Поиск по сайту: 
 

Архив
 февраль 
 2020 
пн вт ср чт пт сб вс
     12
3456789
10111213141516
17181920212223
242526272829 

 
 

 

Спорт

МОРДОВИЯСА «ЛЫЖНЯ РОССИИ» АКЦИЯСА ПРИМАЙ УЧАСТИЯ 4 ТЁЖЯНЬШКА ЛОМАНЬ

     9 февральста Саранскяйса и республикань райоттнень эзга кеветиецеда ётафтови «Лыжня России» акциясь. Тя шиня, кода учсеви, Мордовиять столицаса соксса курькснема лиси 1800-шка ломань, республикань райоттнень эса—2000 лама. Саранскяйса пялькстоматне ётафтовихть Лыжно-биатлоннай комплексса, райоттнень эзга—тостонь лыжнай базатнень эса. «Кепотьксонди, меля сембода лац, мялень салазь ётасть соревнованиятне Ковылкинскяй, Ичалковскяй, Рузаевскяй, Атяшевскяй и Дубенскяй райоттнень эса,—азозе ня шитнень ётафтф пресс-конференцияса «КСШОР» ГБУ-нь директорсь, соревнованиятнень оцюнясна Михаил Храмов.—Тядде «Лыжня России» пялькстоматне и Мордовиять столицаса, и районга ётафтовихть спортонь праздник лаца, коза можна самс семьянь келеса. Эсост няфтеви интереснай, мялень кеподи программат». Саранскяйса спортонь парадсь панжеви 11 частста 45 минутаста. 12.00 частста максови старт 3 вайгяльбес ласькомати, 12 частста 25 минутаста туйхть кис 5 вайгяльбес ласькихне. Тядде и профессиональнай спортсметтне, и спортонь кельгихне ласькома туйхть аф башка, кода улендсь инголи, а марса.  

07.02.2019 №
 
 
 

 
НОВОСТИ
 

Н.А.КРУЧИНКИН: «ТЕЙНЕК МЯЛЯФТОМА ЭРЬ ЛЕМСЬ…»

2020 кизось странаньконди эсь лацонне. Тядде топоди 75 киза, кода сяськоме Великай Отечественнай войнаса. Россиянь эрь эряйти Победань шись, улема, инь питнись. Сон лятфни тейнек атяньконь-бабаньконь немецко-фашистскяй захватчикнень каршес тюремаса оцюдонга оцю подвигснон колга, и сянь, кодама питне максфоль воляшиньконь инкса.

 

Россиянь Президентть В.В.Путинонь Указонц коряс, 2020 кизось азф Мялямонь и славань кизокс, илати лемтьф мероприятият ётафтовихть марнек странать  келес, тяконь лувксса и минь республикасонк.

 

Ня шитнень корреспондентоньке васетькшнесь 1941-1945 кизонь военнай и трудовой подвигонь Мемориальнай музейть директоронц, «Поиск» Мордовскяй республиканскяй патриотическяй объединениять вятиенц Н.А.Кручинкинонь мархта. Сон азондсь Великай Победать юбилеенцты анокламать колга, а стане жа отвечась лия кизефкснень лангс.

30.01.2020  № 3
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин