат?
—Курендан! Чай алян мон!
(Васень классу якась сон).
Хитагур мярьгсь:
—Питне пантт!
Ся шиня
        пожарникт ардсть—
Школаса вдруг лиссь  пожар.
Рощин Лёша пинге мусь
И кудботмару вдруг куцсь.
Мялец тянди кода сась?
Салаване курендась.
Сигарета пенц
                        люпштазе,
Тозк кудботмару
                           юкстазе.
Сяс и тоса лиссь пожарсь,
Сяс пожарникне и ардсть.
Лёша авардсь…
                      Виденцясь—
Сигаретат теенза мись
Лавкань Хитагур щенясь.
Сюцезь идть—
              аф парста тись.
Ашезь серьгятькшне
                            судьять.
Смеказе тянь сонць
                            народсь:
Лавканц Хитагурть
                        эсь кятть
Кандозь мянь
Врьгазонь лоткс.
Арьсесь ёжу Хитагур,
Тевоц тосонга лац туй.
Рамсихть тосонга
                           коль учсь
Сонцень лавказонза сама.
Сась врьгазсь,
Да мезьге ашезь рама,
Пулонц яфчазе и тусь.
Анатолий ТЯПАЕВ.

31.01.2019 №4
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин