Поиск по сайту: 
 

Архив
 март 
 2019 
пн вт ср чт пт сб вс
    123
45678910
11121314151617
18192021222324
25262728293031

 
 

 

Тема дня

РОССИЯНЬ ВОИНСКЯЙ СЛАВАНЬ ШИСЬ

Документ, кона тиелезе 23 февральть официальнай советскяй праздникокс, ашель, хуш тя шить СССР-са эрь кизоня отмечсезь сембе. Советскяй историографиясь 23 февральста военнайхнень чествовандамаснон сотнезе 1918 кизонь событиятнень мархта. Эста В.И.Ленин, 1918 кизонь 15 (28) январьста, путозе кяденц Рабоче-Крестьянскяй Краснай Армиять (РККА), а 29 январьста (11 февральста)—Рабоче-Крестьянскяй Краснай Флотть (РККФ) пуроптомаснон колга Народнай комиссархнень Советснон декретснон алу. 22 февральста лиссь «Социалистическое Отечество в опасности» СНК-ть декретоц-воззванияц, а 23 февральста ётасть оцю митинкт  Петроградса, Москуса и странань лия ошнень эса, конатнень эса ломаттне тердезь сембонь араламс эсь Отечестваснон. Тя шись мяляфтовсь Краснай Армияв эсь мяльснон коряс сувайхнень инкса.
 
Великай Отечественнай войнада меле Москуса, союзнай республикатнень столицаснон, ошнень-геройхнень эса и крепостьса-геройса Брестса 23 февральста ушедсь нолявома торжественнай артиллерийскяй салют. 1995 кизонь 13 мартста Российскяй Федерациянь Президентсь Б.Н.Ельцин кемокстазе «Россиянь воинскяй славань шить (сяськомань шить) колга» Федеральнай законть. Тя лувксти сувафтфоль и 23 февральсь, кода Краснай Армиять Германиянь кайзеровскяй войскатнень лангса Сяськоманц шиц (1918)—Отечествань аралаень шить.
 

21.02.2019 №7
 
 
 

 
НОВОСТИ
 
 
 
 
 
 
 
 
 
 

 

 

Яндекс.Метрика Яндекс цитирования Rambler's Top100
Учредительхие:
Главнай редакторсь: И. С. Лушкин