Поиск по сайту: 
 

Архив
 июль 
 2019 
пн вт ср чт пт сб вс
1234567
891011121314
15161718192021
22232425262728
293031    

 
 

 

Юмор и сатира

Пеетькс пакшкат

—Тон видекс лувондсак, што газетаса объявлениятне кинди-бди лезнихть?
—Конешна! Мон кодак максонь объявления, што тейне эряви сторож, эстокиге лавказень грабазь.
 
Врачть кабинетс сувасть мазы стирня и сонь тядяц.
—Кайсек,—мярьгсь врачсь стирть лангс ваномок.
—Сярядись аф мон, а тядязе,— азозе стирнясь.
—Пара, пара, эста няфтьк кяльцень,—корхтай врачсь, шарфтомок тядять шири.
 
Тяла, якшама. Васьфнихть кафта алят. Фкясь эздост, вазняшка пине мархта, корхтай омбоцети:
—Мяльце эжемс?
—Мялезе.
—Взы!!!
 
Судьясь кизефнесы мирдть:
—Эрь илядня, мрдамок куду, тон шкафста мушендоть лия аля?
—Виде!
—И тя арась туфталкс рьвяцень мархта сялондомати?
—Да! Вдь тоза тейне ашель кода повфтамс пиджакозень.
 
Кафта ялгатне срхкасть копордама, а ярмаксна аш. Фкясь и корхтай:
—Аде пялон, холодильниксон фкяня ули.
Сувасть квартиразонза, етасть кухняв, таргазе сюлекать, а сонць—тс-с! да тс-с!
—Архт тона комнатаста кантт стопканят,—кошардозе ялганц. Ся тусь, но курокста мрдась меки. Сельмонза лиссть конязонза, валоц кодавок аф азови.
—Т-тоса… т-тоса… рьвяцень ваксса кати-кодама аля уды…
—Тс-с!—путозе прясуронц трванзонды.—Тя сонь сюлекац.
 
Вовочкась кизефнесы биологиянь учительть:
—Азость, а мезе тя: сенемаза-сянгярясь, 8 пильгса, няемас коре нильготькс.
—Аф содаса, а мезе тя?
—Да монцьке аф содаса, но сон аньцек сувась тинь юбкантень алу.
Алясь магазинца:
—Азость, а калонте тинь свежай?
—Аф содаса, мон тяса работан аньцек колмоце ковсь…

31.01.2019 №4
 
 
 

 
НОВОСТИ
 
 
 
 
 
 
 

«Сембось ушеткшни ёфксста!»

Тяддень 24-27 июньцта Мордовия Республикаса, республикань Общественнай палатать тердеманц коряс, рабочай визит мархта ульсь советскяй и российскяй содаф писательсь В.А.Бахревский.
24 июньцта Мордовия Республикань Пресс-центраса сон васетькшнесь республикань писательхнень, поэттнень и журналисттнень мархта. Васедемать вятезе Мордовия Республикань Общественнай палатать председателец, историческяй наукань докторсь И.В.Капитонов.
Васедемать ушетксста Иван Владимирович пуромфненди нюрьхкяняста азондсь писательть эряфонь и творческяй кинзон колга. Владислав Анатольевич Бахревский—советскяй и российскяй прозаик, поэт, идень писатель, драматург, публицист, критик—шачсь 1936 кизоня Воронежса. Сермадсь и нолдась иттненди и оцюфненди 30-да лама книга. Инь содафокс арасть сонь «Василий Шуйский», «Никон», «Аввакум», «Страстотерпцы» и лия историческяй романонза. Тяфта жа арасть содафокс «Дворец Золушки», «Кот в сапогах с секретами», «Первоклассник Митя и кролик Ушки-на-макушке» емла лувити ефксонза и азксонза.
27.06.2019  № 25
 

Саранскяйса казезь «Победань диктантса» сяськихнень

22 июньцта, Лятфнемань и ризнамань шиня, Мордовиять столицаса казезь «Победань Диктант»—Великай Отечественнай  войнань темас коре Всероссийскяй диктантть сяськиензон.
Сяськихнень чествовандазь 1941-1945 кк. военнай и трудовой подвигонь Мемориальнай музейса. Синь поздравляндазень и макссь питни казнет «Единая Россия» партиянь МРО-ть Секретарец, партиять Генеральнай советонц членоц Владимир Васильевич Чибиркин.
—Минь аф аньцек лятфнесаськ геройхнень, но и мяленьке шарфтомс общественностть мяленц етай шинь пелькс событиятнень лангс. Историять эряви содамс и мяляфтомс сембонди, штоба куломань канды войнась, кона сявсь 27 миллион ломанень эряф, афоль уле  вестевок. Историять содаманц касфтоманкса и героическяй етай пингть аф лац няфнеманц аф нолдаманкса «Единая Россия» партиять инициативанц коряс сембе странать эзга 7 майста етафтовсь Великай Отечественнай войнань темать коряс Всероссийскяй диктант—«Победань Диктант».
27.06.2019  № 25
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин