Поиск по сайту: 
 

Архив
 май 
 2019 
пн вт ср чт пт сб вс
  12345
6789101112
13141516171819
20212223242526
2728293031  

 
 

 

Тема дня

В.Есяев: «ВИЙХТЬ МАКССЕСЬ ЯЛГАНЬ ЛЕЗДОМАСЬ, ФКЯ-ФКЯНЬ ШИРЕНЬ КИРДЕМАСЬ»

Шачсь Владимир Владимирович 1976 кизоня Краснослободскяй райононь Мокшень Парка велеса. Кассь колхозниконь семьяса: тядяц ульсь разнорабочайкс, аляц—трактористокс. Аделазе Мордовскопаркинскяй средняй школать. Оцю мяльса школада меле лезнесь алянцты сокамань тевса. Кудсовок сатнесть тефне. Владимир Есяев ужяльнезень касфтыензон, сембоса старандась лездомс теест, сяс мес семьяса сон ульсь фкянясь-тяконясь. Тяфта кассь эздонза тевонь кельги ломань.
Кефкиеце классть шумордамда меле В.В.Есяев тонафнесь Краснослободскяйса ДОСААФ-са. Армияда инголе аф ламос покодсь велень колхозса.
 
1994 кизонь 24 декабрьста тердезь армияв. Служась Краснодарскяй крайса Кропоткин ошса 3717 воинскяй частьса, кона ащесь особай назначениянь оперативнай батальонца. Службась мольсь лац, но сась приказ, конань эса азфоль кучемс частьснон командировкас Чеченскяй Республикав. Вов тяфта и содафтсь Паркань мокшень цёрась кяжи войнать мархта. Но, аф ваномок мезеньге лангс, Владимир Есяев пяшкодезе Родинать инголе долгонц и кирдезе валонц мрдамс куду.
 
Любой войнась, кодама тяза уле, кувака  или нюрьхкяня пингонне, канды эсь мархтонза ломанень эряфонь сяземат, сельмоветть, ризфт-пичефкст, стакат-сталмот. И сятненди, конат етасть ня пелькснень пачк, стака лятфнемс эряфонь тя пяльксснон колга…
 
Мзярда кизефтине В.В.Есяевонь, мезень колга арьсесь и мезсь макссесь вийхть кирдемс семботь тянь, сон отвечась:
 
—Васендакиге арьсемане ульсть сянь колга, што кудса учендсамазь кельгома ломанне. А вийхть макссесь боевой ялганень ширень кирдемасна, конат ульсть фалу мархтон и, конатнень лангс ульсь надияма, што аф кадсамазь стака минутаста. Сяльде нинге ламос онцтон няендине войнать, но, кода корхнихть, пингсь пчкафты. Мезе ульсь, ся етась. Надиян, идне, сай пингонь поколениясь аф васеди тяфтама прябала мархта.
 
Службада меле, 1997 кизоня В.В.Есяев рьвяясь, а фкя кизонь етазь шачсь васенце стирняц. Лама пинге покодсь «Красный Пахарь» колхозса трактористокс.
 
Тяни сон павазу ломань! Велеса колганза корхтайхть аньцек пара валса. Велеряйхне содасазь Есяефнень оцю семьяснон цебярь ширде. Синь кудсна пяшксе шабань вайгяльда. Кудазорхне Владимир Владимирович и Полина Николаевна касфтыхть кота итть: колма стирнят и колма церанят. Церанятнень    мирттне-рьвятне сявозь идень кудста и тяни макссесазь теест седиень лямбоснон, кельгомаснон.
 
Шабатне пяк кельгсазь аляснон и маряйхть инксонза гордость. Владимир Владимирович тонафтсыне идензон фалу лядондомс цебярь ломанькс и аф нолнемс кядьснон сталмотнень инголе.
 
Азома и сявок, мирттне-рьвятне Есяефне трудонь кельги ломатть, тякоти водендакшнесазь шабаснонга. Куд пирьфсна пяшксе жуватада. Улихть тракссна, букасна, тувосна, сявасна, учасна, мацисна, атякуркасна, яксяргсна и саразсна.
 
Тяниень пингть В.Есяев покоди «Лопатина» КФХ-са трактористокс.
 
Отечествань аралаень шинь карша поздравляндасаськ Владимир Владимировичень праздник мархта и арьсетяма тевонь кельги и пара вайме мокшаляти, Отечествань афкуксонь аралайти, кеме шумбраши и паваз!
 
                                                                                                                                             К.Сайгутина.
 

21.02.2019 №7
 
 
 

 
НОВОСТИ
 
 
 
 
 
 
 
 

Полафтови пенсиятненди социальнай доплатань максомась

Ня шитнень Мордовия Республикать эзга Россиянь Пенсионнай фондть Отделениясонза ётась пресс-конференция, конань вятезе Управляющайсь В.И.Василькин.
Пуромксть панжемста Владимир Ильич азозе, што аф кунара Россиянь Пенсионнай фондсь тись итокт 2018 кизонь работать коряс ПФР-нь инь цебярь территориальнай органть кочкаманкса конкурсти. Мордовиянь Отделениясь азф инь цебярькс Приволжскяй федеральнай округса и сувафтф ПФР-нь фкя инь цебярь отделениятнень лувксс Российскяй Федерацияса.
Сяда тов пачфтьфоль аф работай пенсионерхненди, конатнень пенсиясна регионца ладяф прожиточнай минимумда кржа, социальнай доплататнень максомаснон полафтоманц и пенсияснонды индексациянь тиемать колга. «Государственнай социальнай лезксть колга» и «Российскяй Федерацияса прожиточнай минимумть колга» федеральнай закоттненди сувафтф полафткснень мяльс сявозь прожиточнай минимумда кржа пенсияти индексациясь тяни тиеви тяфта. Васенда аф работай пенсионерть доходоц пачфтеви прожиточнай минимумть лувксс пенсияти социальнай доплатать вельде (кда сявомс Мордовиять, пенсиясь касфтови 8522 цалковайс) и аньцек тяда меле тиеви индексация пенсияти и эрь ковонь ярмаконь выплататненди (кда тяфтамот пандовихть пенсионерти). Тяфта, индексациять вельде сатф суммась кармай сяда оцю регионца ладяф прожиточнай минимумть коряс. Мордовияса пенсиятнень перерасчетсна тиеви майста ни. Республикаса прибавка получайхть 24 тёжянь пенсионерсь.
30.04.2019  № 17
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин