Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Здоровье

ТЯДЯНЯЙ, МЕС ТОН КУРЕНДАТ?

Пара кулятнень эзда фкя инь кеняртьфтикс, конешна жа уленди кулясь, што тинь кармай шабанте. Улема, сембе тядятне содасазь, кодама пара, што седицень ваксса эвондась од эряф, иднять учемац, шачемац, тядянь павазсь… Но тяниень пингонь стирьхнень еткса кизоста кизос касы курендаень лувкссь. И вдь содасазь синь, кодама зиян кандыхть пексост эряй идняснонды, но аф вийс коре атказамс шумбрашити канды тя усолть эзда. Ламонц тяфтама тядятне кирьфнесазь сигаретань лувксть, арьсемок, што тянь мархта инголдасазь зиянть. Но видекс ли тяфта тевсь ащи?
 
Тядять пекса эряй шабанять прянь вятеманц ванозь ученайхне УЗИ-диагностикань етафтомста. Содавсь, што  кда аньцек тядять мялец сась курендамс, иднясь прянц ушеткшнезе вятема таколдозь, прянь кирендезь, нльне шаманцка срмосезе.
 
Лятфтасаськ, пухадемань качамсь ащи 800 компонентста, конатнень эзда 30-ць ядовитай, еткозост сувси углеродонь окиссь, никотинць, кадмийсь, ртутсь, кобальтсь и стак тов. Сяс курендамань качамса отравиндамась—тя ся, мезсь учсесыне сембе курендай тядятнень и синь идьснон. Но сядонга пелькссь эвондакшни шачемда меле. Идсь аф эсь мяленц коряс арси пассивнай курендайкс и аф шуроста муцяй пря никотинть аф сатоманц эзда, бта анай курендамс. Сяс сон фалу аварди, кальдявста уды, лафча иммунитетоц и фалу сяряди.
 
Кожфонь аф сатнемать и опамомада башка, конань марясы пекса шабась тядять эрь сигаретань курендамать пингста, нинге емлалгоды и шуванялгоды плацентась, сяс мес колави верть якамац. Тя стакалгофнесы идть питательнай веществаса андоманц и ваймонь тарксеманц, арси туфталкс идть каяманцты и пингта инголе шачеманцты.
 
Физическяй патологияда, педа-пес аф кеме шумбрашида, психическяй и лафча ёнень прябалада башка, курендамась пекиста канды стакат-сталмот идти сай пингонь эряфсонзовок.
Опана, аф шумбра вастсь, коса ульсь идсь формировандамстонза, кадонды «пильгокит» идть мялямса сембе эряфонц пингста.
 
И нинге фкя фактсь, конань ламонцне аф содасазь, што табакть эса канцерогеттне кандыхть зиян плодть половой системанцты. Стирнятнень кири яйцеклеткань лувкссна, а церанятнень сяда товолдонь эряфса кармайхть прябаласна потенциять мархта. Идти пяк оцю зиянонь канды прябалада башка, курендамась гаснесы шумбрашинц и сонцень тядять.
 

14.02.2019 №6
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин