Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Наши мокшанские сыновья и дочери

ЮБИЛЕЙ МАРХТА, ИВАН ВАСИЛЬЕВИЧ!

 
Ня шитнень топодсь 80 киза трудонь ветеранти, «Мокшень правдать» пара ялганцты И.В.Антяскинонди. Минь, мокшень журналисттне, тячи седи ваксста поздравляндасаськ Иван Васильевичень валда юбилеенц мархта, арьсетяма теенза и сонь семьянцты кеме шумбраши и паваз.
 
И.В.Антяскин шачсь Краснослободскяй райононь Колапа мокшень велеса. Тяса тусь васенце классу, тяса получась средняй образования. Школать аделамда меле мокшень церать мялецоль сяда тов тонафнемс, касфнемс содамошинзон. Сяс сай Саранскяи и поступай тонафнема вузу. Сонь цебярьста шумордамдонза меле кучеви Сире Шайгавонь району. Сай тяза и нолдай крхка ункст. Савсь покодемс разнай вастса: васенда ульсь Сире Теризморгань школаса завучекс, сяльде—Лемдяй велеса школань директоркс. Улема, тяста и  ушедсь сонь карьернай касомац.
 
Няемок од педагокть организаторонь асувонц, ломаттнень мархта маштозь работаманц, Иван Васильевич тердеви партиянь Старошайговскяй райкому инструкторкс. А аф лама пингонь етазь, Горьковскяй ВПШ-ть аделамдонза меле, меки мрдай тяза и кемокстави пропагандань и агитациянь отделонь заведующайкс. Тяда меле лама киза мельцек работай сядонга оцю вастса—райкомонь секретарькс.
 
Ня ответственнай васттнень эса покодемстонза Иван Васильевич марса лия кизефкснень мархта, оцю мяль шарфнесь национальнай ширети. Сон фалу эсь сельминголенза кирдезе сянь, кода родной кяльсь и литературась тонафневихть школаса, кода мольфтеви национальнай газетатненди и журналхненди серматфтомась, заботендась мокшэрзянь народть эсь лацонь культуранц, коензон-обуцянзон ванфтоманкса. И сембе пингть кирдсь кеме соткст «Мокшень правдать» мархта.
 
 Сяльде И.В.Антяскин ульсь Старошайговскяй СПТУ-са директоркс, агропромышленностень комплексонь работниконь профсоюзонь райкомса оцюнякс.
И коса афоль труденда, сембе вастса сафнезе, эсь прянц няфнезе тевонь содайкс и тевонь кельгикс. Сон фалу мушендсь марстонь кяль ломаттнень мархта, сотцезень синь мяльснон-арьсемаснон, ризфснон-пичефксснон и фалу  старандась мезьсовок лездомс теест.
 
Аф ваномок сянь лангс, што И.В.Антяскин районца занцесь няевикс вастт, сякокс фалу ульсь и тянемс ляткшни скромнай, добрай и виде вайме ломанькс.
 
И нинге. Юбилярсь тянивок стройса, мольфти общественнай оцю  работа. Сон ветеранонь районнай Советонь президиумонь член, «Войнань итть» республиканскяй движениянь Старошайговскяй районнай филиалть вятиец.
 
Меколи нинге весть азсаськ: эряк, кельгома Иван Васильевич, тазаняста и ламоняс!
 
СНИМКАСА:
И.В.АНТЯСКИН Сарга велень мокшалять, Афганскяй войнань
участникть А.ЧАЛДАЕВОНЬ мархта. 
 

14.02.2019 №6
 
 
 

 
НОВОСТИ
 
 

ВЛАДИМИР ВОЛКОВ примась участия РФ-нь Правительствать вице-премьеронц Виталий Мутконь председательстванц ала совещанияса

14 майста Мордовиянь Оцюнясь Владимир Волков примась участия совещанияса, конань видеоконференциянь лаца ётафтозе РФ-нь Правительствань вице-премьерсь Виталий Мутко. Совещаниянь основной кизефксокс арасть уштомань пингонь ётай кизонь итокне.

 


Виталий Мутко отмечазе: ся региоттнень эса, коса губернаторхне шарфнихть башка мяль тя темати, сезонць ётась тапорксфтома. Но марнек,   ЖКХ-нь объекттнень эса чрезвычайнай ситуациянь лувкссь кассь, и главнай туфталсь—сеттнень таштомомасна. Вице-премьерсь отмечазе, што сай кизоста сявомок арьсекшневи нолдамс коммунальнай инфраструктурать, кона 60 процентта таштомсь, одкстоптоманц коряс федеральнай программать. Сяс региоттненди эряви максомс  РФ-нь Минстрои тяфтама объекттнень и капитальнай вложениятнень размерснон коряс, конат эрявихть тиемс нормативно-техническяй вешфксненди кондястикс, педа-пес кочкаф информация.

24.05.2019
 

Сёрматфтода «Мокшень правда» уцез (льготнай) питнеса

24.05.2019
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин