Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

События

ВАНОНДОВСТЬ Н.П.ОГАРЁВОНЬ ЛЕМСА МОРДОВСКЯЙ ГОСУНИВЕРСИТЕТСА ЛИЦЕЕНЬ ПАНЖЕМАТЬ КОРЯС КИЗЕФКСНЕ

Ректорсь азондозе региононь руководительти, што ётай кизоня университетонь ученайхне етафтсть 280 миллион цалковаень питнес исследовательскяй работа и нинге 60 миллион цалковайс—университетонь емла инновационнай предприятиятне, тя мекольдень пингть инь цебярь показательсь. Тяфта жа Сергей Вдовин азондсь карбид кремниень монокристаллонь синтезть и обработкать коряс проектть омбоце этапонц эряфс етафтоманц колга. Сай кизонди арьсекшневи нолдамс колмоце этапонц, конань аделамда меле планца получамс цебярьготф свойствань мархта промышленнай качествань объемнай кристаллонь касфтомать технологиянц.
 
Васедемаса ванондовсть од тонафнемань кизоста Н.П.Огаревонь лемса МГУ-ть учебнай базаса университетскяй лицеень панжемать коряс кизефксне. Лятфтасаськ, тяфтама поручения макссь Мордовиянь Оцюнясь Владимир Волков етай кизонь августста педагогическяй конференцияса.
 
«Васенда арьсекшнетяма пуроптомс кемонце классти якай ученик мархта кафта класст—эрть эса 25 ломань,—азондсь сай пингонь планонзон колга республикань Оцюняти Сергей Вдовин.—Профильхне—физико-химическяй (Физикань и химиянь институтть базаса) и информационнай технологиятне и математикась (математическяй факультетть базаса). Сай пингонди арьсекшнетяма пуроптомс класст нинге кафта направлениява—омба масторонь кялень—китайскяй, испанскяй кяльхнень тонафнемаснон коряс и химико-биологическяй направлениясь. Лицейсь кармай университетть главнай корпуссонза».
 
Владимир Волков надияфтсь кирдемс ширенц проектть, отмечамок ся фактть, што университетскяй лицеень выпускникненди ули кода  виияфтомс российскяй и мировой уровенень предметнай олимпиадатнень эса Мордовиять эзда участникнень  лувксснон, а стане жа касфтомс абитуриенттнень лувксснон, конат кочказь мяльс туф тонафнемань специализациять, лац аноклафт оцю профессиональнай квалификациянь получамати.
 
Тяфта жа Сергей Вдовин азондсь республикань Оцюняти 530 вастонди Ворошиловонь лемса ульцяса общежитиять строяманц шумордаманц колга.  
 

21.02.2019 №7
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин