Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наши мокшанские сыновья и дочери

ТЯШТЕЦ АФ МАДЫ

Сказительницась и поэтессась П.Е.Родькина ульсь сембе ширде асу ломанькс, сон сембе тевса сафнезе. Мокшавась маштсь пяк лац кштима и морама, пидема-панема, стама и сермадома, аф корхтамок ни стихонь, азксонь тяштемать колга. А шачсь-кассь Полина Егоровна Торбеевскяй райононь Сире Пяцёра мокшень велеса оцю семьяса. Нинге ёфси ёмла стирнякс ушедсь ёфкскянь, стихкянь и азкскянь сермадома. Васенце книганяц «Кшить таньфоц» лем ала лиссь 1987 кизоня. Тяза сувасть сонь васенце произведениянза. Сяда товолдонь сёрматфонза сувасть «Эрясть-ащесть атят-бабат» сборникти. 1995 кизоня Мордовскяй книжнай издательстваса нолдафоль «Толгафтома атёкш» книгац. Эсь стихонзон, азксонзон, баснянзон, лия произведениянзон эса няфнезень аф аньцек ломаттнень седиснон-ваймоснон, но и синь эряфснон. Тонафтсь марьсемс лиянь сярятьфть, улемс ломанти эсь масторонцты эрявиксокс. Сонь произведениянза токсихть седи, куватьс мяляфтовихть. Полина Егоровна пяк кельгозе мокшень эсь кяленц, койхнень-обуцятнень. Седиец ацерготкшнесь, мзярда мокшень ломанень ширде кулендсь эсь кялень  сялдыхть, эсь обуцянь апрякайхть. Тянь квалма азонкшнезень эсь мялензон газетаса, радиоса, марстонь оцю и емла пуромкснень эса. П.Е.Родькинать лемоц ульсь лац содафокс  аф аньцек Сире Пяцёра велесост, Торбеевскяй районца, но и  марнек мокшэрзянь крайсонк. Тя валда вайме мокшавать кельгозь сембе, сонь оцюволь авторитетоц мокшэрзянь народть ёткса. Етай кизоть песта сязевсь ломанень кельги тя мокшавать эряфоц. Тяни содафонза, ялганза, лувиенза лятфнесазь сонь пара мяльса. Пара ломаттне мзярдонга аф юксневихть, синь сембе пингс ляткшнихть минь седисонк и ваймосонк А тячи минь лувиеньконди макссаськ П.Е.Родькинать кафта ёмла азксонзон.    

07.02.2019 №5
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин