Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

ВЛАДИМИР ВОЛКОВ ПРИМАСЬ УЧАСТИЯ ДМИТРИЙ МЕДВЕДЕВОНЬ РЕГИОНОНЬ ОЦЮНЯТНЕНЬ МАРХТА ВАСЕДЕМАСА

Панжемок васедемать, премьер-министрсь отмечазе, што пцтай сембе анокламань работась лядсь фталу, аноклафт национальнай проектонь паспорттне, арьсефт целевой показательхне, муфт финансовай оцю ресурст.    РФ-нь пцтай сембе субъекттне кемокстасть соглашеният субсидиянь максомать колга федеральнай центрать мархта.
  «Меля аф сембе региоттне кемокстасть соглашеният исполнительнай властень оргаттнень мархта, и средстватнень пялькссна тушендсь резервнай фонду. Тя козовок аф кондясти тяниень пингонь условиятнень пингста. Тячиень шити кемокстаф 4099 соглашения—95 процентта лама. Цебярь результатсь. Надиян, маластонь шитнень тя работась кармай шумордаф»,—мярьгсь Дмитрий Медведев.
Премьер-министрсь китькстазе социальнай защитаса, здравоохраненияса, образованияса кизефкснень башка решандамаснон.
«Минь главнай задачаньке—штоба региоттнень еткса аф фкя лацонь ширетне аральхть ефси аф няевиксокс, штоба ломаттнень, аф ваномок коса синь эряйхть, улельхть эряманди цебярь условиясна, достойнай зарплатасна, работасна, цебярь эряма вастсна и китне, доступнай медицинась и качественнай образованиясь»,—мярьгсь Дмитрий Медведев.
Васедемаса лац-ряц ванондовсть нацпроекттнень эряфс етафтомаснон коряс механизматне, башка показательхнень петемаснон коряс региоттнень предложениясна.
 Мордовиянь Оцюнясь Владимир Волков, азондомок форумть работань итогонзон колга, отмечазе сонь значимостенц национальнай      проекттнень сатфксонь сатнезь пяшкодеманкса.
 «Форумса участиянь примамась—тя цебярь возможность мялень-арьсемань азомаса, опытса полафтомаса, платтнень ваномаса и, меколенди, качественнайста Президентть мархта путф задачатнень пяшкодемаса. Минь шумордаськ подготовительнай сембе мероприятиятнень и тяни ушеттама конкретнай работа национальнай проекттнень эряфс етафтоманкса»,—мярьгсь Владимир Волков.
 

21.02.2019 №7
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин